بەيسەنبى, 28 ناۋرىز 2024
كورشىنىڭ كولەڭكەسى 2537 7 پىكىر 22 اقپان, 2023 ساعات 15:55

ءپۋتيننىڭ جولداۋى: يادرولىق بوپسا...

كەشە رەسەي پرەزيدەنتى ۆلاديمير پۋتين ۋكرايناعا ءوزى باستاعان سوعىسقا ءبىر جىل تولۋىنا وراي فەدەرالدى جيىن وتكىزدى. 

سونىمەن كرەمل قوجايىنى نە دەدى، نازار سالايىق:

– رەسەيدى سوعىس دالاسىندا جەڭۋ مۇمكىن ەمەس. سوندىقتان بىزگە قارسى اقپاراتتىق شابۋىلدار جاسالىپ جاتىر. كوپتەگەن جاستار سونىڭ قۇربانىنا اينالۋدا;

– باتىس رەسەيگە ستراتەگيالىق سوققى بەرۋ ويىن جاسىرمايدى. بۇل ءبىز ءۇشىن ات قۇيرىعىن ءبىرجولا ءۇزىسۋ دەگەندى بىلدىرەدى. باتىس جەرگىلىكتى جانجالدى الەمدىك دەڭگەيدەگى قاقتىعىسقا جەتكىزگىسى كەلەدى. ءبىزدىڭ بۇعان بەرەر جاۋابىمىز بار،-دەدى ول.

ءپۋتيننىڭ ويىنشا، سوعىستى باستاعان باتىس، ال رەسەي سول سوعىستى توقتاتا الماي جاتىر-مىس.

– ءبىز سوعىستى باستاعان جوقپىز، ءبىز سوعىستى بار كۇشىمىزبەن توقتاتپاقپىز. رەسەي بەيبىتشىلىك ءۇشىن قولدان كەلگەننىڭ ءبارىن ىستەدى، باتىسپەن ديالوگقا كەلۋگە دە دايىن بولدى،-دەيدى ول.

ءپۋتيننىڭ سوزىنشە باتىستا پەدوفيليا «قالىپتى جاعدايعا اينالعان».

– باتىستا نە بولىپ جاتقانىن قاراڭىزدار. پەدوفيليا قالىپتى جايتقا اينالعان. ءدىنباسىلارى ءبىر جىنىستى نەكەنى قيىپ جاتىر. باتىستىڭ نەيترالدى-گەندەرلى قۇدايى بار. كەشىرە گور، قۇدايىم، ولار ءوزىنىڭ نە ىستەپ نە قويىپ جۇرگەندەرىن بىلمەيدى. ءبىز بالالارىمىزدى ونداي ازعىندىقتان قورعاۋىمىز كەرەك. سولاي ىستەيمىز دە،-دەدى ول.

پۋتين رەسەيلىك وليگارحتاردى ەلگە قايتۋعا شاقىردى.

– كەيبىر كاسىپكەرلەر شەتەلدەن ياحتالار مەن جىلجىمايتىن مۇلىك ساتىپ الدى. ەندى ولار سانكتسيانىڭ استىندا قالدى. مەن سىزدەرگە ەسكەرتكەنمىن. سوتتان سوتقا جۇگىرىپ، شارشايسىزدار،-دەدى رەسەي پرەزيدەنتى.

ونىڭ ويىنشا، باتىس رەسەيدىڭ بايلارىن توناعان.

– شەتەل بانكتەرىندەگى قىرۋار قارجىسىنان، ياحتالارى مەن ءزاۋلىم سارايلارىنان ايىرىلعاندارعا قاراپايىم حالىقتىڭ ەش جانى اشىعان جوق،-دەيدى ول.

سونداي-اق پۋتين اقش-تىڭ يادرولىق قارۋدى سىناۋعا دايىندالىپ جاتقانىن اتاپ ءوتتى. قورعانىس مينيسترلىگى مەن روساتومعا دا سىناقتارعا دايىندالۋدى تاپسىردى.

ايجان تەمىرحان

Abai.kz

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2254
عيبىرات

قايسار رۋحتى عازيز جان

مۇحتار قۇل-مۇحاممەد 3521