بەيسەنبى, 28 ناۋرىز 2024
ايماق 2855 11 پىكىر 22 اقپان, 2023 ساعات 15:49

ورازباەۆتىڭ ورىسشا جاۋاپ بەرمەۋى وسالدىعى ەمەس!

جۋرناليستەرمەن جۇزدەسەتىن كەزدە تالاي شەنەۋنىكتەردىڭ بىردە وقىستاعى ءسوزى، بىرەسە، جۇرە جاۋاپ بەرەتىنى، يا بولماسا، سۇراققا تۋرا جاۋاپ بەرمەي الىستان وراعىتىپ وتىراتىن قىلىعى سياقتى نەبىر «حيتقا» اينالعان حيكايالارىن كورىپ ءجۇرمىز.

ال بۇگىن وبلىس ورتالىعى سەمەيدەگى كوممۋنيكاتسيالار قىزمەتى ورتالىعىنا كەلىپ باق وكىلدەرىمەن كەزدەسكەن كوكپەكتى اۋدانىنىڭ اكىمى دىلدابەك ءتاجىبايۇلىنىڭ ءبىر قازاقىلىعىنا رازى بولدىق.

 

جيىن باستالعاننان تەك قانا قازاقشا كوسىلگەن ورازباەۆ اۋدان تىرشىلىگىنە، دامۋىنا قاتىستى قاراپايىم تۇسىنىك بەردى. پروبلەمالاردى دا جاسىرعان جوق. الايدا، سۇراق قويۋ كەزەگى تيگەندە جەرگىلىكتى باسىلىمدا ىستەيتىن ءورىستىلدى قازاق ارىپتەسىمىزدىڭ بۇيرەكتەن سيراق شىعارىپ، ورىسشا سۇراق قويعانى قىزىق بولدى. اكىم ساسقان جوق.

- اينالايىن، وسى جەردە وڭشەڭ قازاق وتىرمىز. مەن دە سىزگە شيپوۆسكي ء(ماجىلىس دەپۋتاتى بولعان) سياقتى قازاقشا جاۋاپ بەرەيىن، - دەپ تاعى دا ەركىن توگىلىپ سالا بەردى.

سىرت قاراعاندا «اكەتىپ بارا جاتقان» وقيعا بولماۋى مۇمكىن. بىراق، دىلدابەك ءتاجىبايۇلىنىڭ وسى ءبىر ۇستانىمىنا قاراپ وتىرىپ، «بولسايشى، اكىمدەردىڭ ءبارى وسىنداي» دەگەن ويعا تىرەلدىك.

ورىسشا سۇراققا قازاقشا جاۋاپ بەرۋى كوكپەكتى اۋدانى اكىمنىڭ وسالدىعى ەمەس. قايتا قازاعىنىڭ ءتىلىن، نامىسىن قۇرمەتتەيتىندىگى ەمەس پە؟!

ءساتجان كاريپباەۆ،

سەمەي قالاسى

Abai.kz

11 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3515