جۇما, 29 ناۋرىز 2024
بيلىك 1896 1 پىكىر 16 اقپان, 2023 ساعات 12:58

Jusan بانك قازاقستانعا قايتارىلادى

الماتى قالاسىنىڭ بوستاندىق اۋداندىق سوتى «Pioneer Capital Invest» جشس مەن Jusan Technologies Ltd اراسىنداعى «First Heartland Jusan Bank» اق-نىڭ، سونداي-اق ونىمەن بايلانىستى ۇيىمداردىڭ اكتيۆتەرىن شەتەلدىك يۋريسديكتسيالارعا بەرۋ تۋرالى مامىلەنى جارامسىز دەپ تانۋ تۋرالى الماتى قالاسى پروكۋرورىنىڭ تالاپ ارىزى بويىنشا ازاماتتىق ءىس قوزعادى، دەپ حابارلايدى قر باس پروكۋراتۋراسىنىڭ ءباسپاسوز قىزمەتى.

2022 جىلعى ماۋسىمدا پرەزيدەنت قاسىم-جومارت توقاەۆتىڭ تاپسىرماسى بويىنشا ەلدەن زاڭسىز شىعارىلعان قاراجاتتى قازاقستانعا قايتارۋ جونىندەگى ۆەدومستۆوارالىق كوميسسيا قۇرىلعان ساتتەن باستاپ باس پروكۋراتۋرا كاپيتالدى جىمقىرۋ جانە شەت ەلگە شىعارۋ فاكتىلەرىن انىقتاۋ ءۇشىن بانك سەكتورىندا تالداۋ جۇرگىزدى.

تالداۋ بارىسىندا «Jusan» توبىنىڭ اكتيۆتەرىن باسقارۋ قۇرىلىمىن وزگەرتۋدىڭ كولەڭكەلى سحەماسى انىقتالدى.

اتالعان سحەمانى جۇزەگە اسىرۋ ناتيجەسىندە توپتىڭ قىزمەتىن باقىلاۋ قۇزىرەتى شەتەلدە تىركەلگەن ۇيىمدارعا وتەۋسىز بەرىلگەن.

اتاپ ايتقاندا، 2020 جىلعى 27 ساۋىردە Jusan توبىنىڭ يەسى «Pioneer Capital Invest» جشس-نىڭ قاتىسۋشىلارىنىڭ جالپى جينالىسىندا Pioneer مۇلكىن شەتەلدە تىركەلگەن Jusan Technologies Ltd كومپانياسىنىڭ جارعىلىق كاپيتالىنا بەرۋدى ماقۇلداۋ تۋرالى شەشىم قابىلدانعان.

بۇل ارەكەتتەر قوعامدىق مۇددەلەرگە، ونىڭ ىشىندە «نازارباەۆ ۋنيۆەرسيتەتى» مەن «نازارباەۆ زياتكەرلىك مەكتەپتەرىنىڭ» ونداعان مىڭ قازاقستاندىق ستۋدەنتتەرى مەن وقۋشىلارىنىڭ مۇددەلەرىنە قاۋىپ ءتوندىردى.

سەبەبى «Jusan» توبىنىڭ اكتسيالارى، وبليگاتسيالارى مەن دەپوزيتتەرى بويىنشا ديۆيدەندتەرى اتالمىش وقۋ ورىندارىن قارجىلاندىرۋ كوزدەرىنىڭ ءبىرى.

بۇدان بولەك، 2023 جىلعى 3 اقپاندا باس پروكۋراتۋراعا بىرقاتار سۋبەكتىلەردىڭ قۇقىققا قارسى ارەكەتتەرىنىڭ سالدارىنان «جۋسان» توبى شەتەلدىك مەملەكەتتەر ازاماتتارىنىڭ باقىلاۋىنا ءوتىپ كەتۋ فاكتىلەرى بويىنشا پروكۋرورلىق قاداعالاۋ شارالارىن قابىلداۋ تۋرالى «نازارباەۆ قورىنىڭ» ارىزى كەلىپ ءتۇستى.

وسىلايشا، پروكۋراتۋرا ورگاندارىنىڭ ماقساتى تەك ادىلەتتىلىكتى قالپىنا كەلتىرىپ، «Jusan» توبىنىڭ اكتيۆتەرىن باسقارۋدى قازاقستاننىڭ قۇزىرىنا قايتارۋ بولىپ تابىلادى.

سونىمەن قاتار، اتالعان تالاپ ارىز Jusan ءBankتىڭ جۇمىسىنا قاتىستى ەمەس، ياعني ونىڭ اعىمداعى قىزمەتىنە، سونداي-اق بانكتىڭ كليەنتتەرى مەن ىسكەرلىك سەرىكتەستىكتەرىمەن ءوزارا ءىس-قيمىلىنا شەكتەۋ قويمايدى.

ءىستىڭ سوتتا قارالۋى Jusan ءBankتىڭ جۇمىسىنا اسەر ەتپەيدى، ول قالىپتى جاعدايدا جۇمىسىن جالعاستىراتىن بولادى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3601