بەيسەنبى, 28 ناۋرىز 2024
بيلىك 3608 51 پىكىر 16 اقپان, 2023 ساعات 12:48

ەلباسىسىز ءداۋىر باستالدى

قازاقستان پرەزيدەنتى قاسىم-جومارت توقاەۆ 15 اقپاندا «تۇڭعىش پرەزيدەنت – ەلباسى تۋرالى» زاڭىنىڭ كۇشىن جوياتىن جانە ەكس-پرەزيدەنتتىڭ تۋىستارىن قۋدالاماۋ يممۋنيتەتىنەن ايىراتىن زاڭعا قول قويدى.

زاڭمەن بىرگە ەكس-پرەزيدەنت پەن ونىڭ تۋىستارىنىڭ قاۋىپسىزدىگىن ءومىر بويى مەملەكەت قازىناسىنان قارجىلاندىرۋعا مۇمكىندىك بەرەتىن ەرەجەنىڭ دە كۇشى جويىلادى.

قازاقستاندى 30 جىلعا جۋىق باسقارعان 82 جاستاعى نۇرسۇلتان نازارباەۆ سونىمەن بىرگە مەملەكەتتىك ورگاندار مەن شەنەۋنىكتەرگە جانە حالىققا مالىمدەمە جاساۋ قۇقىعىنان دا ايىرىلادى.

زاڭ جوباسىن قاڭتاردا پارلامەنت ماقۇلداعان. ونىڭ الدىندا كونستيتۋتسيالىق سوت «تۇڭعىش پرەزيدەنت – ەلباسى تۋرالى» زاڭىنىڭ  كۇشىن جويۋعا شەشىم قابىلداعان.

2000 جىلى قابىلدانعان «تۇڭعىش پرەزيدەنت – ەلباسى تۋرالى» زاڭى ەلدىڭ ەكس-پرەزيدەنتى نۇرسۇلتان نازارباەۆ پەن ونىڭ وتباسىنا كوپ باسىمدىق بەردى. زاڭعا ساي، نازارباەۆ پەن ونىڭ وتباسى مۇشەلەرى قىلمىستىق جاۋاپكەرشىلىككە تارتىلمايتىن، قامالمايتىن، مۇلىكتەرى تاركىلەنبەيتىن، ەشقانداي شەكتەۋ قويىلمايتىن بولىپ كەلدى.

قاسىرەتتى «قاڭتار وقيعاسى» نازارباەۆسىزدانۋ ءداۋىرىنىڭ شىمىلدىعىن اشىپ بەرگەنى بەلگىلى. ەرەۋىلشىلەر تۇڭعىش پرەزيدەنتتىڭ الماتىداعى سالتاناتتى رەزينتسياسىن ورتتەپ، تالدىقورعانداعى ەڭسەلى ەڭسەرتكىشىن تۇعىرىنان قۇلاتتى. نازارباەۆسىزدانۋ ءۇردىسى سودان بەرى ءبىر جىل بويى ءجۇردى. ءنۇرسۇلتان اتانعان استانا ەسكى اتاۋىن قايتا يەلەندى. مىنە، جاڭا جىلدا نازارباەۆ پەن ونىڭ وتباسىن قازاقستاندا ەركىن تايراڭداۋعا جول اشقان نەگىزسىز زاڭ كۇشىن جويدى. سونىڭ ناقتى كورىنىسىندەي ەلباسىنىڭ سايتى اتاۋىن «نازارباەۆ.كز» دەپ وزگەرتىپتى. ەل اۋماعىندا نازارباەۆتىڭ اتاۋىن يەلەنگەن مەكەنجايلار مەن وقۋ ورىندارى جەتكىلىكتى ەكەنى جۇرتقا ءمالىم. سايت اتىن وزگەرتۋ – ەلباسىسىز زاماننىڭ جەتكەنىن كورسەتەدى. ەل بايلىعىن زاڭسىز يەلەنگەن ونىڭ وتباسىنىڭ زاڭدىق جاۋاپكەرشىلىككە تارتىلۋىن تالاپ ەتۋ ناۋقانىنىڭ باستالاتىنىنا كۇمان جوق.

Abai.kz

51 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1561
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2251
عيبىرات

قايسار رۋحتى عازيز جان

مۇحتار قۇل-مۇحاممەد 3504