بۇگىن سەناتتا وتكەن ءباسپاسوز ءماسليحاتىندا تىلشىلەر مينيستردەن 11,8 ملرد تەڭگە پارتيالارعا قالاي بولىنەتىنىن سۇرادى.

«جاقىن ارادا 2023 جىلعا ارنالعان بيۋدجەتتى ناقتىلاۋ بويىنشا پارلامەنتكە بارامىز. بۇل تۇرعىدا ورتالىق سايلاۋ كوميسسياسىنىڭ دەرەكتەرى اياسىندا وسى بيۋدجەتتى قايتا قاراپ، پارتيالار اراسىندا بولەمىز. زاڭ بويىنشا بۇل قاراجاتتى پارلامەنتكە فراكتسيا بولىپ ەنگەن پارتيالار الادى»، - دەدى ە. جاماۋباەۆ.

وسى ورايدا مينيستر جيناعان داۋىس سانىنا قاراي ءتيىستى ادىستەمە بار ەكەنىن جانە وسى داۋىستار بويىنشا قارجىلاندىرۋ جۇرگىزىلەتىنىن ايتتى.

«ماسەلەن، 2022 جىلى شامامەن 8,5 ملرد تەڭگە قاراستىرىلعان ەدى. ونىڭ باسىم بولىگى Amanat پارتياسىنا، 1 ملرد تەڭگەگە جۋىعى اق جولعا، سونداي-اق 800 ملن تەڭگە قازاقستان حالىق پارتياسىنا ءبولىندى»، - دەدى ە. جاماۋباەۆ.

Abai.kz