قازاقستاندا «اوك سۋبسيديالاۋدىڭ بىرىڭعاي مەملەكەتتىك اقپاراتتىق جۇيەسى» تولىق كولەمدە ىسكە قوسىلدى. بارلىق تەحنيكالىق نيۋانستار رەتكە كەلتىرىلگەن جانە پورتال اۋىل شارۋاشىلىعى تاۋارىن وندىرۋشىلەردىڭ وتىنىمدەرىن قابىلداۋعا دايىن. سبماج سۋبسيديالاۋعا وتىنىمدەردى رەسىمدەۋ كەزىندە فەرمەرلەر ءۇشىن بالاما رەتىندە ازىرلەندى.

ءوتىنىم بەرۋ، سۋبسيديانى وڭدەۋ جانە الۋ gosagro.kz ۆەب-پورتالىندا جۇزەگە اسادى. جۇيە تولىعىمەن اۆتوماتتاندىرىلعان جانە اقىسىز نەگىزدە قىزمەت كورسەتۋگە مۇمكىندىك بەرەدى. سبماج ارقاسىندا فەرمەرلەردىڭ سۋبسيديالاردى الۋدىڭ ورىندىلىعىن راستاۋ ءۇشىن قوسىمشا انىقتامالار ۇسىنۋ قاجەتتىلىگى جويىلادى.

ويتكەنى تالاپ ەتىلەتىن اقپارات باسقا مەملەكەتتىك اقپاراتتىق جۇيەمەن، سونىڭ ىشىندە جەر ۋچاسكەلەرى، اۋىل شارۋاشىلىعى جانۋارلارى، تەحنيكا جانە ارنايى كولىك جونىندەگى دەرەكتەرمەن، كووپەراتيۆ مۇشەلەرى تۋرالى مالىمەتتەرمەن، سونداي-اق «القاپتار كارتاسىمەن» بىرىكتىرىلگەن.

ينۆەستيتسيالىق سۋبسيديا بولىگىندە قۇرىلىستا مەملەكەتتىك ساراپتاما جۇرگىزۋ تۋرالى دەرەكتەردى الۋ ءۇشىن «E-جسق» اقپاراتتىق جۇيەسىمەن ينتەگراتسيالاۋ جۇمىسى باستالدى. سۋبسيديالاۋدىڭ بىرىڭعاي اقپاراتتىق جۇيەسى بيۋدجەتتىڭ بولۋىنا قاراماستان وتىنىمگە رەتتىك ءنومىر بەرە وتىرىپ، «كۇتۋ پاراعى» قاعيداتى بويىنشا جۇمىس ىستەيدى. بيۋدجەت فەرمەردىڭ تاراپىنان قوسىمشا اركەتسىز «كۇتۋ پاراعىندا» وتىنىمدەردىڭ كەزەكتىلىگى بويىنشا عانا بولىنەتىن بولادى. بۇل ءتاسىل قاراجاتتى ءبولۋدىڭ اشىقتىعىن قامتاماسىز ەتەدى جانە سۋبسيديا تولەۋ كەزىندە ادامي فاكتوردى بولدىرمايدى. «كۇتۋ پاراعىنا» كەلىپ تۇسكەن ءوتىنىم ماقۇلدانعان بولىپ ەسەپتەلەدى جانە تەك ءتيىستى قارجىلاندىرۋدى كۇتەدى.

اۋىل شارۋاشىلىعى مينيسترلىگى ءوز تاراپىنان پايدالانۋشىلارعا ىڭعايلى قىزمەت كورسەتۋ ءۇشىن بار كۇشىن سالىپ جاتىر. بارلىق تۋىنداعان قاتەلەر مەن ۇسىنىستار قىسقا مەرزىمدە پىسىقتالىپ وتىرادى.

بارلىق سۇراقتار بويىنشا +7(7172)67-71-17 تەلەفون نومىرىندەگى بايلانىس ورتالىعىنا نەمەسە gosagro@minagri.gov.kz ەلەكتروندىق پوشتاسى مەن t.me/gosagrokz Telegram كانالى ارقىلى حابارلاسۋعا بولادى.

جۇيە جاڭا بولعاندىقتان، كۇن سايىن ەكى ساعات سۋبسيديالاۋدىڭ بارلىق باعىتتارى بويىنشا ونلاين-دەمونستراتسيالار وتكىزىلەدى. مۇندا ءاربىر كورسەتىلەتىن قىزمەتتى الۋشى ازىرلەۋشىلەرمەن بىرگە ونلاين رەجيمدە ءوتىنىم بەرە الادى. پورتال اتالعان فورماتتا اقپان ايى بويى جۇمىس ىستەيدى.

سونىمەن قاتار، قولدانىستاعى سۋبسيديالاۋ قاعيدالارىنا سايكەس، فەرمەرلەردەن وتىنىمدەردى قابىلداۋدى باستاۋ مەرزىمدەرى بەلگىلەندى. نەگىزگى وتىنىمدەردى قابىلداۋ بيىلعى جىلدىڭ 1 اقپانىنان باستاپ اشىلادى.

Abai.kz