بۇل تۋرالى ساياساتتانۋشى الەۋمەتتىك جەلىدەگى پاراقشاسىندا ءمالىم ەتتى، دەپ جازدى  Ulysmedia.kz.

«قۇجاتتاردى وتكىزدىم. الماتىلىقتار مەنى قولدار دەگەن ۇمىتتەمىن. قىزىقتى، مازنۇندى ءارى كرەاتيۆتى سايلاۋ ناۋقانى وتەتىنىنە ۋادە بەرەمىن» - دەپ جازدى سانجار بوقاەۆ.

ونىڭ پىكىرىنشە، قازاقستاندا ءبارى سونشالىقتى كەرى كەتپەگەن.

“ەلىمىزدىڭ كەلەشەگىنە سەنەمىن. ول ءۇشىن بىزگە ۇكىمەتتى باقىلاي الاتىن مىقتى پارلامەنت كەرەك”، – دەدى ساياساتتانۋشى.

ەسكە سالايىق، ەلىمىزدە 19 ناۋرىزدا پارلامەنت ءماجىلىسى مەن ءماسليحات دەپۋتاتتارى كەزەكتەن تىس سايلانادى. كانديداتتاردى ۇسىنۋ 20 قاڭتاردا باستالىپ، 8 اقپاندا ساعات 18:00-دە اياقتالادى.

سايلاۋ الدىنداعى ۇگىت-ناسيحات 18 اقپاندا ساعات 18:00-دە باستالىپ، 18 ناۋرىز ساعات 00:00-گە دەيىن جۇرگىزىلەدى.

بۇدان بۇرىن ورتالىق سايلاۋ كوميسسياسى ءماجىلىس پەن ءماسليحات دەپۋتاتتىعىنا ۇمىتكەر تولەيتىن سايلاۋ جارناسىن بەكىتكەن.  ماجىلىس دەپۋتاتى بولۋعا ۇمىتكەر ەڭ تومەنگى جالاقىنىڭ 15 ەسەلەنگەن مولشەرىندە سايلاۋ جارناسىن تولەۋگە مىندەتتى. ەلىمىزدە 2023 جىلعا ەڭ تومەنگى جالاقى مولشەرى 70 مىڭ تەڭگە بولدى. وسىلاي، ءماجىلىس دەپۋتاتتىعىنا سايلاۋ جارناسى 1 ملن 50 مىڭ تەڭگە بولىپ بەكىتىلدى.

Abai.kz