جۇما, 29 ناۋرىز 2024
اقمىلتىق 2863 14 پىكىر 20 قاڭتار, 2023 ساعات 12:36

نازارباەۆ كوشەسى - قاڭتار كوشەسى بولا ما؟

بۇگىن «قاندى قاڭتار» وقيعالارىنىڭ باستى ەپيتسەنترى بولعان الماتى قالاسىنداعى نازارباەۆ كوشەسىن (اۆت-بۇرىنعى فۋرمانوۆ كوشەسى) «قاڭتار» اتىنا اۋىستىرۋ تۋرالى قالالىق قوعامدىق كەڭەستىڭ جيىنى وتەتىن بولعان.

بۇل تۋرالى ەكونوميست، ەنەرگەتيكا سالاسىنداعى ساراپشى اسەت ناۋرىزباەۆ ءوزىنىڭ Facebook الەۋمەتتىك جەلى پاراقشاسىندا جازدى. بىراق ارتىنشا جيىننىڭ كەيىنگە قالدىرىلعانى ءمالىم بولدى.

«الماتى قوعامدىق كەڭەسىنىڭ وتىرىسى وتەدى. شاھار تۇرعىندارىنان نازارباەۆ كوشەسىنە «قاڭتار» اتاۋىن بەرۋ تۋرالى كوپتەگەن ۇسىنىس كەلىپ جاتىر. سول سەبەپتى، وسى ماسەلەنى كوتەرەتىن بولامىن. داۋىس بەرۋ ناتيجەلەرىن جاريالايمىن»، - دەگەن ەدى قارجىگەر.

الماتى اكىمى اپپاراتىنىڭ تىلدەردى دامىتۋ جانە ونوماستيكا ءبولىمىنىڭ باسشىسى باقىت قالىمبەتتىڭ ايتۋىنشا، جەكە ادامنىڭ ەسىمى بەلگىلى ءبىر نىسانعا بەرىلگەن كۇننەن باستاپ كەمىندە 10 جىل وتكەننەن كەيىن قايتا اۋىستىرۋعا بولادى. ويتكەنى، ءتىل تۋرالى زاڭنىڭ 25-5-بابى 4-تارماعىندا وسىلاي دەپ كورسەتىلگەن.

جەتى شاقىرىمعا سوزىلعان الماتىنىڭ الىپ كوشەسىنىڭ بىرىنە ەكس-پرەزيدەنتتىڭ اتى بەرىلمەي تۇرىپ، ول ۇزاق ۋاقىت بويىنا رەۆوليۋتسيونەر دميتري فۋرمانوۆتىڭ ەسىمىمەن اتالدى. 2017 جىلى 30 قاراشادا وتكەن الماتى قالاسى ءماسليحاتىنىڭ VI شاقىرىلىمىندا داڭعىلعا نۇرسۇلتان نازارباەۆتىڭ ەسىمى بەرىلدى. مۇنداي شەشىمنىڭ قالا تۇرعىندارىنىڭ ۇسىنىسى بويىنشا، سونداي-اق قالالىق جانە رەسپۋبليكالىق ونوماستيكالىق كوميسسيالاردىڭ كەلىسىمى بويىنشا قابىلدانعانى ايتىلدى.

ەندەشە، زاڭ بويىنشا، نازارباەۆ كوشەسىنىڭ اتىن اۋىستىرۋ 2027 جىلعا سايكەس كەلىپ تۇر. كوشە اتاۋىن «قاڭتارعا» اۋىستىرۋ جونىندە بۇعان دەيىن بىرنەشە رەت ايتىلعان. «ويان، قازاقستان» بەلسەندىلەرى نارازىلىق اكتسياسىن وتكىزىپ، كوشەنىڭ اتى جازىلعان تاقتايشانى الىپ تاستاپ، ورنىنا «قاڭتار» اتاۋىن ىلگەن بولاتىن.

بۇرىنعى ءماجىلىس دەپۋتاتى ەرلان سايروۆ وڭىرلەردە تۇرعىندار ەكس-پرەزيدەنتتىڭ اتى بەرىلگەن داڭعىلداردىڭ اتاۋىن وزگەرتۋ ماسەلەسىن كوتەرىپ جاتقانىن ايتقان بولاتىن.

«ءبىز وڭىرلەرگە بارعاندا، تۇرعىندار بۇل ماسەلەنى كوتەرەدى. ويتكەنى ءار وبلىستا نۇرسۇلتان نازارباەۆتىڭ اتى بەرىلگەن داڭعىلدار بار. مەنىڭ ويىمشا، بۇل ماسەلەنى جەرگىلىكتى دەڭگەيدە شەشۋ كەرەك. كوشەنىڭ اتىن اۋىستىرۋ ءۇشىن ءماسليحات شەشىم قابىلداۋعا ءتيىس. جالپى تۇرعىندار ماسەلەگە قاتىستى وزدەرىنىڭ ۇسىنىستارىن ايتىپ جاتىر، - دەدى ەرلان سايروۆ.

ايتا كەتەيىك، 2019 جىلى قازاقستان باسشىلىعىنا قاسىم-جومارت توقاەۆ كەلگەننەن كەيىن، ەلدەگى وبلىس ورتالىقتارىنىڭ نەگىزگى داڭعىلدارى نازارباەۆ اتاۋىن الا باستادى.

ايجان تەمىرحان

Abai.kz

14 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2275
عيبىرات

قايسار رۋحتى عازيز جان

مۇحتار قۇل-مۇحاممەد 3591