ءماجىلىس پەن ءماسليحات سايلاۋى ءبىر كۇندە - 19 ناۋرىزدا وتەدى. مۇنداي شەشىمدى ورتالىق سايلاۋ كوميسسياسى قابىلدادى.

ء"ماجىلىس دەپۋتاتتارىن دا، بارلىق دەڭگەيدەگى ماسليحاتتارعا دا ءبىر كۇنى، 19 ناۋرىزدا سايلاۋ وتكىزۋ ۇسىنىلادى. ءبىز وسك مۇشەلەرىمەن بۇل ماسەلەنى تالقىلادىق. وبلىستاردىڭ، استانا، الماتى جانە شىمكەنتتىڭ اۋماقتىق سايلاۋ كوميسسيالارىنا ءتيىس شارالار قابىلداۋدى تاپسىرامىن", - دەدى وسك توراعاسى نۇرلان ءابدىروۆ وتىرىس بارىسىندا.

وسك مۇشەسى ءسابيلا مۇستافينا وكىلەتتىگى مەرزىمىنەن بۇرىن توقتاتىلعان ءماسليحاتتار دەپۋتاتتارىنىڭ كەزەكتەن تىس سايلاۋىن ورتالىق سايلاۋ كوميسسياسى پرەزيدەنتتىڭ جارلىعى نەگىزىندە تاعايىندايتىنىن جانە ءماسليحاتتار وكىلەتتىگى مەرزىمىنەن بۇرىن توقتاتىلعان كۇننەن باستاپ ەكى ايدان كەشىكتىرىلمەي وتكىزىلۋگە ءتيىس ەكەنىن ايتتى.

تىركەۋ مەرزىمى 20 قاڭتاردان 18 اقپانعا دەيىن وتەتىنى ناقتىلاندى. سايلاۋالدى ۇگىت تىركەۋ مەرزىمى اياقتالعان ساتتەن باستالادى جانە سايلاۋ كۇنىنەن ءبىر كۇن بۇرىن جەرگىلىكتى ۋاقىتى بويىنشا ساعات 00-دە اياقتالادى - 18 اقپان 18:00-دەن 18 ناۋرىز 00:00-گە دەيىن.

وسىلايشا، پارلامەنت ءماجىلىسى مەن ءماسليحاتتار دەپۋتاتتارىن كەزەكتەن تىس سايلاۋدىڭ جالپى ۇزاقتىعى تاعايىندالعان كۇننەن باستاپ داۋىس بەرۋ كۇنىنە دەيىن 59 كۇن بولادى.

Abai.kz