وتكەندە كادىمگى كالكۋلياتورمەن وتىرىپ ەسەپتەدىم. قازاقستانداعى فۋتبول كلۋبىنا ءبىر جىل بويى پرەمەر-ليگادا ويناپ شىعۋى ءۇشىن 800 ملن تەڭگە جەتكىلىكتى ەكەن. قازىر ءبولىنىپ جۇرگەن 1.2 ملرد-تىڭ ءوزى كوپ. الايدا، سونىڭ وزىندە 7-8 كلۋب قارىزعا باتقان. دەمەك، سول اتالعان كلۋبتاردىڭ باسشىلىعى قارجىنى دۇرىس يگەرە الماعان. قاراپايىم مەنەدجمەنتتەن قاتە كەتىپ وتىر. ەڭ باستى شىعىن - جالاقى فوندى. سىرتتان ورتاڭقول لەگيونەر الىپ كەلىپ، ولارعا قوماقتى جالاقى تولەپ، پرەمەر-ليگادان شىعىپ كەتۋ نەمەسە 9-10 ورىن الۋ اقتالۋعا سەبەپ ەمەس.

بەلورۋس فۋتبولىندا بيىل زاڭ قابىلداندى. فۋتبولشى جالاقىسىنا شەكتەۋ ەنگىزىلدى. ەندى 5000€ ارتىق ايلىق بولمايدى. سونىڭ سالدارىنان ولار ەندى ءبىزدىڭ ەلگە اعىلىپ كەلىپ جاتىر.

شىعاتىن ءتۇيىن، بۇل ماسەلەنى تاعى قوپارىپ، زەرتتەپ، ناقتى دالەلمەن كلۋبتارعا بولىنەتىن قارجىنى ازايتۋدى تالاپ ەتۋ. قازاق فۋتبولى بولىنگەن قارجى ازايعان سايىن دامىپ كەلە جاتقان سياقتى ەفەكت قالدىرىپ وتىر.

ەرمۇحامەد ماۋلەن

Abai.kz