ءبىر جىل ىشىندە قازاقستاندىقتاردىڭ تابىسى ارتتى. ونىڭ ىشىندە تابىستىڭ 76% ەڭبەككە جارامدى جاندارعا تيەسىلى. بۇل تۋرالى Finprom.kz مالىمدەدى.

وتكەن جىلدىڭ ءۇشىنشى توقسانىندا حالىق تابىسى 245,5 مىڭ تەڭگەگە جەتتى. بۇل الدىڭعى جىلمەن سالىستىرعاندا 16,5%-عا ارتىق. وڭىرلەر بويىنشا جوعارى تابىس ەلوردا حالقىنا تيەسىلى. استانالىقتار جان باسىنا شاققاندا ورتا ەسەپپەن 339 مىڭ تەڭگە جالاقى الادى.

بۇل وتكەن جىلمەن سالىستىرعاندا 15,7%-عا ارتىق.

ەكىنشى ورىندا قاراعاندى وبلىسى - 332,3 مىڭ تەڭگە، دەمەك 21,4% ءوسىم بار. كوشباسشىلاردىڭ ۇشتىگىن شقو تۇيىندەپ تۇر. اتالعان وڭىردە جالاقى 312,7 مىڭ تەڭگە، جىلدىق ءوسىم - 31,8%.

ەڭ از تابىس تۇركىستان وبلىسىندا بايقالىپ وتىر. جان باسىنا شاققاندا نەبارى 156,4 مىڭ تەڭگە.

ءبىر جىل بۇرىنعىعا قاراعاندا 15,6%-عا جوعارى، الايدا ەلىمىز بويىنشا ورتاشا كورسەتكىشتىڭ ۇشتەن بىرىنەن از. قازاقستاندىقتار تابىستىڭ كوپ بولىگىن (76,3%) ەڭبەك قىزمەتىنەن الدى - 180,4 مىڭ تەڭگە، بۇل وتكەن جىلمەن سالىستىرعاندا 21,9%-عا ارتىق.

ونىڭ ىشىندە 157,2 مىڭ تەڭگە - جالدامالى جۇمىستان تۇسكەن تابىس. سونىمەن قاتار دەربەس جۇمىسپەن قامتۋ جانە كاسىپكەرلىك قىزمەتتەن تۇسكەن تابىس - 23,2 مىڭ تەڭگە.

الەۋمەتتىك ترانسفەرتتەر ءبىر جىلدا نەبارى 3,3%-عا، 55,1 مىڭ تەڭگەگە دەيىن ۇلعايدى. ونىڭ ىشىندە 44,8 مىڭ تەڭگە زەينەتاقى، 9,1 مىڭ تەڭگە جاردەماقى، 1 مىڭ تەڭگە ستيپەنديا، 239 تەڭگە ااك (اتاۋلى الەمەتتىك كومەك) جانە تۇرعىن ءۇي كومەگىن قۇرادى.

ودان بولەك، ەلىمىزدە تۋىستارى مەن تانىستارىنان ماتەريالدىق كومەك جانە اليمەنت 6,2%-عا، ياعني 5,5 مىڭ تەڭگەگە دەيىن ءوستى.

Abai.kz