بۇگىن قازاقستاننىڭ مينيسترلەر كابينەتىندە اۋىس-ءتۇيىس بولىپ جاتىر.

2022 جىلعى 11 ماۋسىمنان باستاپ وقۋ-اعارتۋ ءمينيسترى قىزمەتىن اتقارعان، وعان دەيىن ءبىلىم جانە عىلىم ءمينيسترى بولعان اسحات ايماعامبەتوۆ ورنىنان بوساتىلدى. مينيسترلىككە جاڭا باسشى عاني بەيسەمباەۆ كەلدى. ول 1969 جىلى قىزىلوردا وبلىسىندا دۇنيەگە كەلگەن. اباي اتىنداعى الماتى مەملەكەتتىك ۋنيۆەرسيتەتىن بىتىرگەن. 2006-2007 جىلدارى تەحنيكالىق-ەكونوميكالىق كوللەدج ديرەكتورى، 2020 جىلى قر بعم «وقۋلىق» رەسپۋبليكالىق عىلىمي-پراكتيكالىق ورتالىعىنىڭ ديرەكتورى بولدى. 2020 جىلعى جەلتوقسان ايىنان باستاپ قازىرگى ۋاقىتقا دەيىن قر بعم ى. التىنسارين اتىنداعى ۇلتتىق ءبىلىم اكادەمياسىنىڭ پرەزيدەنتى بولىپ جۇمىس ىستەگەن.

داۋرەن اباەۆ مادەنيەت جانە سپورت ءمينيسترى لاۋازىمىنان بوساتىلدى. ول 2016 جىلدىڭ مامىرى مەن 2019 جىلدىڭ اقپان ارالىعىندا – قر اقپارات جانە كوممۋنيكاتسيالار ءمينيسترى; 2019 جىلدىڭ اقپانى مەن 2020 جىلدىڭ مامىرى ارالىعىندا – قازاقستان رەسپۋبليكاسى اقپارات جانە قوعامدىق دامۋ ءمينيسترى; 2022 جىلى 11 قاڭتارىنان بۇگىنگە دەيىن قر مادەنيەت جانە سپورت ءمينيسترى بولىپ قىزمەت ىستەگەن.

مەملەكەت باسشىسىنىڭ جارلىعىمەن مادەنيەت جانە سپورت ءمينيسترى لاۋازىمىنا اسحات ورالوۆ تاعايىندالدى. ول 1990 جىلى پاۆلودار وبلىسىندا دۇنيەگە كەلگەن. گۋميلەۆ اتىنداعى ەۋرازيا ۇلتتىق ۋنيۆەرسيتەتى، رف ءسىم ماسكەۋ مەملەكەتتىك حالىقارالىق قاتىناستار ۋنيۆەرسيتەتىن تامامداعان.

2014-2016 جىلدارى «نۇر وتان» پارتياسىنىڭ «نۇر» فيليالى توراعاسىنىڭ ءبىرىنشى ورىنباسارى بولىپ ىستەگەن. 2019-2020 جىلدارى پاۆلودار وبلىسى اكىمىنىڭ ورىنباسارى، 2020-2021 جىلدارى قر اقپارات جانە قوعامدىق دامۋ مينيسترلىگىنىڭ ۆيتسە-ءمينيسترى، 2021-2022 جىلدارى نۇر-سۇلتان قالاسى اكىمىنىڭ ورىنباسارى قىزمەتىن اتقارعان.

سونداي-اق يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆ لاۋازىمىنان بوساتىلدى. ونىڭ ورنىنا مارات قاراباەۆ قىزمەتكە كىرىستى. ول 1987 جىلى وزبەكستان رەسپۋبليكاسىنىڭ تاشكەنت وبلىسىندا تۋعان. تاشكەنت اۆتوموبيل جولى ينستيتۋتىن، ۋورۆيك ۋنيۆەرسيتەتىن (ۇلىبريتانيا), م.ح. دۋلاتي اتىنداعى تاراز مەملەكەتتىك ۋنيۆەرسيتەتىن بىتىرگەن. بۇعان دەيىن قر يدم يندۋستريالىق دامۋ كوميتەتىنىڭ توراعاسى بولىپ جۇمىس ىستەگەن.

پرەزيدەنت جارلىعىمەن قر ادىلەت ءمينيسترى لاۋازىمىنا ازامات ەسقاراەۆ تاعايىندالدى. ول 1979 جىلى 7 قازاندا الماتى قالاسىندا دۇنيەگە كەلدى. قازاق مەملەكەتتىك زاڭ اكادەمياسىن بىتىرگەن. 2007-2008 جىلدارى قازاقستان رەسپۋبليكاسى ادىلەت ءمينيسترىنىڭ كومەكشىسى، 2008-2009 جىلدارى قر ادىلەت مينيسترلىگىنىڭ تالداۋ جانە ستراتەگيالىق جوسپارلاۋ دەپارتامەنتىنىڭ ديرەكتورى، 2009-2014 جىلدارى قر ادىلەت مينيسترلىگى زاڭناما دەپارتامەنتىنىڭ ديرەكتورى، 2014-2019 جىلدارى قر پرەمەر-ءمينيسترى كەڭسەسىنىڭ زاڭ ءبولىمى مەڭگەرۋشىسىنىڭ ورىنباسارى، 2019 جىلعى ماۋسىمنان باستاپ قر پرەمەر-ءمينيسترى كەڭسەسى زاڭ ءبولىمىنىڭ مەڭگەرۋشىسى بولىپ جۇمىس ىستەگەن.

بۇرىنعى ادىلەت ءمينيسترى قانات مۋسين جاڭا جىلعا دەيىن كونستيتۋتسيالىق سوتتىڭ سۋدياسى بولىپ تاعايىندالعان بولاتىن.

سەرىكقالي برەكەشەۆ ەكولوگيا، گەولوگيا جانە تابيعي رەسۋرستار ءمينيسترى لاۋازىمىنان بوساتىلىپ، ونىڭ ورنىنا ءزۇلفيا سۇلەيمەنوۆا تاعايىندالدى. ءزۇلفيا سۇلەيمەنوۆا 1990 جىلى اقتوبە قالاسىندا دۇنيەگە كەلگەن. ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىن بىتىرگەن. 2020-2021 جىلدارى قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار مينيسترلىگىندە باسشىلىق قىزمەتتەر اتقارعان. 2021 جىلعى قاڭتاردان باستاپ وسى ۋاقىتقا دەيىن VII سايلانعان قر پارلامەنتى ءماجىلىسىنىڭ دەپۋتاتى بولدى.

2022 جىلى 14 ناۋرىزدا ەكولوگيا، گەولوگيا جانە تابيعي رەسۋرستار ۆيتسە-ءمينيسترى بولىپ تاعايىندالدى.

Abai.kz