جەكسەنبى, 3 ناۋرىز 2024
انىق 3402 5 پىكىر 30 جەلتوقسان, 2022 ساعات 13:30

پەلە پۋتينگە: زۇلىمدىقتى اقتاپ الۋ مۇمكىن ەمەس!

2022 جىلدىڭ 1 ماۋسىمىندا پەلە پۋتينگە حات جازىپ، سوعىستى توقتاتۋىن سۇرايدى. ءبىز پەلەنىڭ پۋتينگە جازعان ءۇشبۋ حاتىن Abai.kz وقىرماندارىنا ۇسىنباقپىز:

“ۆلاديمير پۋتين،

ۋكراينا قۇراماسى تىم بولماعاندا 90 مينۋتقا ءوز ەلىندە بولىپ جاتقان تراگەديانى ۇمىتۋعا تىرىسادى. سانسىز ادامنىڭ تاعدىرى مەن ءومىرى تارازىدا تۇرعاندا الەم چەمپيوناتىنا جولداما الۋ ءۇشىن كۇرەسۋ، ءدال قازىر ولار ءۇشىن وتە اۋىر، وتە قيىن.

مەن وسى ءبىر ماتچتى ءوتىنىش جاساۋعا مۇمكىندىك رەتىندە قولدانعىم كەلەدى. بولىپ جاتقان سۇمدىقتى توقتاتىڭىز! جالعاسىپ جاتقان زورلىق-زومبىلىقتى، زۇلىمدىقتى اقتاپ الۋ مۇمكىن ەمەس. بۇل قاقتىعىس اقتالمايدى، بۇل قاقتىعىس قايعى-قاسىرەت، قورقىنىش-ۇرەيدەن باسقا ەشتەڭە دە بەرمەيدى. ونى ارى جالعاستىرۋدىڭ ەش قيسىنى جوق.

ەكەۋمىز كەزدەسىپ، ءبىر-بىرىمىزگە كۇلە قاراپ، ۇزاق قول الىسقان ساتتە، كۇندەردىڭ ءبىر كۇنىندە ءدال وسىلاي بولىنەمىز دەپ ويلامادىم. قارۋلى قاقتىعىستار ۇلتتاردى بولەدى، ال بالالاردىڭ ارمانىن ۇيىندىگە اينالدىرىپ، بەيكۇنا جانداردى ءولتىرىپ، شاڭىراقتاردى ورتاسىنا تۇسىرەتىن شابۋىلداردى اقتاپ الۋ مۇمكىن ەمەس.

مەن سەكسەن جىلدان استام ءومىر كوردىم. سول ارالىقتا ايۋاندىق پەن قاتىگەزدىكتى ءوز حالقىنىڭ قاۋىپسىزدىگى ءۇشىن دەپ اقتاپ العىسى كەلەتىن جاۋىز كوشباسشىلاردىڭ ۇندەۋىن كوردىم. ءبىز بۇنى دوعارۋىمىز كەرەك. مەن ءوز-وزىمە ءۇنىمدى ۇنەمى الەمدەگى بەيبىتشىلىك ءۇشىن قوسامىن دەپ ۋادە ەتكەنمىن.
بۇل قاقتىعىستا توقتاتۋ ءسىزدىڭ قولىڭىزدا. 2017 جىلى ماسكەۋدە مەنىمەن قول الىسقان قولىڭىزدا تۇر.”

پەلە پۋتينمەن 2017 جىلى، جەلتوقسان ايىندا ماسكەۋدە كەزدەسكەن ەدى. ول 2018 جىلى رەسەيدە وتكەن فۋتبولدان الەم چەمپيوناتىنا جەرەبە تارتۋ راسىمىنە قاتىسقان بولاتىن.

كا مىرزا

Abai.kz

5 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 663
الاشوردا

قوجانوۆ مەجەلەۋ ناۋقانىندا

بەيبىت قويشىباەۆ 488
عيبىرات

قايسار رۋحتى عازيز جان

مۇحتار قۇل-مۇحاممەد 1014