جۇما, 29 ناۋرىز 2024
ساڭلاق 4287 2 پىكىر 28 جەلتوقسان, 2022 ساعات 14:03

بيىل قازاق سپورتى نەسىمەن ەستە قالدى؟

بيىلعى جىلى وتاندىق سپورت كوپتەگەن سەنساتسيا، تاريحي جەتىستىكتەردىڭ تىركەلۋىمەن ەرەكشەلەندى.

رەسەي چەمپيونىنا اۋىسقان وتاندىق فۋتبولشى

22 جاستاعى قورعاۋشى نۇرالى ءالىپ رەسەيدىڭ بەلدى كلۋبى "زەنيت" كلۋبىنا جالعا الىنىپ، ارتىنشا 2,5 جىلعا كەلىسىم-شارت جاساستى.

ەۋروپا چەمپيوناتىنان جۇلدەسىز قايتقان فۋتزال قۇراماسى

قازاقستان – سلوۆەنيا 4:2

قازاقستان – فينليانديا 6:2

قازاقستان – يتاليا 4:1

1/4 فينال.

قازاقستان – ۋكراينا 3:5

ەۋروپا چەمپيوناتىندا ءبىرجان ورازوۆ 8 گول سوعىپ، "ەڭ ۇزدىك سۇرمەرگەن" اتاعىن يەلەندى.

جۇلدەسىز قالعان قىسقى وليمپيادا

بەيجىڭدە وتكەن قىسقى وليمپيادادا ەلىمىزدەن 34 سپورتشى باق سىناپ، جۇلدەسىز قايتتى.

ەڭ ۇزدىك كورسەتكىش كورسەتكەن ابزال اجىعاليەۆ (شورت-ترەك) — 4-ورىن الدى. قىسقى وليمپيادادان بۇگىنگى كۇنگە دەيىن ءتورت سپورتشىمىز جۇلدەگە ءسال عانا جەتپەي قالعان. 1994 جىلى 22 جاستاعى يننا شەشكيل (بياتلون. 7,5 شاقىرىم), 1994 جىلى 25 جاستاعى ليۋدميلا پروكاشيوۆا (كونكيمەن 3000 مەترگە سىرعاناۋ), 1998 جىلى 33 جاستاعى ۆلاديمير سميرنوۆ (شاڭعى. 10 كم) ۇزدىك ونەر كورسەتكەن.

ۇلتتىق قۇرامانىڭ پەنالتي تەبۋى

فۋتبولدان قازاقستان قۇراماسى س ديۆيزيونىندا قالۋ ءۇشىن، مولدوۆامەن 2:2 ەسەبىمەن تەڭ ويناپ، رەسمي ويىنداردا العاش رەت پەنالتي سەرياسىمەن جەڭىسكە جەتتى. بۇل 2 ويىندا اندرەي كارپوۆيچ باپكەر بولىپ، ەل تاريحىنداعى ۇلتتىق قۇرامانى ەڭ از باسقارعان 2-ءشى باپكەر اتاندى.

ەل چەمپيوناتىنداعى VAR

فۋتبولدان ەل بىرىنشىلىگىنە العاش رەت VAR (داۋلى ءساتتى ۆيدەودان قاراۋ) جۇيەسى ەنگىزىلدى. تۇركىستاندا وتكەن تۇران – تاراز 0:0 ويىنىندا VAR قاراۋدىڭ كەسىرىنەن قوسىمشا 19 مينۋت  قوسىلدى.

جەڭىل اتلەتيكادان 10 جىل كۇتكەن جۇلدە

جەڭىل اتلەتيكادان جابىق كەشەندە وتكەن الەم چەمپيوناتىندا نادەجدا دۋبوۆيتسكايا بيىكتىككە سەكىرۋدەن قولا جۇلدە الدى. بۇعان دەيىن 2012 جىلى ولگا رىپاكوۆا جۇلدەگەرلەر قاتارىنان كورىنگەن ەدى.

كەزەكتى وليمپيادا التىنىنان ايىرىلدىق

2016 جىلى ريودا وتكەن جازعى وليمپيادادا اۋىر اتلەتيكادان چەمپيون اتانعان نيدجات راحيموۆتىڭ سىناماسىنان دوپينگ تابىلىپ، جۇلدەسىنەن ايىرىلدى. سونىمەن قاتار 2029 جىلعا دەيىن سپورتتان شەتتەتىلدى.

گيننەسس رەكوردىنداعى جاڭا بەلەس

بليتس شاحماتتان ەڭ جاس الەم چەمپيونى اتانعان 17 جاستاعى ءبيبىسارا اساۋباەۆا گيننەسس رەكوردىنا كىردى.

UFC-دە  ۇزدىكتەر قاتارىندامىز

28 جاستاعى شاۆكات راحمونوۆ امەريكالىق نيل ماگنيدى ۋاقىتىنان بۇرىن جەڭىپ، جارتىلاي ورتا سالماقتا توپ-10 رەيتينگىسىنە كىردى.

ۋيمبلدوندى جەڭگەن ەلەنا رىباكينا

ۇلكەن تەننيستەن 23 جاستاعى ەلەنا رىباكينا ايتۋلى ۋيمبلدون تۋرنيرىندە توپ جارىپ، سەنساتسيا اۆتورى اتاندى. ناتيجەسىندە 1 ملرد 152 ملن تەڭگە سىياقى الدى. 1877 جىلدان بەرى 12 ەلدىڭ سپورتشىسى چەمپيون اتانعان. قازاقستان سول تىزىمگە ەندى.

شاحمات وليمپياداسىنداعى قىزدار قۇراماسىنىڭ تاريحي جەتىستىگى

شاحماتتان ءۇندىستاندا 162 كوماندانىڭ قاتىسۋىمەن وتكەن وليمپيادادا قىزدار قۇراماسى ءوز تاريحىندا العاش رەت 5-ورىننان كورىندى.

ۋكراينا — 18 ۇپاي;

گرۋزيا — 18 ۇپاي;

ءۇندىستان — 17 ۇپاي;

4-ورىن. اقش — 17 ۇپاي;

5-ورىن. قازاقستان — 17 ۇپاي الدى.

قارتايمايتىن گولوۆكين

40 جاسقا كەلسە دە، گەننادي گولوۆكين 2 جەكپە-جەك وتكىزدى. ازىرگە قازاق تاريحىندا 40 جاسقا دەيىن كاسىپقوي بوكسپەن اينالىسقان ءھام چەمپيوندىق اتاعى بار بوكسشى — گەننادي گولوۆكين.

كاسىپقوي بوكستاعى جاڭا چەمپيون

جانىبەك ءالىمحانۇلى قازاققا بۇيىرماعان WBO تۇجىرىمى بويىنشا الەم چەمپيونى اتانىپ، ورتا سالماقتا العاش رەت قوس بىردەي وتانداسىمىز چەمپيوندىق اتاعىن ۇستاپ تۇر.

ۇلتتار ليگاسىنداعى 1-ورىن

فۋتبولدان ماگومەد اديەۆتىڭ شاكىرتتەرى سلوۆاكيا، ءازىربايجان، بەلارۋس قۇراماسىن ارتقا قالدىرىپ، ەۋروپا قۇرلىعىندا العاش رەت توپتىق كەزەڭدە توپ باسشىسى اتاندى. ناتيجەسىندە ماۋسىم ايىندا FIFA رەيتينگىسىندە 31,5 ۇپاي جيناپ، ايدىڭ "ەڭ ۇزدىك قۇراماسى" بولدى.

جەڭىل اتلەتيكاداعى العاشقى الەم چەمپيونى

3000 مەترگە قارعىپ جۇگىرۋدەن كەنيادان كەلگەن لەگيونەر نورا دجەرۋتو توپ جارىپ، قازاقستان تاريحىنداعى العاشقى التىن جۇلدەنى الىپ بەردى. بۇعان دەيىن تاريحىمىزدا 2 كۇمىس يەلەنگەنبىز.

قانات بايۇزاقوۆ

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3543