جۇما, 29 ناۋرىز 2024
جەلتوقسان جاڭعىرىعى 2671 3 پىكىر 24 جەلتوقسان, 2022 ساعات 14:48

«جەلتوقسان-1986»: 35 جىل وتكەن سوڭ...

العاشقى فوتو قايرات رىسقۇلبەكوۆكە اتۋ جازاسى، تۇگەلباي تاشەنوۆكە 15 جىل، جامبىل تايجۇماەۆقا 15 جىل، قايىرگەلدى كۇزەمباەۆقا 14 جىل جازا تاعايىندالعانى تۋرالى ۇكىم وقىلىپ جاتقان كەزدە سوت زالىندا 1987 جىلى تۇسىرىلگەن.

فوتو اۆتورى - ەۆرەي ۇلتىنىڭ وكىلى يۋري بەككەر. وسى فوتونى ءتۇسىرىپ گازەتكە جاريالاۋعا ىقپال ەتكەنى ءۇشىن جۇمىستان قۋىلعان.

بيىل جەلتوقسان ايىندا يۋ.بەككەرمەن كەزدەسۋدىڭ ءساتى ءتۇستى. بۇلاردىڭ تورتەۋى دە قايتىس بوپ كەتكەن دەپ ويلاپ ءجۇرىپتى. مەن: «جوق ۇشەۋى ءتىرى»، دەسەم، كوزى شاراسىنان شىعىپ كەتتى. «مەنى كەزدەستىر، قايتادان فوتوعا تۇسىرەمىز»، - دەدى.

مەن جىگىتتەرگە شىعىپ، ءمان-جايدى ايتتىم. ولار ەشقانداي فوتوعا تۇسكىسى كەلمەدى. كوندىرۋ ءۇشىن ءبىراز تەر توگۋگە تۋرا كەلدى.

اقىرى كەلىسىمىندەرىن بەرىپ، الاڭداعى «جەلتوقسان-1986» ەسكەرتكىشى جانىندا كەزدەستىك.

مارقۇم قايراتتىڭ پورترەتىمەن بىرگە اتاقتى تورتەۋدى 35 جىل وتكەن سوڭ «جەلتوقسان-1986» ەسكەرتكىشى جانىندا يۋري بەككەر 2022 جىلى تاعى دا فوتوعا ءتۇسىردى.

1987-2022. 35 جىل وتكەن سوڭ...

ەسكى فوتودا، جاڭا فوتودا دا سولدان وڭعا قاراي تۇرعاندار:

1. تاشەنوۆ تۇگەلباي.

2. تايجۇماەۆ جامبىل.

3. رىسقۇلبەكوۆ قايرات. (جاڭا فوتودا قايراتتىڭ پورترەتى تۇر)

4. كۇزەمباەۆ قايىرگەلدى.

فوتولاردى پايدالانعاندا اتى-جوندەرىن شاتاستىرىپ الماڭىزدار. فوتولاردى يۋري بەككەر تۇسىرگەن دەپ مىندەتتى تۇردە سىلتەمە جاساڭىزدار.

اللا جار بولسىن!

نۇرلىبەك قۋاڭباەۆ

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2271
عيبىرات

قايسار رۋحتى عازيز جان

مۇحتار قۇل-مۇحاممەد 3584