مينيستر اقشولاقوۆ «اەس-ءتى كىم سالادى» دەگەن سۇراقتىڭ جاۋابىن كەلەسى جىلعا قالدىردى.

«وسى ۋاقىتقا دەيىنگى سۇحباتتارىڭىزدا جىل اياعىنا دەيىن قازاقستان اتوم ەلەكتر ستانساسىن سالاتىن تەحنولوگيانى ناقتى اتايمىز دەگەنسىزدەر. قاشان اتايسىزدار؟» - دەپ سۇرادى Ulysmedia.kz ءتىلشىسى ۇكىمەت كۋلۋارىندا.

ەنەرگەتيكا ءمينيسترى ءجۋرناليستىڭ ەسىنە قازىرگى الەمدەگى جاعدايدى سالدى.

«بۇل جوسپار بويىنشا كەلەسى جىلى تۇر. تەحنولوگيانى تاڭداۋ 2023 جىلى ىسكە اسادى. قازىر الەمدەگى جاعدايدى كورىپ وتىرسىزدار. ءسال ۋاقىت بەرسەڭىزدەر، ونىڭ بارىمىزگە تەرىس ىسەرى بولماۋ ءۇشىن شەشىمدى وتە مۇقيات قابىلداۋىمىز كەرەك. ياعني قوسىمشا ۋاقىت كەرەك»، - دەدى مينيستر.

Abai.kz