دۇيسەنبى, 26 قازان 2020
COVID-19 قازاقستاندا. جۇقتىرعاندار — 110402. جازىلعاندار — 105618. قايتىس بولعاندار — 1796
جاڭالىقتار 1772 0 پىكىر 4 ناۋرىز, 2013 ساعات 05:06

گەرويحان قىستاۋباەۆ. ج اديگە جاۋاپ (66-نىڭ بىرىنەن)

ءجادي شاكەنۇلى لاتىن الىپبيىنە ءوتۋ تۋرالى ينتەرنەتتە (Abai.kz, 04.02; -18.02.2013ج) ەكى اشىق حات جازدى. ءبىرى - مۇحتار شاحانوۆقا، ەكىنشىسى - ۇلى اباي اتامىزدىڭ ارۋاعىنا. ەكەۋى دە جالىنىشتى، دارمەنسىزدىكتى پاش ەتكەن حات ەكەن. بىرىندە: «مۇحتار اعا، لاتىنعا تەزىرەك كوشەيىكشى،...  اعا، ا-ع-ا، تاعى ءبىر مارتە ويلانىڭىزشى...» دەسە، ەكىنشىسىندە: «اباي اتا،... رۋحىڭىز سەزسە ەكەن دەپ وسى ۇشبۋ حاتتى جازۋعا ءماجبۇر بولدىم. تىم قۇرىعاندا پەرىشتەلەردىڭ قۇلاعىنا ىلىكسە ەكەن» دەيدى.

جالىنۋ - ءجاديدىڭ قانىنا سىڭگەن قاسيەت. اسىرەسە پرەزيدەنتكە ءبىر نارسە جازسا، ءبىتتى، باسىنان اياعىنا دەيىن قۇلدىق ۇرىپ جازادى.

اشىق حات پرەزيدەنتكە، اباي اتامىزعا، ت. ت. دەسەكتە، نەگىزىندە قالىڭ وقىرمانعا ارنالادى. سوندىقتان ونىڭ ىشىندە باسى ارتىق ءبىر ءسوز بولماۋى ءتيىس. ناقتى مىسالداردى، فاكتىلەردى كەلتىرە وتىرىپ، نە ايتپاقسىڭ، سونى عانا جازۋ كەرەك. بولماسا، وقىرمانداردىڭ ىشىنەن جازعانىڭنان جيىركەنىپ كەتەتىن ادامدار كەزدەسەدى. مىسالى، مەن ءوزىم وسىدان ەكى جىلداي بۇرىن ءجاديدىڭ پرەزيدەنتكە جازعان (Abai.kz, 23.06.2010ج) اشىق حاتىن «جاس قازاق ءۇنى» گازەتىنەن وقىعانىمدا، وسىنداي كۇيدە بولعانمىن.

اشىق حات جازۋ ءۇشىن ادامدا ەڭ ءبىرىنشى ايتاتىن ويى، سوعان ساي جاساعان تۇجىرىمى بولۋعا ءتيىس. ال ويىڭ تايىز، تۇجىرىمىڭ ءالسىز بولسا، وندا مىندەتتى تۇردە جالىنۋعا، ءسوزدىڭ اششىسىنا جۇگىنىپ، تاۋىسىلا جازۋعا ۇرىناسىڭ.

ءجادي شاكەنۇلى لاتىن الىپبيىنە ءوتۋ تۋرالى ينتەرنەتتە (Abai.kz, 04.02; -18.02.2013ج) ەكى اشىق حات جازدى. ءبىرى - مۇحتار شاحانوۆقا، ەكىنشىسى - ۇلى اباي اتامىزدىڭ ارۋاعىنا. ەكەۋى دە جالىنىشتى، دارمەنسىزدىكتى پاش ەتكەن حات ەكەن. بىرىندە: «مۇحتار اعا، لاتىنعا تەزىرەك كوشەيىكشى،...  اعا، ا-ع-ا، تاعى ءبىر مارتە ويلانىڭىزشى...» دەسە، ەكىنشىسىندە: «اباي اتا،... رۋحىڭىز سەزسە ەكەن دەپ وسى ۇشبۋ حاتتى جازۋعا ءماجبۇر بولدىم. تىم قۇرىعاندا پەرىشتەلەردىڭ قۇلاعىنا ىلىكسە ەكەن» دەيدى.

جالىنۋ - ءجاديدىڭ قانىنا سىڭگەن قاسيەت. اسىرەسە پرەزيدەنتكە ءبىر نارسە جازسا، ءبىتتى، باسىنان اياعىنا دەيىن قۇلدىق ۇرىپ جازادى.

اشىق حات پرەزيدەنتكە، اباي اتامىزعا، ت. ت. دەسەكتە، نەگىزىندە قالىڭ وقىرمانعا ارنالادى. سوندىقتان ونىڭ ىشىندە باسى ارتىق ءبىر ءسوز بولماۋى ءتيىس. ناقتى مىسالداردى، فاكتىلەردى كەلتىرە وتىرىپ، نە ايتپاقسىڭ، سونى عانا جازۋ كەرەك. بولماسا، وقىرمانداردىڭ ىشىنەن جازعانىڭنان جيىركەنىپ كەتەتىن ادامدار كەزدەسەدى. مىسالى، مەن ءوزىم وسىدان ەكى جىلداي بۇرىن ءجاديدىڭ پرەزيدەنتكە جازعان (Abai.kz, 23.06.2010ج) اشىق حاتىن «جاس قازاق ءۇنى» گازەتىنەن وقىعانىمدا، وسىنداي كۇيدە بولعانمىن.

اشىق حات جازۋ ءۇشىن ادامدا ەڭ ءبىرىنشى ايتاتىن ويى، سوعان ساي جاساعان تۇجىرىمى بولۋعا ءتيىس. ال ويىڭ تايىز، تۇجىرىمىڭ ءالسىز بولسا، وندا مىندەتتى تۇردە جالىنۋعا، ءسوزدىڭ اششىسىنا جۇگىنىپ، تاۋىسىلا جازۋعا ۇرىناسىڭ.

ءجاديدىڭ وسى جازعان ەكى حاتى دا سونداي. «مۇحتار اعا، لاتىنعا تەزىرەك كوشەيىكشى،...  اعا، ا-ع-ا» دەگەننەن باسقا تۇك جوق. بار ايتقان ويى، جاساعان تۇجىرىمى: «لاتىن ءالىپبيىنىڭ باستى تابىسىنىڭ ءبىرى - جەر بەتىنە تارىداي شاشىلعان الەم قازاقتارىنىڭ رۋحاني بىرلىگىن قالىپتاستىرۋىندا.... لاتىن الىپبيىنە كوشۋ - الەم قازاعىنىڭ رۋحاني تىرەگىنە اينالىپ قالماستان، تۇركى حالقىنىڭ ءبىر تۋدىڭ استىنا جينالۋىنا دا ەلەۋلى ەڭبەك ەتكەلى وتىرعان جوق پا!؟» دەيدى. سوندا وسى سەبەپتەر ءۇشىن مىندەتتى تۇردە ءالىپبيىمىز اۋىسۋى ءتيىس پە؟ جوق، باسقاداي كوڭىلگە تۇشىمدى سەبەپتەرى بار ما؟ بار بولسا، جازباي ما؟ ەكى حاتىن قايتا، قايتا وقىعانداعى تاپقانىم وسى. باسقا تۇك جوق! تىپتەن وسى جاساعان تۇجىرىمىن دا دۇرىستاپ دالەلدەي الماعان. مىسالى، «تارىداي شاشىلعان الەم قازاقتارىن» لاتىن ءالىپبيى قالاي ءبىر ۋىستاعىداي ەتىپ جينايتىنىن، «سوقىرعا تاياق ۇستاتقانداي ەتىپ» كورسەتپەي مە؟ مىنە سوندا اڭگىمە باسقا بولار ەدى. ونىڭ ورنىنا تاۋىسىلىپ، ەزىلىپ، ەگىلىپ بوزداي بەرگەن. ەكى حاتتا ءىلىپ الار ەكى ءتۇيىن جوق.

ءجاديدىڭ ءوزى «مەن اقىن ەمەسپىن» دەسە دە، حاتىنا مىناداي ولەڭ جولدارىن قوسىپتى: «ەر مۇقا، ەگەي مۇقا،...  اقىلىڭ بولعانى ما ايدان جۇقا». مۇنداعى «ەگەي» دەگەن ءسوز، نە ءسوز؟ قاي حالىقتىڭ ءتىلى؟ سوندا كىم كورىنگەن ءبىر شۋماق ولەڭ جازامىن دەپ، وسىنداي جوق ءسوزدى ەنگىزە بەرسە، ءتىلىمىز نە بولماق؟ ءوزى جازۋشى، «ءتىل، ءتىل» دەپ، زارلاپ حات جازىپ جۇرگەن ادامنىڭ ءىسى وسىنداي بولسا، وزگەدەن نە كۇتۋگە بولادى؟

«اقىلىڭ بولعانى ما ايدان جۇقا» دەپ، ماعىناسىز ءسوز تىركەستەرىن جازۋشىمىن دەگەن ادام قالاي جازدى ەكەن؟ «...ايدان جۇقا» دەگەن تەڭەۋ بولا ما؟ اقىل كوپتىك، نە ازدىق مولشەرمەن ولشەنبەيتىن بە ەدى؟ «اقىلىڭ قالىڭ ەكەن» دەپ، دەنى ساۋ ادام ايتپايدى عوي. ءجاديدىڭ بۇل تىرلىكتەرىنە قاراپ، قانداي جازۋشى ەكەنىن اڭعارۋ قيىن ەمەس. بۇدان ءجاديدىڭ جازعان حاتتارىنىڭ دا سالماعى كورىنىپ قالادى.

ءجادي، شاماسى، لاتىن ءالىپبيىنىڭ پايدا، زيانىن انىق بىلمەيدى. بىلسە جىكتەپ تۇرىپ ايتار ەدى. مىسالى، ءبىر وقىرمان، ءتىپتى بىرنەشە رەت بىلاي سۇراق قويىپتى: «# 20.  قوناق, 02/18/2013-17:06.  جادي اعا،  شالا قازاقتار ەشقاشان ءوز ەركىمەن لاتىن ءالىپبيىن  وقىمايدى ! ول اقيقات ! سوندىقتان  الدىمەن، قازاق ءتىلدى مەملەكەت بولىپ الساق دۇرىس بولار. ءسىز نە ايتاسىز بۇعان، اعا؟! ىزگى نيەتپەن ءىنىڭىز ونەربەك رادولدا».

جاۋاپ جوق! جاۋپتىڭ ورنىنا، تىعىلىپ العان بىرەۋ (بالكىم ءجاديدىڭ ءوزى): «# 31.  قوناق, 02/18/2013-18:46. مەن ءجادي اعامدى ايىزىم قانىپ وقيمىن. ولسەڭدەر ولە قالىڭدار. قۇر دالباسالاعانشا ودان اسىرىپ بىردەمە جازىپ بارىپ ايتساڭدارشى. وڭكەي قيقىم، قىرتتار!» دەگەن سياقتى پىكىرلەرىن شۇبىرتىپ تاستاپتى.

ءبىزدىڭ كوپتەگەن جازۋشىلارىمىزدىڭ مادەنيەتى تومەن، نەگىزى. جينالىستاردا ءوزى سويلەپ بىتسە بولدى، باسقالاردىڭ ءسوزىن تىڭداماي، كەتىپ قالادى. ادام ينتەرنەتكە ماقالا بەرسە دە، ءوزى سول ماقالانى تالقىلاۋعا قاتىسىپ وتىرۋى كەرەك. بىراق كوپ «جازعىشتاردىڭ» وي تالاسقا ورەسى جەتپەيدى دە، تىعىلىپ وتىرىپ، بوتەن بىرەۋ بولىپ قانا پىكىر جازادى.

ءجادي وسى بەلسەندىلىگىن قانداي ويمەن جاساپ وتىر ەكەن؟ ۇلتىم دەپ شىنىمەن شىر-پىرى شىعىپ ءجۇر مە، الدە ماقساتى بيلىكتىڭ كوزىنە كورىنىپ قالۋ ما؟ ەگەر ۇلتىم دەسە، وندا نەگە بۇرىنىراق، ماسەلەن، ۇلتتى مۇلدەم جويىپ جىبەرەتىن «ەل بىرلىگى» دەگەن، اتى جاقسى، ال زاتى «قازاقستاندىق ۇلتتى» قالىپتاستىراتىن دوكتريناعا قارسى اۋىز اشپادى؟ جاقسىنىڭ جاقسىلىعىن ايتۋ - پارىز، ۇلتتىق ءداستۇرىمىز. ەگەر ءجادي وسى «ءدۇبارا توپتىڭ باسى» دەپ وتىرعان شاحانوۆ بولماعاندا، «ەل بىرلىگى» دوكتريناسى قابىلدانىپ كەتەر ەدى. سوندا ءجادي بۇگىن نە ايتار ەدى؟ ول بۇگىن «ءالىپبيدى اۋىستىرايىق» دەپ، كىسىلىك كورسەتىپ وتىرسا، اۋەلى قۇداي، سوسىن وسى شاحانوۆتىڭ ارقاسىندا جەتىپ وتىر ەمەس پە؟

شاحانوۆ - شيرەك عاسىردان بەرى، كىرپىك قاقپاي، قازاقتىڭ ءدىلىن، ءتىلىن قورعاپ تۇرعان سولدات! قازاققا قانداي قاۋىپ تونسە، سونى ءبىرىنشى بولىپ كورىپ، ءبىرىنشى بولىپ  دابىل قاققان ادام. ەندەشە، شاحانوۆ توبىردىڭ باسى ەمەس، كەرىسىنشە ۇلتتىق يممۋنيتەتتى قالىپتاستىرۋعا ۇمتىلعان جاسامپاز توپتىڭ كوشباسشىسى!  مۇنى ورەسى جەتكەندەر وسىلاي باعالايدى.

ءجادي كەزىندە نەگە بيلىكتىڭ «كوپ ۇلتتى قازاقستان»، «كوپ ءدىندى قازاقستان»، جانە ت. ب. تۇجىرىمدارىنا دا قارسى شىقپادى؟ بۇلاردىڭ ءبارى دەرلىك ۇلت مۇددەسىنە مۇلدەم قايشى تۇجىرىمدار عوي. انىق ۇلتىن ويلاعان ادام بولسا مۇنداي نارسەلەرگە قارسىلىق كورسەتپەۋى مۇمكىن ەمەس ەدى. ۇلتجاندى 15 مىڭعا تارتا ازامات "ۇلت ءۇشiن ولۋگە بارمىز!" دەپ،  (جاس الاش №95, 26 قاراشا، 2009) اشتىق جاريالاۋعا بەل بۋىپ جاتقاندا، ءجادي نەگە ولاردىڭ ورتاسىنان كورىنبەدى؟ «مىڭداعان، ميليونداعان قازاق ءوزىنىڭ ارىن ەمەس، جانىن بەرىپ ۇرپاعىنىڭ ماڭگى ازاتتىعى - كوك بايراقتىڭ جەلبىرەۋى ءۇشىن كۇرەسىپ كەلدى. ەندەشە، ءبىز نەدەن تايىنامىز. شەگىنەرگە جولىمىز جوق.  شىعىنسىز، كۇرەسسىز قولعا كەلگەن جەڭىس - قۇلدىققا تەز بەيىمدەيدى» دەپ، قازىر ەمەس، سول كەزدە، نە «قىتايعا ءبىر ملن گەكتار جەر بەرىلەدى ەكەن» دەگەندە ايتسا عوي، ءجاديدىڭ باعاسى بولماس ەدى. جوق. ول، قارىپ اۋىستىراتىن كەزدە عانا «جالىنداتتى». سەبەبى، لاتىنعا كوشۋدەن باسقاسىنا پرەزيدەنت ءوزىنىڭ «اق باتاسىن» بەرگەن جوق!

مىنە «جۋساننان الاسا، بوتەگەدەن بيىك جۇرگەن» ءجادي، پرەزيدەنت بەرگەن وسى «باتادان» كەيىن «باتىر» بولدى. ءبىر قاراعاندا ۇلت مۇددەسىنە ساي كەلىپ تۇرعان ۇسىنىستى ءجادي جۇلىپ الا جونەلدى. ويلانۋعا دا مۇرشاسى بولمادى، ونىڭ. ۇپاي جينايتىن مۇنداي ءساتتى كەزەڭ، ەندى بولا قويماس، ءسىرا. سوندىقتان دا ءجادي باسىن «تاۋعا دا، تاسقا دا» ۇردى. ءتىپتى، كەيبىرى ءوز اكەسىنەن جوعارى، ۇلتىمىزدىڭ اياۋلى اقساقالدارىن: «توبىر دەيىن دەسەڭ - ازدى-كوپتى ەڭبەگى بار، ءومىرى ىزىڭە ءورت قويۋدان شارشامايتىن، حالىق دەيىن دەسەڭ، اللا مەن ادام الدىنداعى پارىزىن دۇرىس تانىمايتىن وسى ءدۇبارا توپتىڭ نە ايتىپ، نە قويعانىن وزدەرى بىلە مە، جوق پا، ول جاعى ازىرشە انىق ەمەس!» دەپ، اتا-بابا سالتىنا تەرىس قىلىق كورسەتتى. سوندا ءجاديدى ءولتىرىپ بارا جاتقانى، بىرىنشىدەن، «سىزگە قارسىلاردى مەن جەردەن الىپ جەرگە سالدىم» دەپ، «ءۇمىتسىز - شايتان دەگەن»، پرەزيدەنتتىڭ كوزىنە ءتۇسىپ قالام با دەگەن دامەسى بولسا، ەكىنشىدەن حالىق الدىندا ۇپاي جيناۋ. بۇل ءجاديدىڭ ەشكىم بىلمەيدى دەگەن ويى ەدى. مەنىڭ جاريا ەتىپ قويعانىم وبال بولدى.

ءجادي «مەنىڭ ساقالدى-ساقالسىز زامانداستارىم تايتالاسقان مىنا كۇندە «ارامىزداعى جاماندار» تەزىرەك جاقسىلار قاتارىنا قوسىلسا ەكەن دەگەندى دە تىلەيمىز.» - دەپ، تاعى ءبىر كۇپىرلىك جاساپتى. وسى «جامانداردىڭ» اراسىندا (جالپى سانى 66 ادام) مەن دە بارمىن. ءسوزدى تىرناقشاعا العانىمەن، تۋرا ماعىناسىندا قولدانعان. ماقۇل، مەن «ساسىق اۋىز نە دەمەيدى، يت نە جەمەيدى» دەي سالار ەدىم. بىراق سول تىزىمدە حالقىمىزدىڭ بەتكە ۇستار اياۋلى اقساقالدارى بار عوي! مۇزافار  الىمباەۆ، امانگەلدى ايتالى، مەكەمتاس مىرزاحمەتوۆ، مۇحتار شاحانوۆ، قابدەش ءجۇمادىلوۆ، نۇرعالي ءنۇسىپجانوۆ، ورازالى سابدەن، سوفى سماتاەۆ، جانە ت. ب. قازاق وسىنداي ابزال ازاماتتارىنىڭ ارقاسىندا تەكتى ەمەس پە؟ بۇلار تۋرالى ونداي عايبات ءسوزدى ايتۋعا قانى تازا قازاقتىڭ اۋزى بارماس، ءسىرا. مۇنداي اسىلدارىمىزدى ءوزىمىز «جاماندار» دەسەك، نە قايدان پايدا بولعانى، نە شىققان تەگى بەلگىسىز كەز كەلگەن ءبىر ساسىق اۋىزدارعا ۇلتىمىزدىڭ كوسەمدەرىن وسىلاي تاپتاتا بەرەتىن بولساق، وندا قايتىپ ەل بولماقپىز؟!

بۇل، بۇل ما؟!... ءجادي، ءتىپتى اباي اتامىزدىڭ اۋزىنا دا ءسوز سالىپ بەرىپتى: «ءتىپتى، سول تاياقتىڭ ۇشىن ەڭ اۋەلى وسى مۇحتارلاردىڭ كوكەسى اۋەزوۆكە كەزەر مە ەدىڭىز كىم ءبىلسىن: «مەنى ورىسشىل ەتىپ كورسەتىپ، بۇكىل قازاق بالاسىنىڭ بەتىن تەرىس جولعا بۇرعان سەن!» دەگىزىپ. اباي مەن اۋەزوۆ اتالارىمىزدىڭ ءوزىن «بۇگىنگى ماڭگۇرت قازاقتاردىڭ ومىرگە كەلگەنىنە كىنالى» دەگەنگە كەلتىرىپ وتىر. مەن بۇدان «جامانعا دەس بەرمە. دەس بەرسەڭ اناسىن تابانعا سالار» دەگەن وي ءتۇيدىم، اعايىن.

ال ەندى ورەسى وسىعان جەتكەن جاديلەر ەلگە تۇتقا بولا ما؟

ومىردەن وتكەن، سونداي-اق باقىتىمىزعا قاراي قازىر ءتىرى جۇرگەن ۇلى تۇلعالارىمىزدى ايتپاي-اق، ۇلتجاندىلىعىم عانا بولماسا، ەشكىمگە بەلگىسىز مەنىڭ ءوزىم-اق، جاديدەن ون، ءتىپتى ءجۇز ەسە جاقسى، ارتىق ەكەنمىن. سەبەبى مەن ءجادي سياقتى ەمەس، ۇلتىمنىڭ ۇلىمىن. بالاسى، نەمەرەسى ماقتان تۇتار اكە، اتامىن. سوندىقتاندا مەن باقىتتى اداممىن. ءجادي دە باقىتتىمىن دەر. بىراق ول - وتىرىك. ۇلت مۇددەسىمەن شىن اينالىسپاعان ادام - جالعان باقىتقا يە! ال ۇلت مۇددەسىمەن شىن اينالىساتىن ادامنىڭ بولمىسى باتىر، ساناسى ازات بولۋى ءتيىس. ونداي ادام جالىنىپ جازبايدى، پرەزيدەنت بولسا دا، ودان تالاپ ەتىپ جازادى.  بۇل شىندىق. قاراڭىز.

ماماندىعىم ماتەماتيك ەدى. بىراق قازاقتىڭ ءوز جەرىندە «وگەي ۇلدىڭ» كۇنىن كۇيتتەپ جۇرگەنى مەنى جۋرناليست ەتتى. ون جىلدان اسا ۋاقىتتا جۇزگە تارتا ماقالا جازسام - ءبارى دەرلىك ۇلتىمنىڭ جايى تۋرالى. سولاردىڭ ەشقايسىسىندا جالىنعان جوقپىن، تابىنعان جوقپىن. تىپتەن «ەلباسى» دەگەن دە ەمەسپىن. بار ايتارىمدى «پرەزيدەنت مىرزا» دەپ-اق جەتكىزگەم.

سوڭعى ون، ونبەس جىلدان بەرى ۇلت مۇددەسى كوتەرىلگەن بىردە ءبىر شارادان تىس قالعان ەمەسپىن! بىردە ءبىر! شاڭىراق وقيعاسى، شەلەكتەگى - ۇيعىر، مالوۆودنوەداعى - ەكى مىڭعا تارتا ادام جينالعان ميتينگ، شەشەن وقيعالارى. ماياتاستاعى (وقو) ۇل بالا، بەساعاشتاعى قىز بالا زورلانعانداعى جاعداي، قالاداعى ءتىل، جەر اكتسيالارى، رۇقسات ەتىلگەن، ەتىلمەگەن ميتينگتەر، ت. ت. ءبارىن تەرىپ جازۋ مۇمكىن ەمەس.

مىسالى، 2011 جىلى 1 ماۋسىم كۇنى الماتىداعى دۋمان ىقشام اۋدىنىنىڭ جانىندا بوس جاتقان جەردى قازاقتار باسىپ الىپ جاتتى. مىڭ، مىڭجارىم ادام بولدى. مەن سولاردىڭ ىشىندە بىتە قايناسىپ ءجۇردىم. ەرتەسىنە (2 مامىر) تاڭنان، ءتۇننىڭ جارىمىنا دەيىن، جالپى سانى 80-90 بەلسەندى، ءبارىمىزدى تالعار اۋدانىنىڭ ءىىب-ءنىڭ عيماراتىندا قاماۋدا ۇستادى. تۇسىنىكتەمە جازدىردى. مەن «ۇلت مۇددەسىنە بايلانىستى كەز كەلگەن شارادا بولىپ ءجۇرمىن. كەلەشەكتە دە بولا بەرەمىن» دەپ جازىپ بەردىم. بۇل ارحيۆتە تۇرسا كەرەك. تۇرماسا، بىرگە بولعان جۇزدەگەن كۋالەرىم بار.

جاڭاوزەن وقيعاسىنا بايلانىستى سوتتالىپ جاتقاندا سەرىك ساپارعاليدىڭ ارتىنان اتىراۋعا باردىق (م.تايجان، ءو.اقجىگىت).  «پەرەداچا» بەرۋ ءۇشىن. ارون اتابەككە دە بارىپ ەدىك، بىراق ارقالىق قالاسىنىڭ اكىمى - بەرىك ابدىعاليەۆتىڭ كومەگىمەن دە، ەشتەڭە بەرە المادىق.

ال ءجادي كىم؟ ۇلتى ءۇشىن نە ىستەدى؟ مەن سول جۇرگەن جەرلەرىمدە ون جىلدىڭ ىشىندە بىردە ءبىر رەت ءجاديدى كورمەپپىن! بىردە ءبىر رەت! سوندا، شامامنىڭ كەلگەنىنشە ۇلت ءۇشىن بارىمدى سالىپ جۇرگەن مەن «جامانمىن» با، الدە ەل باسىنا «كۇن تۋعاندا» قاشاندا بۇعىپ جاتاتىن ءجادي، سەن «جامانسىڭ» با؟

مەن جاديگە بىلاي ايتقىم كەلەدى: «ءجادي، سەن قاي سالادا ءوزىڭدى مىقتى سانايسىڭ؟ باتىرلىقتا ما، جوق الدە ءوزىڭدى مايتالمانمىن دەپ ەسەپتەپ جۇرگەن جازۋشىلىق، ياكي ساياساتتا ما، بولماسا كوسەمدىك، ۇيىمداستىرۋشىلىق ونەردە مە؟ جوق، تاعى باسقا دا ما؟ سول سەن تاڭداعان سالادا ەكەۋىمىز سايىسقا تۇسەيىك. قايسىمىز جەڭىلسەك، سونىمىز ەل الدىندا ءوزىڭ ايتقان «جامان» ەكەنىمىزدى مويىندايىق»

P.S. مۇنى جازعاندا ماقتانعانداي بولىپ كورىنسەم، عافۋ وتىنەمىن. ماقساتىم: ادامدارعا اقشا تولەپ وقىتتىرا المايتىن كىتاپ، ولەڭدەر جازىپ الىپ، جازۋشىمىن، اقىنمىن، اتاعىم بار دەپ جۇرگەن «وڭكەي قيقىم، قىرت!» ەمەستەرگە، ءجاي جۇرگەن قاراپايىم قازاقتىڭ ۇلتجاندى كەز كەلگەن بالاسىنىڭ ءوزى ونان ارتىق بولماسا، كەم ەمەس ەكەنىن ۇعىندىرۋ ەدى.

03.03.2013 ج.

Abai.kz

رەداكتسيادان: گەرويحان قىستاۋباەۆقا جازۋشى ءجادي شاكەنۇلى تاراپىنان جاۋاپ بولىپ جاتسا، جاريالاۋعا دايىنبىز. جاۋاپتاسۋ  قوعامدىق ويعا قۇنارىن بەرەتىن ساليحالى سۇحباتقا جالعاسادى دەگەن سەنىمدەمىز.

0 پىكىر