جۇما, 29 ناۋرىز 2024
ايقاي 2833 15 پىكىر 17 جەلتوقسان, 2022 ساعات 16:18

قازاقستان بۇۇ-دا ۋكراينانى ەمەس، رەسەيدى قولدادى

15 جەلتوقساندا بۇۇ رەسەيگە قارسى رەزوليۋتسيا قابىلدادى. وندا رەسەيدەن اگرەسسيانى توقتاتۋ جانە ۋكراينانىڭ بۇكىل اۋماعىنان اسكەرىن الىپ شىعۋ تالاپ ەتىلگەن.

«ۋاقىتشا وككۋپاتسيالانعان قىرىم اۆتونومدى رەسپۋبليكاسى مەن سەۆاستوپولدەگى ادام قۇقىقتارى تۋرالى» قۇجاتتى 82 مەملەكەت قولداعان. تاعى 80-ءى قالىس قالعان.

بۇۇ-دا ۋكراينا تەرريتوريالارى مەن رەسەي اگرەسسياسىنا قاتىستى وسىعان دەيىن قابىلدانعان قارارلاردىڭ دەنىندە قالىس قالىپ كەلگەن قازاقستان بۇل جولى قارسى داۋىس بەرگەندەر قاتارىنان تابىلدى. ۇزىن-سانى 14 مەملەكەت رەسەيدى قولداپ، اتالعان قۇجاتقا قارسى داۋىس بەرگەن. ولار: رەسەي، بەلارۋس، قازاقستان، قىتاي، يران، سولتۇستىك كورەي مەن ءسۇريا باستاعان ەلدەر.

بۇۇ ەلدەرى وسىعان دەيىن دە قىرىمعا قاتىستى ارنايى رەزوليۋتسيا قابىلداعان. بۇل جولعى قۇجاتتا رەسەيدىڭ وككۋپاتسيالانعان قىرىم تەرريتوريالارىن ۋكراينانىڭ حەرسون مەن زاپوروج وبلىستارىن اننەكتسيالاۋ ءۇشىن پايدالانىلعانى ايتىلعان جانە ايىپتالعان.

بۇل قۇجاتتا رەسەيگە «ۋكراينا مەن ۋكراينا حالقىنا وشپەندىلىكتى كۇشەيتتى»، «رەسەي اگرەسسياسىن اقتاۋ ءۇشىن جالعان اقپاراتتار تاراتتى»، دەگەن ايىپتار تاعىلعان.

رەزوليۋتسيا ماتىنىندە رەسەي بيلىگىنەن ۋكرايناعا قارسى اگرەسسيانى دەرەۋ توقتاتۋ جانە ۋكراينانىڭ بارلىق اۋماعىنان (سونىڭ ىشىندە قىرىمنان) اسكەردى الىپ شىعۋ تالاپ ەتىلگەن.

الەمدىك باق: «قازاقستان ماسكەۋدىڭ سەنىمدى سەرىكتەرىنىڭ ءبىرى سانالاتىن مەملەكەت. ول رەسەي بيلىگى اشقان سوعىستى رەسمي تۇردە ايىپتاعان جوق. جانە رەسەي اگرەسسياسىنا قاتىستى وسىعان دەيىنگى رەزوليۋتسيالاردا قالىس قالعان»، - دەپ جاتىر.

قازاقستان بيلىگى رەسەيدىڭ ۋكراينادان اننەكتسيالاپ العان ءتورت وبلىس پەن قىرىمدى مويىنداعان جوق. «ۋكراينانىڭ تەرريتوريالىق تۇتاستىعىن قولدايمىز»، دەپ مالىمدەگەن. ودان بولەك، قازاقستان حالقى ۋكرايناعا گۋمانيتارلىق كومەكتەر جولداعان.

Abai.kz

15 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1564
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2260
عيبىرات

قايسار رۋحتى عازيز جان

مۇحتار قۇل-مۇحاممەد 3538