جۇما, 3 اقپان 2023
776 7 پىكىر 2 جەلتوقسان, 2022 ساعات 12:58

دارىگەرلەردىڭ جالاقىسى 531 مىڭ تەڭگە بولادى

ەلىمىزدە 3 900 دارىگەر جەتىسپەيدى. بۇل تۋرالى دەنساۋلىق ساقتاۋ ءمينيسترى اجار عينيات ايتتى.

«كادر ماسەلەسى ەرەكشە نازاردا. رەسپۋبليكا بويىنشا كادر تاپشىلىعى دارىگەرلەر اراسىندا - 3 900 مامان. بىلتىر ءۇش مىڭنان استام جاس تۇلەك جۇمىسقا ورنالاستىرۋعا جىبەرىلدى، ونىڭ 630-ى – اۋىلدى ەلدى-مەكەندەردە. بيىل 1 872 جاس تۇلەكتىڭ 441-ءى اۋىلدارعا جىبەرىلدى. كەلەسى جىلعا 11 مىڭنان استام مامان دايىنداپ جاتىرمىز. قازىر ماماندار بار كوپ جەردە الەۋمەتتىك قولداۋ كورسەتىلمەيدى. ءۇي، كوتەرىڭكى جاردەماقى ماسەلەسىن كوتەرىپ جاتىرمىز. اسىرەسە، اۋىلعا باراتىن دارىگەردى ىنتالاندىرۋ قاجەت»، - دەدى مينيستر.

ول سونىمەن بىرگە 2022 جىلى دارىگەرلەردىڭ جالاقىسى ورتا ەسەپپەن – 30, ورتاشا مەديتسينا پەرسونالىنا 20 پايىزعا كوتەرىلەتىنىن جەتكىزدى.

«كەلەسى جىلى دارىگەرلەرگە جالاقىنى ورتاشا ەسەپپەن 531 مىڭ تەڭگەگە دەيىن، ورتا مەديتسينا پەرسونالىنا 250 مىڭ تەڭگەگە دەيىن كوتەرۋ جوسپارلانعان. سونىمەن بىرگە مەديتسينا قىزمەتكەرلەرىنىڭ كاسىپتىك جاۋاپكەرشىلىگىن جانە مەديتسينا قىزمەتكەرلەرىنىڭ مارتەبەسىن ساقتاندىرۋ جۇيەسىن ەنگىزۋ ءۇشىن ءتيىستى زاڭ جوباسى ازىرلەندى. ول ماجىلىسكە ەنگىزىلىپ، دەۋتاتتاردىڭ قاراۋىندا»، - دەدى اجار عينيات.

Abai.kz

7 پىكىر