جۇما, 29 ناۋرىز 2024
2277 0 پىكىر 1 جەلتوقسان, 2022 ساعات 14:57

قىتاي رەسەيگە ەسكەرتۋ جاسادى

قىتاي باسشىلىعى باتىس ەلدەرىنە يادرولىق قارۋ قولدانۋ جونىندە قوقان-لوققى جاساپ جاتقان رەسەيگە قاتاڭ ەسكەرتۋ جاسادى. بۇل تۋرالى The Moskow News حابارلادى.

«وسى ەسكەرتۋدەن كەيىن رەسەي جوعارى باسشىلىعىنىڭ حيروسيمادان كەيىنگى يادرولىق سوققى بەرۋگە دايىن ەكەندەرىن مالىمدەپ، الەمدى ءبىر مەزەتتە قورقىتپاق بولعان اگرەسسيالىق ريتوريكاسى كەنەتتەن باسىلا قالدى»، – دەلىنگەن حابارلامادا.

الدىمەن قىتاي پرەمەرى لي كەتسيان، سودان كەيىن قحر توراعاسى سي تسزينپين يادرولىق سوققىعا جول بەرۋگە بولمايتىنىن قاتاڭ تۇردە مالىمدەگەن سوڭ كسرو-نىڭ مۇراسى رەتىندە اتوم بومباسىنىڭ ارسەنالىن الىپ قالعان رەسەيدىڭ قازىرگى پرەزيدەنتى ۆلاديمير ءپۋتيننىڭ دە، ونىڭ قاۋىپسىزدىك كەڭەسىندەگى ورىنباسارى دميتري مەدۆەدەۆتىڭ دە ۇندەرى بىردەن ءوشتى.

بۇعان دەيىن پۋتين 21 قىركۇيەكتە «ءىشىنارا موبيليزاتسيا» جاريالاي وتىرىپ، رەسەي ارمياسىنىڭ ۋكراينا تەرريتورياسىندا باسىپ العان جەرلەرىن ساقتاپ قالۋ ءۇشىن «قولدا بار قۇرالدىڭ ءبارىن» پايدالانۋعا دايىن ەكەنىن ايتىپ، جارتى الەمگە الايا ءبىر قاراپ ەدى. ول ءوز تاراپتارىنا قاراي «بۇرىلا قارايتىن» باتىس ەلدەرىنىڭ بارلىعى «جەلدىڭ ىعىندا» قالاتىنىن ايتىپ، قورقىتقان دا بولاتىن.

«بۇل ساندىراق ەمەس»، – دەپ ايبات شەككەن ەدى سوندا پۋتين.

ال ارادا ءبىر اي وتكەن سوڭ رەسەي پرەزيدەنتى «نايزاعاي-2022» ستراتەگيالىق كۇشتەر جاتتىعۋىن جيناپ، يادرولىق سوعىستىڭ باستالىپ كەتكەنىنە وزىنگە يشارا بىلدىرگەن ەدى.

مەدۆەدەۆ بولسا، 27 قىركۇيەكتە رەسەيدىڭ «يادرولىق قارۋ قولدانۋعا قۇقى بار» ەكەنىن مالىمدەپ، ەگەر مۇنى «ۋكراين رەجيمىنە قارسى جاسايتىن بولسا»، ناتو-نىڭ «ارالاسا المايتىنىن» العا تارتقان.

«ويتكەنى، سولتۇستىك اليانس ءۇشىن ۆاشينگتوننىڭ، لوندوننىڭ، بريۋسسەلدىڭ قاۋىپسىزدىگى اناعۇرلىم ماڭىزدى»، – دەدى سوندا مەدۆەدەۆ.

مەدۆەدەۆ تاعى حەرسون بەرىلگەنگە دەيىنگى توعىز كۇن الدىن وسى تاقىرىپتى وزىنەن-ءوزى قوزعاي سالىپ، «رەسەي تەرريتوريالارىن «تارتىپ الۋ» دوكترينانىڭ جاۋعا سوققى رەتىندە يادرولىق قارۋدى قولدانۋ تارماعىنا جۇگىنۋگە نەگىز بولاتىنىن اتاپ وتكەن ەدى.

بىراق كرەمل شىعىستاعى قۋاتتى كورشىسى – قىتاي يادرولىق قوقان-لوقىعا اشۋ-ىزا بىلدىرگەننەن كەيىن تىم-تىرىس بولا قالدى.

قىتاي پرەمەرى ءوزىنىڭ قاھارلى ءسوزىن 10-13 قاراشادا اسەان سامميتىندە ايتسا، سي تسزينپين G20 ءسامميتى شەڭبەرىندە اقش پرەزيدەنتى دجو بايدەنمەن كەزدەسۋى كەزىندە جەتكىزدى.

ەگەر كسرو كەزىندە ماسكەۋ بەيجىڭدى ءوزىنىڭ «كەدەي باۋىرى» ساناسا، قازىر الەمنەن وقشاۋ قالعان جانە ابدەن السىرەگەن كرەمل قحر-دىڭ «ءىنىسى» رولىنە قاراي سىرعىپ كەتتى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616