جۇما, 3 اقپان 2023
694 2 پىكىر 28 قاراشا, 2022 ساعات 15:43

بيىل ەلىمىزگە وزبەكستاننان كەلگەن ازاماتتار سانى باسىم

بيىل قاڭتار-قىركۇيەكتە ەلىمىزگە 11 مىڭ ادام كەلگەن. بۇل وتكەن جىلدىڭ 9 ايىمەن سالىستىرعاندا ءبىر جارىم ەسە ارتىق.

Ranking.kz پورتالىنىڭ دەرەگىنشە، وڭىرلەر بويىنشا كەلگەندەردىڭ باسىم بولىگى ماڭعىستاۋ وبلىسىنا تۇراقتاعان: 2,4 مىڭ ادام، ءبىر جىلدا 53,9 پايىزعا كوبەيگەن.

ودان كەيىن الماتى (2,1 مىڭ ادام، 67,1% كوبەيگەن) جانە الماتى وبلىسى (1,4 مىڭ ادام، 8,4 ەسە كوبەيگەن) تۇر.

كەلگەندەر ەڭ از قونىستانعان ءوڭىر قىزىلوردا وبلىسى: جىل باسىنان بەرى نەبارى 12 ادام كەلدى، ءبىر جىل بۇرىن 7 ادام عانا بولعان.

قاراعاندى وبلىسىنان كوپ ادام كەتكەن: 2,5 مىڭ — ءبىر جىل بۇرىنعىدان 31,5 پايىزعا از.

ودان كەيىنگى ورىندا - قوستاناي (2,4 مىڭ ادام، 6% ازايعان) جانە پاۆلودار (2,3 مىڭ ادام، 14,8% ازايعان) وبلىستارى.

ەڭ از ادام قىزىلوردا وبلىسىنان كەتكەن: بار بولعانى 42, ءبىر جىل بۇرىنعىدان 28,8 پايىز ازايعان.

بيىل ەلىمىزگە 989 تەحنيكالىق، 516-سى ەكونوميكالىق، 351-ءى پەداگوگيكالىق، 219-ى مەديتسينالىق، 130-ى زاڭگەرلىك، 106-سى ساۋلەت-قۇرىلىس، 70 اۋىل شارۋاشىلىعى ماماندارى كەلگەن.

ەلىمىزدەن كەتكەندەردىڭ ىشىندە 3,5 مىڭ ادام تەحنيكالىق، 1,6 مىڭى ەكونوميكالىق، 1 مىڭى پەداگوگيكالىق، 542-ءى مەديتسينالىق، 378-ءى زاڭگەرلىك، 218-ءى ساۋلەت-قۇرىلىس ونەرى، 159-ى اۋىل شارۋاشىلىعى ماماندىعىن العان.

بيىل وزبەكستاننان كەلگەندەر سانى باسىم: 4,8 مىڭ ادام — ءبىر جىل بۇرىنعىدان بىردەن 88,8 پايىز ارتىق.

ەكىنشى جانە ءۇشىنشى ورىندا رەسەي مەن تۇرىكمەنستان تۇر. ۇزدىك بەستىككە قىرعىزستان مەن قىتاي دا كىرەدى.

قازاقستاننان رەسەيگە كەتكەندەردىڭ قاراسى قالىڭ: 16,6 مىڭ ادام — ءبىر جىل بۇرىنعىدان 21,4 پايىز از.

ودان كەيىن گەرمانيا، اقش، پولشا جانە وزبەكستان الدىڭعى ورىندا.

 

Abai.kz

2 پىكىر