جاڭا سالىق كودەكسىنىڭ جوباسىن جان-جاقتى پىسىقتاپ، ساپالى دايىنداۋ ءۇشىن 1,5 جىل ۋاقىت كەرەك. بۇل تۋرالى قر ۇلتتىق ەكونوميكا ءمينيسترى الىبەك قۋانتىروۆ ايتتى.

بۇگىن سەناتتىڭ جالپى وتىرىسىندا پالاتا توراعاسى جاڭا سالىق كودەكسىنىڭ جوباسى پارلامەنتكە قاشان ەنگىزىلەتىنىن سۇرادى.

«ۇلتتىق جوسپار بويىنشا كەلەسى جىلدىڭ قىركۇيەگى بەلگىلەنىپ وتىر. الايدا تالقىلاۋ بارىسىندا وتاندىق ءارى شەتەل ساراپشىلارى بۇل باعىتتا كوبىرەك ۋاقىت كەرەك ەكەنىن ايتىپ جاتىر. قۇجاتتى ساپالى دايىنداۋ ءۇشىن كەم دەگەندە ءبىر جارىم جىل كەرەك. ءبىز بەلگىلەنگەن مەرزىمدە ورىنداۋ ءۇشىن ءتيىستى جۇمىستاردى اتقارامىز. الداعى جارتى جىلدىڭ ىشىندە بەلسەندى ءىس-شارالاردى جۇزەگە اسىرماقپىز. سوندىقتان بۇل باعىتتا دەپۋتاتتاردىڭ دا قولداۋى كەرەك. جۇكتەلگەن تاپسىرما بويىنشا جاڭا سالىق كودەكسى 2024 جىلدان باستاپ كۇشىنە ەنۋى ءتيىس»، - دەدى الىبەك قۋانتىروۆ.

Abai.kz