جۇما, 29 ناۋرىز 2024
تۇلعا 2550 9 پىكىر 24 قاراشا, 2022 ساعات 14:23

سااكاشۆيليدىڭ قاتەلىگى

ميحايل سااكاشۆيلي دراماسى – ساتتىلىك پەن ساتسىزدىكتىڭ، اق پەن قارانىڭ كۇرەسى سەكىلدى. ول جۇلدىزى جانىپ تۋعان ادام. زيالى وتباسىندا دۇنيەگە كەلدى، كەيىننەن ءبىلىمدى، تەكتى گوللانديالىق ساندرا رۋلوۆسپەن كەزدەسىپ، شاڭىراق كوتەردى. جاس، جىگەرلى ميحايل 1990 جىلدارى گرۋزيا بيلىگىنە ارالاسىپ، قاتارداعى پارتيا بەلسەندىسىنەن پارلامەنتتىك فراكتسيا جەتەكشىسىنە دەيىن كوتەرىلدى.

وپپوزيتسياعا كەتتى، بۇل سااكاشۆيلي بەدەلىن تەز كوتەردى. گرۋزيادا قىلمىستىق توپتار جۇزدەپ كوبەيىپ، كوشەدە قارۋ-جاراقپەن جۇرەتىن كەزەڭدە ۇستارانىڭ جۇزىندە ءجۇرىپ، بيلىككە جەتتى. سودان كەيىن سااكاشۆيلي تۇبەگەيلى رەفورمالار جۇرگىزدى. ول ۋكراينا تاجىريبەسىنە سۇيەنە وتىرىپ، گرۋزياعا ون ءتورت جىل بۇرىن رەسەيدىڭ باسىپ كىرۋى ءسوزسىز قاتەلىك بولعانىن ءتۇسىندى. 2011 جىلى 11 قاراشادا ساياساتكەر ءومىرىنىڭ قارا جولاعى باستالدى.

ءدال وسى كۇنى گرۋزيانىڭ بارلىق بۇقارالىق اقپارات قۇرالدارى گرۋزين قوعامىندا شىنايى سىلكىنىس پەن ۇرەي تۋدىرعان سەنساتسيالىق اقپاراتتى جاريالادى. گرۋزين ەلىنىڭ ەڭ باي وكىلى، ميللياردەر جانە مەتسەنات بيدزينا يۆانيشۆيلي 2012 جىلى وتەتىن پارلامەنتتىك سايلاۋدا جەڭىسكە جەتىپ، سااكاشۆيليدى اۋىستىرماق. بيلىككە جەتۋ ءۇشىن وپپوزيتسيالىق پارتيا قۇرادى.

سااكاشۆيليدىڭ بيلەۋشى ​​پارتياسى يۆانيشۆيليگە قارسى ناعىز قارسى ۇگىت-ناسيحات سوعىسىن جاريالادى. 2012 جىلى سااكاشۆيليدىڭ پارتياسى سايلاۋدا جەڭىلىسكە ۇشىرادى.

جاڭا ۇكىمەت تاراپىنان قابىلدانباعان، پىكىرلەستەردىڭ سىنىنان كوڭىلى قالعان، حالقىنا رەنجىگەن سااكاشۆيلي ەلدەن كەتىپ، تابىستى رەفورماتور اتاعىن پايدالانىپ، ۋكراينانىڭ جەتەكشى ساياساتكەرى بولۋعا تىرىسادى.

ودەسسا وبلىسىنىڭ گۋبەرناتورى بولعان سااكاشۆيلي كيەۆكە جەتۋ ءۇشىن بايسالدى، جاي ارەكەت ەتۋى كەرەك ەدى. اۋەلى ودەسسا حالقىنىڭ كوڭىلىنەن شىعىپ، ىسكەر باسشى ەكەنىن دالەلدەۋ كەرەك بولاتىن. بىراق سااكاشۆيلي بايسالدى قيمىلدايتىن ادام ەمەس. ول كوپ دۇنيەنىڭ تەز ورىندالعانىن قالادى. راس، زەلەنسكيدىڭ تۇسىندا ول بيلىكپەن قارىم-قاتىناسىن ءبىرشاما جاقسارتتى، بىراق ەشقاشان ناقتى وكىلەتتىكتەرگە يە بولمادى. ساياسات بوكس سپورتى سياقتى. باسىنان بىرنەشە رەت سوققى العان سپورتشىعا، باپكەرى «دەمال، كۇشىڭدى جيىپ بارىپ، رينگكە شىق، اسىقپا» دەيدى. ساياساتتا دا اسقان سابىرلىلىق كەرەك. ميحايل شىدامسىزدىق تانىتىپ گرۋزياعا قايتىپ ورالدى. ناتيجەسىندە، سااكاشۆيليدى كۇتىپ وتىرعان دۇشپاندارى وعان قارسى بىرنەشە قىلمىستىق ءىس قوزعادى.

سااكاشۆيليدىڭ باتىستاعى ىقپالدى مەتسەنات دوستارى «گرۋزياعا بارماي تۇرا تۇر، سوتتالاسىڭ، ءبىز كومەكتەسە الماي قالامىز» دەپ ەسكەرتكەن.

سااكاشۆيليدىڭ گرۋزياعا ورالۋى ۇلكەن قاتەلىك بولدى. ەلدە رەۆوليۋتسيالىق كوڭىل-كۇي بولماعانىن، ءتىپتى ونىڭ پارتياسىنا داۋىس بەرگەندەردىڭ اراسىندا بۇگىنگى يراندا بولىپ جاتقانداي كوشەگە شىعىپ، جۇيەمەن توبەلەسۋگە دايىن بولعاندار وتە از ەكەنىن ءتۇسىنۋ كەرەك.

ناتيجەسىندە كۇتكەن نارسە بولدى: مەملەكەتتىك شەكارادان وتكەننەن كەيىن سااكاشۆيلي تۇتقىندالىپ، تۇرمەگە جابىلدى.

كەرىمسال جۇباتقانوۆ

Abai.kz

9 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3618