جۇما, 29 ناۋرىز 2024
بۇ نە مازاق؟ 2203 5 پىكىر 25 قازان, 2022 ساعات 18:52

الماتىدا باقىلاۋشىلاردى نەلىكتەن ۇستادى؟

جاڭا قازاقستاننىڭ نىشانىنداي بولىپ، قايتا ورالعان رەسپۋبليكا كۇنى مەرەكەسى الماتىدا الاڭسىز تويلاندى دەپ ايتا المايمىز. تاڭ ازاننان قوعام بەلسەندىلەرىن پوليتسيا توپىرلاتىپ بولىمشەلەرگە الىپ بارعان.

ازاتتىق راديوسىنىڭ حابارلاۋىنشا، اراسىندا "العا، قازاقستان" ۇيىمىنان بيبىگۇل يمانعالي، بەلسەندى اسەت ءاشىموۆ، “تاۋەلسىز باقىلاۋشىلار”قوعامدىق بىرلەستىگى الماتىداعى بولىمشەسىنىڭ جەتەكشىسى ارايلىم نازاروۆا دا بار. پوليتسيا ولاردى بولىمشەدە 4-5 ساعات ۇستاپ، كەيىن بوساتقان.

الداعى پرەزيدەنت سايلاۋى پروتسەسىن باقىلاۋعا دايىندىق ۇستىندە جۇرگەن ارايلىم نازاروۆا مۇنى بيلىكتىڭ نارازىلىق وتكىزۋگە شاقىرعان بەلسەندىلەردىڭ ارەكەتىنەن سەسكەنۋىمەن بايلانىستىرادى. پوليتسيا وكىلدەرى ارايلىمنان “قدت”، “ويان قازاقستان” ۇيىمىمەن بايلانىسى بار، جوعىن سۇراعان.

ارايلىم نازاروۆا بولىمشەدەن شىققان سوڭ، Facebook پاراقشاسىندا وقيعاعا بايلانىستى تۇسىنىك بەردى.
“قۇرمەتتى، دوستار، بارشالارىڭىزدىڭ قولداۋلارىڭىزعا كوپتەن كوپ راحمەت!

سەبەپ سول، بۇگىن ميتينگكە شىعادى دەپ ويلاعاننان. تۇسىنگەنىم بويىنشا بۇگىن تولقۋلار بولادى دەپ قورقىپ وتىر. ءىىب-دا باسقا دا بەلسەندى ازاماتتار بولدى”،- دەدى ول.
وزگە دە بەلسەندىلەر امان ەسەن ۇيلەرىنە ورالعان.
ايتا كەتەيىك، مەرەكە كۇنى ساقشىلار الماتىنىڭ ەسكى الاڭىنا ماشينا وتكىزبەي ءتورت جاقتان كۇزەتىپ تۇردى.

ەستيتىن ۇكىمەتتىڭ قاستەرلى كۇن، جاڭا مەرەكەدە ءسوز بوستاندىعىنا جاڭاشا قاراۋدىن ورنىنا ەسكى ادىسكە جۇگىنۋى قوعام نارازىلىعىن ءورشىتۋى مۇمكىن.

ەلدە پرەزيدەنت سايلاۋى وتكىزىلگەلى وتىر. باقىلاۋشىلاردى ەش سەبەپسىز، ۇستاپ اكەتىپ، تەرگەۋ ۇلكەن قاتەلىك . ونسىز دا سايلاۋعا دەگەن قىزىعۋشىلىق از. مىنانداي ارەكەتتەر ءتىپتى ول قىزىعۋشىلىقتى ازايتادى.

 

Abai.kz

5 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564