جۇما, 29 ناۋرىز 2024
جاڭالىقتار 4268 0 پىكىر 24 قاڭتار, 2013 ساعات 07:12

«اق جول»: الاش قوزعالىسىنىڭ 100 جىلدىعىن مەملەكەتتىك جانە جالپىۇلتتىق دارەجەدە اتاپ ءوتۋ ءۇشىن مەملەكەتتىك كوميسسيا قۇرۋ قاجەت

بۇگىن قازاقستان رەسپۋبليكاسىنىڭ پرەمەر-ءمينيسترى س.ن. احمەتوۆتىڭ اتىنا جولدانعان «اق جول» پارتياسىنىڭ پارلامەنتتىك فراكتسياسىنىڭ دەپۋتاتتىق ساۋالىندا وسىنداي مالىمدەمە جاسالدى. فراكتسيا دەپۋتاتتارىنىڭ اتىنان ءسوز العان ءماجىلىس دەپۋتاتى الماس تۇرتاەۆ «اق جول» پارتياسىنىڭ پارلامەنتتىك فراكتسياسى وتكەن جىلى الاش قوزعالىسىنىڭ 95 جىلدىعىنىڭ قارساڭىندا الاش رۋحىن ارداقتاۋدا ءالى دە اتقارىلماي جاتقان ىستەر كوپتىگىنە نازار اۋدارىپ، ۇكىمەت باسشىسىنىڭ اتىنا ساۋال جولدانعانى، وعان الاشقا بايلانىستى قازاقستان تاۋەلسىزدىگىن العاننان بەرى ىستەلگەن جۇمىستار تۋرالى حاباردار ەتكەن پرەمەر-مينيستر قول قويعان جاۋاپ الىنعانىن ەسكە سالدى. قاراشا ايىنىڭ 23-ىندە «اق جول» پارتياسى وسى داتاعا وراي ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ قولداۋىمەن «حح1 عاسىردا قازاقستان قوعامىن جاڭعىرتۋداعى «الاش» قوزعالىسى يدەيالارىنىڭ وزەكتىلىگى» تاقىرىبىندا عىلىمي-پراكتيكالىق كونفەرەنتسيا وتكىزدى. وسى كونفەرەنتسيانىڭ جانە الماتىدا، بىرقاتار وبلىستاردا جالعاسىن تاپقان الاش تاقىرىبىنا وتكىزىلگەن ءارتۇرلى جيىنداردىڭ قاتىسۋشىلارى «الاش» قوزعالىسىنىڭ 100 جىلدىعىن ەلىمىزدىڭ ومىرىندەگى اسا ماڭىزدى تاريحي وقيعا رەتىندە باعالاپ، ونىڭ دايىندىعىنا ۇكىمەتتى، پارلامەنتتى، باسقا دا مەملەكەتتىك ورگاندار مەن قوعامدىق ۇيىمداردى قازىردەن كىرىسۋگە شاقىردى.

بۇگىن قازاقستان رەسپۋبليكاسىنىڭ پرەمەر-ءمينيسترى س.ن. احمەتوۆتىڭ اتىنا جولدانعان «اق جول» پارتياسىنىڭ پارلامەنتتىك فراكتسياسىنىڭ دەپۋتاتتىق ساۋالىندا وسىنداي مالىمدەمە جاسالدى. فراكتسيا دەپۋتاتتارىنىڭ اتىنان ءسوز العان ءماجىلىس دەپۋتاتى الماس تۇرتاەۆ «اق جول» پارتياسىنىڭ پارلامەنتتىك فراكتسياسى وتكەن جىلى الاش قوزعالىسىنىڭ 95 جىلدىعىنىڭ قارساڭىندا الاش رۋحىن ارداقتاۋدا ءالى دە اتقارىلماي جاتقان ىستەر كوپتىگىنە نازار اۋدارىپ، ۇكىمەت باسشىسىنىڭ اتىنا ساۋال جولدانعانى، وعان الاشقا بايلانىستى قازاقستان تاۋەلسىزدىگىن العاننان بەرى ىستەلگەن جۇمىستار تۋرالى حاباردار ەتكەن پرەمەر-مينيستر قول قويعان جاۋاپ الىنعانىن ەسكە سالدى. قاراشا ايىنىڭ 23-ىندە «اق جول» پارتياسى وسى داتاعا وراي ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ قولداۋىمەن «حح1 عاسىردا قازاقستان قوعامىن جاڭعىرتۋداعى «الاش» قوزعالىسى يدەيالارىنىڭ وزەكتىلىگى» تاقىرىبىندا عىلىمي-پراكتيكالىق كونفەرەنتسيا وتكىزدى. وسى كونفەرەنتسيانىڭ جانە الماتىدا، بىرقاتار وبلىستاردا جالعاسىن تاپقان الاش تاقىرىبىنا وتكىزىلگەن ءارتۇرلى جيىنداردىڭ قاتىسۋشىلارى «الاش» قوزعالىسىنىڭ 100 جىلدىعىن ەلىمىزدىڭ ومىرىندەگى اسا ماڭىزدى تاريحي وقيعا رەتىندە باعالاپ، ونىڭ دايىندىعىنا ۇكىمەتتى، پارلامەنتتى، باسقا دا مەملەكەتتىك ورگاندار مەن قوعامدىق ۇيىمداردى قازىردەن كىرىسۋگە شاقىردى.

ماڭگىلىككە ۇمتىلمايتىن ۇلت جوق. ەلباسىمىزدىڭ قازاقستان-2050» ستراتەگياسىن قازاقستان حالقى زور قۋانىشپەن قابىلدادادى. بۇل - اسا ماڭىزدى تاريحي قۇجات. ۇرپاققا جاۋاپتى - تالاپ. ۇلتتىق ينتەلەگەنتسيا، ولاردىڭ شىعارماشىلىعىن قالىپتاستىرۋدا، ءتىلىمىزدىڭ مارتەبەسى، ەكونوميكامىزدى دامىتىپ، ەلدىگىمىزدىڭ تۇعىرىن كوتەرۋدە ەلباسىمىزدىڭ يگىلىكتى ماقساتتارىمەن الاش ازاماتتارىنىڭ نيەتتەرى اراسىندا ۇلكەن ساباقتاستىق جاتىر. مەملەكەت باسشىسى ءوزىنىڭ جولداۋىندا «بابالارىمىز ءتىرى بولۋ ءۇشىن ءبىر بولسا، ءبىز ءاردايىم ءىرى بولۋ ءۇشىن ءبىر بولۋىمىز كەرەك» دەپ تاۋەلسىز ەلىمىزدى «ماڭگىلىك ەل» ەتۋدى مۇرات ەتەتىنىمىزدى  جاريالادى. جانە ونىڭ ەڭ باستى شارتىن دا اتادى: «بابالاردىڭ ەرلىگى، بۇگىنگى بۋىننىڭ ەرەن ىستەرى جانە جاس ۇرپاقتىڭ جاسامپازدىعى اراسىندا ساباقتاستىق بولسا عانا، ءبىز «ماڭگىلىك ەل» بولامىز». بۇل رەتتە اتقارۋعا ءتيىس مىندەتىمىز - جاسامپاز جانە ومىرشەڭ ۇلت قالىپتاستىرۋ جولىندا ەڭبەك ەتۋ، وسى مۇراتقا جەتكىزەتىن زاڭدىق نەگىزى قۋاتتى، قوعامدىق تەتىكتەر (مەحانيزم) جاساۋ. سونىڭ ءبىرى الاش قايراتكەرلەرىن ارداقتاۋدىڭ دەڭگەيىن بيىككە كوتەرۋدى بۇدان ءارى كەشىكتىرمەۋ. الاش ارىستارىنىڭ رۋحىن جاس ۇرپاققا ءسىڭىرۋ ءۇشىن، بۇعان ۇكىمەت كەشەندى تۇردە كەلىپ، باسا نازار اۋدارۋى ءتيىس.

ۋاقىت تەز وتە شىعادى. الاش قوزعالىسىنىڭ 100 جىلدىعى دا الىس ەمەس. «اق جول» فراكتسياسى وسى رەتتە قازاقستان رەسپۋبليكاسىنىڭ ۇكىمەتىنە مىناداي شارالاردى بەلگىلەۋدى ۇسىنادى:

1. الاش قوزعالىسىنىڭ 100 جىلدىعىن مەملەكەتتىك جانە جالپىۇلتتىق دارەجەدە اتاپ ءوتۋ ءۇشىن مەملەكەتتىك كوميسسيا قۇرۋ، سونداي-اق وعان جالپىمەملەكەتتىك جانە ايماقتىق كەشەندى باعدارلامالار دايارلاۋ ءىسىن جۇكتەۋ.

2. جاس ۇرپاقتى الاش يدەياسىمەن كەڭ اۋقىمدا جانە جۇيەلى تۇردە تانىستىرىپ، ونى وتانشىلدىق رۋحتا تاربيەلەۋ ماقساتىندا الاش قوزعالىسىنا قاتىستى ارحيۆ قۇجاتتارىن، ءبىرىنشى كەزەكتە 1928-1932 جىلدارعا تيەسىلى عاسىر قۇجاتى اتالعان «الاش ءىسى» سوت پروتسەستەرى ماتەريالدارىن كوپ تومدىق تۇرىندە جاريالاۋ ءىسى قولعا الىنعانى ءجون.

3. وسى «الاش ءىسى» سوت پروتسەسىمەن تىكەلەي بايلانىسى بار كەلەسى ماسەلە ول حح عاسىردىڭ 20-50-ءشى جىلدارىندا جۇرگىزىلگەن ساياسي رەپرەسسيا ماتەريالدارى. قازاقستان تاريحىندا ۇلتتىق ساياسي باسقارۋشى توپقا (ەليتا) جانە شىعارماشىلىقتاعى زيالىلارعا بايلانىستى جۇرگىزىلگەن جاپپاي رەپرەسسيالاۋ شارالارىنىڭ سەبەپ-سالدارى ىرگەلى زەرتتەۋ تۇرعىسىنان ءالى دە بولسا جان-جاقتى تولىق اشىلماعان كۇيىندە قالىپ كەلەدى. قازاقستانداعى رەپرەسسيا تاريحى وتاندىق تاريحشى-عالىمداردىڭ كۇشىمەن قورىتىلعانى دۇرىس.

«اق جول» فراكتسياسى وسى ماسەلەلەردىڭ اسا ماڭىزدىلىعىن ەسكەرە وتىرىپ، ۇكىمەت باسشىسىنان الداعى قابىلداناتىن ناقتى دا كەشەندى شارالار جونىندە حاباردار ەتۋدى سۇرادى.

«اق جول» فراكتسياسى سايلاۋالدى تۇعىرناماسىن جانە سايلاۋشىلار اماناتتارىن ورىنداۋ بويىنشا جۇمىسىن جالعاستىرا بەرەدى.

2013 جىلدىڭ 23 قاڭتارى، «اق جول» قدپ-نىڭ ءباسپاسوز قىزمەتى

Abai.kz

 

نازار اۋدارىڭىزدار!!!

«XXI-عاسىرداعى الاشتىڭ اق جولى» جالپىۇلتتىق بايقاۋى

قازاقستاننىڭ «اق جول» دەموكراتيالىق پارتياسى «XXI-عاسىرداعى الاشتىڭ اق جولى» جالپىۇلتتىق بايقاۋىن وتكىزەتىنىن حابارلايدى. شارانىڭ باستى ماقساتى «الاش» قوزعالىسىنىڭ شىعارماشىلىق مۇراسىن جانە پرينتسيپتىك كوزقاراستارىن زەردەلەۋ جانە ونى قازىرگى زامانعى قازاقستان قوعامىنا تاراتۋ بولىپ تابىلادى.

بايقاۋعا قاتىسۋعا ءوز ەلىنىڭ تاعدىرىنا بەي-جاي قاراي المايتىن، ۇلتى جانە ساياسي پارتيالارعا مۇشەلىگىنە قاراماستان ستۋدەنتتەر، جاس عالىمدار جانە جۋرناليستەر شاقىرىلادى.

پىكىرسايىس ەكى كەزەڭنەن، ءتورت نوميناتسيا بويىنشا شىعارماشىلىق بايقاۋ پىشىمىندە وتكىزىلەدى.

نوميناتسيالار:

1. «الاش» قوزعالىسى قايراتكەرلەرىنىڭ مەملەكەت قۇرىلىسىنا جانە دەموكراتيالىق قۇندىلىقتارعا كوزقاراستارى، ولاردىڭ قازىرگى زامانعى قازاقستان ءۇشىن وزەكتىلىگى;

 

2. «الاش» قوزعالىسى قايراتكەرلەرىنىڭ ەكونوميكالىق كوزقاراستارى، ولاردىڭ قازىرگى زامانعى قازاقستان ءۇشىن وزەكتىلىگى;

 

3. «الاش» كوشباسشىلارى جۇمىستارىنداعى قازاقستاندىق قوعامنىڭ الەۋمەتتىك جاڭعىرۋى، ەۋروپالىق جولمەن دامۋى ماسەلەلەرى جانە ولاردىڭ قازىرگى زامانعى قازاقستان ءۇشىن وزەكتىلىگى.

 

4. بۇقارالىق اقپارات قۇرالدارىندا اعىمداعى جىلدا جاريالانعان جوعارىدا اتالعان كەز-كەلگەن تاقىرىپتار بويىنشا ۇزدىك پۋبليتسيستيكالىق ماتەريال.

كەزەڭدەر:

1 كەزەڭ: جازباشا جۇمىستاردى (ەسسە، شىعارمالار) سىرتتاي ىرىكتەۋ.

بايقاۋ جۇمىستارى 2013 جىلدىڭ 1 شىلدەسىنە دەيىن قابىلدانادى. ۇسىنىلاتىن جۇمىستاردىڭ كولەمى 12 بەتتەن اسپاۋى ءتيىس

جۇمىستاردى قابىلداۋ مەرزىمى اياقتالعاننان كەيىن، بايقاۋدىڭ ارنايى قازىلار القاسى ءبىر ايدىڭ ىشىندە ءاربىر نوميناتسيا بويىنشا 10 ۇمىتكەردەن ىرىكتەپ الادى، ولار ەكىنشى، بەتپە-بەت كەزدەسەتىن پىكىرسايىس كەزەڭىنە قاتىسۋعا شاقىرىلادى.

2 كەزەڭ: 1-ءىنشى كەزەڭ جەڭىمپازدارىنىڭ بەتپە-بەت پىكىرتالاستارى. 1-ءشى كەزەڭنىڭ قورىتىندىلارى شىعارىلعاننان كەيىن 3 ايدىڭ ىشىندە وتكىزىلەدى.

بەتپە-بەت كەزدەسەتىن پىكىرسايىستار بارىسىندا ۇمىتكەرلەر ءار نوميناتسيا بويىنشا باياندامالار جاسايدى، ودان كەيىن باسەكەلەستەرىنىڭ سۇراقتارىنا جاۋاپ بەرەدى جانە سونداي-اق ولاردىڭ باياندامالارىن تالقىلاۋعا قاتىسادى. پىكىرتالاستار ءاربىر نوميناتسيا بويىنشا بولەك وتەدى.

پىكىرتالاستار قورىتىندىلارى بويىنشا ءار نوميناتسيادان 2 ۇمىتكەردەن فينالدىق ساتىعا قاتىسۋ ءۇشىن ىرىكتەلىپ الىنادى.

3 كەزەڭ: الاش وردانىڭ (الاش ۇكىمەتىنىڭ) قۇرىلعانىنا 96 جىلدىعى قارساڭىندا «حح1 عاسىرداعى الاشتىڭ اق جولى» جالپىۇلتتىق كونفەرەنتسياسى اياسىندا وتكىزىلەدى.

2-ءشى كەزەڭنىڭ جەڭىمپازدارى بارلىق نوميناتسيالار بويىنشا باياندامالارمەن سويلەيدى جانە سۇراقتارعا جاۋاپ بەرەدى. تالقىلاۋدىڭ قورىتىندىلارى بويىنشا بايقاۋدىڭ باستى ماراپاتتارىنىڭ يەگەرلەرى انىقتالادى.

كونفەرەنتسيا ماتەريالدارى جەكە باسىلىممەن جاريالاناتىن بولادى.

بايقاۋدىڭ جۇلدەلىك قورى 3 ملن. تەڭگەنى قۇرايدى.

جالپىۇلتتىق پىكىرسايىستاردىڭ جەڭىمپازدارى مەن لاۋرەاتتارى ءۇشىن كەلەسى سىياقىلار بەلگىلەنەدى:

- 1-ءشى كەزەڭنىڭ لاۋرەاتتارى ء(ار نوميناتسيا بويىنشا 10 ۇزدىك جازباشا جۇمىستار) - 25 مىڭ تەڭگەدەن;

- 2-ءشى كەزەڭنىڭ جەڭىمپازدارى ءۇشىن ء(ار نوميناتسيا بويىنشا 2 ۇزدىك ۇمىتكەر) - 100 مىڭ تەڭگەدەن;

- ءار نوميناتسيا بويىنشا جالپىۇلتتىق بايقاۋدىڭ جەڭىمپازدارى ءۇشىن - 250 مىڭ تەڭگە.

2-ءشى جانە 3-ءشى كەزەڭدەگى بەتپە-بەت پىكىرسايىستارعا قاتىسۋعا شاقىرىلعاندار ءۇشىن ءىسساپار شىعىندارىن «اق جول» قدپ تولەيدى.

1-ءشى كەزەڭگە قاتىسۋ ءۇشىن بايقاۋ جۇمىستارى ««حح1 عاسىرداعى الاشتىڭ اق جولى» بەلگىسىمەن 010000 استانا قالاسى، سارىايشىق كوشەسى، 11-ءۇي، №5 كەڭسەسىنە «اق جول» قازاقستاننىڭ دەموكراتيالىق پارتياسى ورتالىق اپپاراتىنىڭ مەكەن-جايىنا نەمەسە alash_akzhol@mail.ru ەلەكتروندىق پوشتامەن جىبەرىلسىن.

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3607