بەيسەنبى, 28 ناۋرىز 2024
جاڭالىقتار 3736 0 پىكىر 22 قاڭتار, 2013 ساعات 16:32

قازاق سايتتارى رەداكتورلارىنىڭ تۇڭعىش كونفەرەنتسياسى اياقتالدى (فوتو)

 

استاناداعى "قازمەديا" ورتالىعىندا وتكەن قازاق سايتتارى رەداكتورلارىنىڭ تۇڭعىش كونفەرەنتسياسى ءوز جۇمىسىن اياقتادى. بۇل شارانى ۇيىمداستىرۋشىلار - «نۇر وتان» حالىقتىق دەموكراتيالىق پارتياسى، www.abai.kz اقپاراتتىق پورتالى، www.alash-orda.kz اقپاراتتىق پورتالى جانە «مىنبەر» جۋرناليستەردى قولداۋ ورتالىعى.

تومەندە جيىن بارىسىندا جانە كونفەرەنتسيادان كەيىن facebook.com الەۋمەتتىك جەلىسىندەگى ايتىلعان پىكىرلەر مەن لەبىزدەردى، ۇسىنىستاردى جيناقتاپ بەرىپ وتىرمىز.

الداعى ۋاقىتتا قازاق سايتتارى رەداكتورلارىنىڭ ۇسىنىستارى مەن پىكىرلەرىن ەسەپكە الىپ، ارنايى بىرلەسكەن تالقىلاتىن وتكەن سوڭ، قازاق سايتتارى رەداكتورلارى كونفەرەنتسياسىنىڭ قارارىن جاريالايتىن بولامىز.

Abai.kz

ارمان قىرىقباەۆ, مادەنيەت جانە اقپارات ۆيتسە-ءمينيسترى:

الداعى جىلدا 450 ينتەرنەت رەسۋرسىن اشۋ جوسپارلانىپ وتىر، بۇگىنگە دەيىن جەرگىلىكتى جەرلەردەگى باسىلىمداردىڭ 167 ينتەرنەت پاراقشاسى اشىلسا، جالپى 200-گە جۋىق باسىلىمنىڭ ينتەرنەت پاراقشاسى بار، ونىڭ باسىم كوپشىلىگى قازاق تىلىندە. بيىل اقپارات سالاسىن دامىتۋعا 1 ميلليارد تەڭگە بولىنسە، ونىڭ 110 ميلليوندايى ينتەرنەت رەسۋرستارعا بولىنگەن.

 

استاناداعى "قازمەديا" ورتالىعىندا وتكەن قازاق سايتتارى رەداكتورلارىنىڭ تۇڭعىش كونفەرەنتسياسى ءوز جۇمىسىن اياقتادى. بۇل شارانى ۇيىمداستىرۋشىلار - «نۇر وتان» حالىقتىق دەموكراتيالىق پارتياسى، www.abai.kz اقپاراتتىق پورتالى، www.alash-orda.kz اقپاراتتىق پورتالى جانە «مىنبەر» جۋرناليستەردى قولداۋ ورتالىعى.

تومەندە جيىن بارىسىندا جانە كونفەرەنتسيادان كەيىن facebook.com الەۋمەتتىك جەلىسىندەگى ايتىلعان پىكىرلەر مەن لەبىزدەردى، ۇسىنىستاردى جيناقتاپ بەرىپ وتىرمىز.

الداعى ۋاقىتتا قازاق سايتتارى رەداكتورلارىنىڭ ۇسىنىستارى مەن پىكىرلەرىن ەسەپكە الىپ، ارنايى بىرلەسكەن تالقىلاتىن وتكەن سوڭ، قازاق سايتتارى رەداكتورلارى كونفەرەنتسياسىنىڭ قارارىن جاريالايتىن بولامىز.

Abai.kz

ارمان قىرىقباەۆ, مادەنيەت جانە اقپارات ۆيتسە-ءمينيسترى:

الداعى جىلدا 450 ينتەرنەت رەسۋرسىن اشۋ جوسپارلانىپ وتىر، بۇگىنگە دەيىن جەرگىلىكتى جەرلەردەگى باسىلىمداردىڭ 167 ينتەرنەت پاراقشاسى اشىلسا، جالپى 200-گە جۋىق باسىلىمنىڭ ينتەرنەت پاراقشاسى بار، ونىڭ باسىم كوپشىلىگى قازاق تىلىندە. بيىل اقپارات سالاسىن دامىتۋعا 1 ميلليارد تەڭگە بولىنسە، ونىڭ 110 ميلليوندايى ينتەرنەت رەسۋرستارعا بولىنگەن.

ەرلان قارين، «نۇر وتان» حالىقتىق دەموكراتيالىق پارتياسىنىڭ حاتشىسى:

دوستار! كونفەرەنتسيانى ۇيىمداستىرۋعا اتسالىسىپ، تالقىلاۋلارعا بەلسەندى قاتىسىپ، كەلىپ، قولداعاندارىڭىزعا مىڭ العىس! مەنىڭشە، ماڭىزدى ءارى پايدالى جيىن بولعان سياقتى. ارينە، ءبارىن ءبىر كۇندە شەشە قويماسپىز، دەگەنمەن ارنايى كەزدەسىپ سالالىق ماسەلەلەردى جان-جاقتى تالقىلاعانىمىزدىڭ ءوزى ۇلكەن قادام. وسىمەن ءىس-شارا ءوتتى ەكەن دەپ كوتەرىلگەن ماسەلەلەر قالىپ قالماسىن. وسى توپتا ۇسىنىستاردى تالقىلاي بەرەيىك. جانە ەڭ باستىسى - كەلەسىدە اماندىقتا كەزدەسكەنشە! كوپشىلىكتەرىڭىزدى بىلەمىن جانە جاڭا ارىپتەستەرىممەن تانىستىم، كونفەرەنتسيا اياسىندا كورىپ، جۇزدەسكەنىمە قۋانىشتىمىن.

ايدوس سارىم، ساياساتتانۋشى، Abai.kz اقپاراتتىق پورتالىنىڭ ۇيلەستىرۋشىسى:

«قازاق سايتتارى» مەملەكەتقۇرۋشى قازاق ۇلتىنىڭ باسىن بىرىكتىرۋدەگى باستى قوزعاۋشى كۇش ياعني، قازاقستانداعى اقپاراتتىڭ ەڭ ءبىرىنشى يەسى.  سوندىقتان ولار وزدەرىنىڭ وسى جاۋاپشكەرشىلىگىن سەزىنە ءبىلۋى، سونىڭ ارقاسىندا ساليقالى تۇردە كاسىبي باسەكەلەستىكتى دامىتۋعا اتسالىسۋى كەرەك. سوندا عانا بولاشاقتا الەمدىك باسەكەگە قابىلەتتى قازاق سايتتارىنىڭ كوش كەرۋەنىن تۇزۋگە بولادى. سوندىقتان كونفەرەنتسيا سوڭىندا ارنايى قارار جوباسىن قابىلداپ، ونى عالامتور بەتتەرىندە تالقىلاۋ ارقىلى ورتاق پىكىرگە كەلۋگە ءتيىسپىز.

اسحات ەركىمباي، بلوگگەر، جۋرناليست:

كەز-كەلگەن نارسەنىڭ عىلىمي نەگىزى بولۋى كەرەك دەپ ەسەپتەيمىن. سوندىقتان قارارلارىڭىزعا ينتەرنەت جۋرناليستيكا، جاڭا مەديانى زەرتتەگىسى كەلەتىندەر ءۇشىن ارنايى گرانتتار ءبولىنسىن نەمەسە ورتالىق قۇرىلسىن دەگەندى قوسۋلارىڭىزدى وتىنەمىن. ودان كەيىن مەدياترەنەرلەردى دايىنداۋ ءۇشىن دە ارنايى ءبىر ورتالىق قۇرىلۋى كەرەك نەمەسە قازىرگى ۇكىمەتتىك ەمەس ۇيىمدارعا ارنايى گرانتتار بولىنسە ەكەن.

ءنازيا جويامەرگەنقىزى، جۋرناليست:

دوستار، قازىرگى قازاق ينتەرنەتىن دامىتۋعا بلوگەرلەر دە، ءىت سالاسىنىڭ ماماندارى دا ۇلكەن ۇلەس قوسۋدا. ونى جوققا شىعارۋعا بولمايدى. بىراق بۇل ولاردىڭ ساپالىق دەڭگەيى جوعارى دەگەن ءسوز ەمەس. البەتتە، ينتەرنەت جۋرناليستيكانى تەك كاسىبي جۋرناليستەر، 4-6 جىل جۋرفاكتا ءبىلىم العان ماماندار جۇرگىزسىن دەۋ - جاڭساقتىق. الايدا ساپاعا كوڭىل بولگىسى كەلەتىن سايتتار بىلىكتى مامانداردى تارتسا كەرەك-ءتى جۇمىسقا. اتتەڭ، وعان دا قاراجات تاپشى. سوندىقتان ۇسىنىس-پىكىرلەر جينالۋدا، ۇيىمداستىرۋشىلار ارنايى قۇجات قابىلداۋدى جوسپارلاپ وتىر. ء"بىزدى جۋرناليستەر وزەككە تەپتى" دەپ رنەجۋدىڭ دە ءجونى جوق. اينالىپ كەلگەندە، ءبارىمىزدىڭ يلەگەنىمىز جانە يلەيتىنىمىز - ءبىر تەرىنىڭ پۇشپاعى. الدا قيىن وتكەل، اتقارار قىرۋار تىرلىك تۇر. سوندىقتان ىسكە ءسات!

قازاق سايتتارى رەداكتورلارىنىڭ تۇڭعىش كونفەرەنتسياسى اياقتالدى. قىزۋ تارتىسپەن وتكەن جيىننىڭ بەرەرى مول. العا قويار ماقسات پەن مىندەتتەردىڭ ءبىرازى ايقىندالدى.

عاليمۇرات جۇكەل:

قازاق سايتتارىنىڭ رەداكتورلارى العاش رەت باس قوستى. بارەكەلدى! شارانىڭ جوعارى دەڭگەيدە وتكەندىگىن داۋرەن، ايدوس جانە بەرىك اعالارىمىزدىڭ كەرەمەت سۋرەتىنەن-اق بايقاۋعا بولادى. ازىرگە جيىندا كوتەرىلگەن ماسەلەلەردى شولىپ شىعۋ مۇمكىن بولماي تۇر. ويتكەنى جۇمىس ۋاقىتى ءالى اياقتالمادى. بىراق، «قازاق سايتتارى» - مەملەكەتقۇرۋشى قازاق ۇلتىنىڭ باسىن بىرىكتىرۋدەگى باستى قوزعاۋشى كۇش" دەگەن تاقىرىپقا نازار اۋدارساق (اباي.كز-داعى باس ماقالا) ناقتى ماسەلەلەر كوتەرىلگەنگە ۇقسايدى. كونفەرەنتسيادا تەك ورتالىقتا ايتىلار جايتتار عانا ەمەس، وڭىرلەردەگى قازاق سايتى ءھام قازكونتەنت ماسەلەسى كوتەرىلدى دەگەنگە سەنىم مول. وسىلايشا، تىم بولماعاندا "ينتەرنەت دەگەن م.اگەنت",- دەپ تۇسىنەتىن ايماقتارداعى قاتە پىكىردى تۇزەتۋ ماسەلەسى ايتىلعان بولار.

اسەم چاپاي:

قازاق سايتتارى رەداكتورلارىنىڭ كونفەرەنتسياسىنان تۇيگەنىم كوپ بولدى. جالپى جوبانى ۇيىمداستىرۋداعى جاۋاپكەرشىلىك پەن باعدارلامانىڭ قۇرىلىمى، تاقىرىپتارى، بولىمدەرى ءبارى جوسپارعا ساي ءوتتى. بۇل سالاعا تىكەلەي قاتىسىم بولماسا دا، اقپارات كەڭىستىگىندەگى جاڭالىقتار مەن جاڭاشىلدىقتى تىڭداۋدا كوپتەگەن ءتيىمدى اقپاراتتار الا الدىم. نە ءتۇسىندىم، نەنى تۇسىنبەدىم جانە قورىتىندى ويىمدى، ۇسىنىستاردى ەرتەڭگى كۇننىڭ ەنشىسىنە قالدىرىپ وتىرمىن. ەڭ باستىسى وسى كەزدەسۋدىڭ جالعاسى ۇزىلمەسە دەگەن تىلەك بار!

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3500