سارسەنبى, 7 جەلتوقسان 2022
792 0 پىكىر 5 قازان, 2022 ساعات 13:28

زەلەنسكي پۋتينمەن كەلىسسوز جۇرگىزۋدەن باس تارتتى

ۋكراينا پرەزيدەنتى ۆلاديمير زەلەنسكي ۇلتتىق قاۋىپسىزدىك جانە قورعانىس كەڭەسىنىڭ شەشىمىن جۇزەگە اسىرۋ جونىندە جارلىققا قول قويدى. وندا رەسەيدىڭ قازىرگى پرەزيدەنتى ۆلاديمير پۋتينمەن كەلىسسوزگە كەلۋگە تىيىم سالىنعان. 

بۇل ۇلتتىق قاۋىپسىزدىك كەڭەسىنىڭ رەسەيدىڭ ۋكراينانى اننەكتسيالاۋعا قارسى قابىلدانعان شەشىمى بولدى.

زەلەنسكي جارلىعى 4 قازاندا جاريالاندى. وندا ۋكراينا پرەزيدەنتىنىڭ، جوعارعى رادا توراعاسىنىڭ جانە پرەمەر-ءمينيستردىڭ ناتو-عا جولداعان ۇندەۋى ماقۇلدانعان.

رەسەي پرەزيدەنتىنىڭ ءباسپاسوز حاتشىسى دميتري پەسكوۆ زەلەنسكيدىڭ بۇل جارلىعىنا قاتىستى "قازىرگى پرەزيدەنتتىڭ بولماسا بولاشاق پرەزيدەنتتىڭ ۋكراينا مۇددەسى ءۇشىن ۇستانىمىنىڭ وزگەرگەنىن كۇتەمىز" دەگەن پىكىر ءبىلدىردى.

30 قىركۇيەكتە ۆلاديمير زەلەنسكي ۋكراينا ناتو-عا شۇعىل كىرۋگە ءوتىنىش بەرەتىنىن مالىمدەگەن. ول سونىمەن بىرگە قازىرگى پرەزيدەنت ۆلاديمير پۋتين بولىپ تۇرعاندا، ۋكراينا رەسەيمەن ەشقاشان كەلىسىمگە بارمايتىنىن جەتكىزگەن. ول مۇنى رەسەيدىڭ ۋكراينانىڭ بىرقاتار ايماقتارىن باسىپ العانىنا بايلانىستى ايتتى.

30 قىركۇيەكتە ۋكراينا جوعارعى راداسى ەلىندەگى بارلىق رەسەيلىك اكتيۆتەردى مەملەكەت قاراماعىنا وتكىزۋ جونىندە زاڭ جوباسىن ەنگىزگەن. ۋكراينانىڭ ۇلتتىق قاۋىپسىزدىك جانە قورعانىس كەڭەسى رەسەيدىڭ زاڭدىق جانە جەكە تۇلعالارىنا قارسى سانكتسيا ەنگىزۋ جونىندە شەشىم قابىلداعان.

Abai.kz

0 پىكىر

ۇزدىك ماتەريالدار

قۇيىلسىن كوشىڭ

قانداستار قازاققا، قازاقستانعا نە بەردى؟

رايىس ءارىپجانۇلى 2532
الاشوردا

تۇركىلىك تەك جانە تۇركى-موعول بىرلىگى

ءجادي شاكەنۇلى 1560
قاۋىپ ەتكەننەن ايتامىن

گازدىڭ گەوساياسي «گەموررويى»

ءامىرجان قوسان 1817