سارسەنبى, 7 جەلتوقسان 2022
ارىلۋ 1253 9 پىكىر 5 قازان, 2022 ساعات 13:13

اقپاراتتىق قاۋىپسىزدىك الاڭداتادى...

وتكەن اپتادا قازاق ءتىلدى گازەتتەردىڭ باس رەداكتورلارى تاعى دا جينالىپ، مەملەكەتتىك تىلدەگى ۇلتتىق باسىلىمداردىڭ مۇشكىل حال كەشىپ جاتقانىن ايتىپ، پرەزيدەنت توقاەۆقا اشىق حات جولدادى...

جيىندا ءسوز العان تانىمال ساياساتكەر دوس كوشىم اعامىز: "قازىرگى كۇندە "ۇيعىر اۋازي" گازەتىنىڭ تارالىمى 15 مىڭداي ەكەن."جاس الاشتىكى" دە سول شامادا كورىنەدى. بۇل ۇيات. 300 مىڭداي حالقى بار ۇيعىرلار مەن ارتىندا 13 ميلليون حالقى بار "جاس الاشتىڭ" تارالىمى ، ءتىپتى سالىستىرۋعا كەلمەيدى. بۇل قازاق باسپاسوزىنە مۇلدەم كوڭىل اۋدارىلماي وتىرعانىنىڭ ءبىر دالەلى", - دەيدى. بيلىككە ۇندەۋدىڭ نەشىنشى رەت جولدانىپ وتىرعانى ەستە جوق. ءبىر انىعى ءباسپاسوزى كۇتىم كورمەگەن سوڭ قازاق ءتىلدى قاۋىمنىڭ ءسۇيۋ مەن كۇيۋدى، الداۋ مەن ارباۋدى تاقىرىپ ەتكەن ارزانقول اقپارلاردىڭ تۇتىنۋشىسىنا اينالىپ شىعا كەلگەنى انىق. وعان كەشەگى حيت بولعان "ازىلكەش قايرات ادىلكەرەي سازگەر ۇلىقپان جولداسوۆتىڭ ارتىن شۇقىدى" دەگەن پيارشىل سايتتاردىڭ كۇلكىلى جازبالارى دالەل.

قوقىستان ءدان ىزدەگەن تاۋىقتاي كۇي كەشكەن الەم جەلى بەلسەندىلەرى كۇنى كەشە "بيلاين قازاقستان" ىشىندە كرەملدىڭ جىمىسقى ساياساتىن ناسيحاتتايتىن رەسەيدىڭ 15 تەلەارناسىن قولدانىستان الىپ تاستايتىن بولدى دەپ الاقايلاپ ەدى. قۋانىشتارى ۇزاققا بارمادى. رەسەيدىڭ تسيفرلى دامۋ مينيستىرلىگى: ء"وزارا اڭگىمەدەن سوڭ، ولار ويىنان قايتتى", - دەپ اقپارات تاراتتى. وسى ماسەلەگە بايلانىستى قويعان ازاتتىقتىڭ ساۋالىنا  اقپارات مينيسترلىگىنىڭ وكىلى: "جەكە كومپانيانىڭ جۇمىسىنا ارالاسا المايمىز، وزدەرى شەشەدى", - دەپ دەموكراتيالىق مايدان ۇستانىپتى.

ءوز جەرىمىزدەگى ورىس ارنالارىنىڭ تاعدىرىن كرەملدىڭ مينيسترلىگى ءبىر عانا كەلىسسوزبەن شەشىپتى دە، بىزدىكىلەر قالىس قالىپتى. تاۋەلسىز ەلمىز دەگەنمەن قازاقتىڭ "رۋسكي راديونىڭ" اۋەنىمەن ويانىپ، "رەترودان" كەڭەس زامانىنداعى اندەردى تىڭداپ، تويدان "ياندەكس تاكسي" مەن قايتىپ جۇرگەنىنە، ۇرپاعىنىڭ بال بالالىعى "ماشا مەن مەدۆەدتى" كورۋمەن ءوتىپ جاتقانىنا قاي زامان؟!

رەسەيدىڭ ەلىمىزدە ەركىن ساتىلىپ جاتقان تۇمەنگە جۋىق گازەت-جۋرنالدارىن ايتپاعاندا، 200-گە جۋىق تەلە-راديو ارنالارى تاۋلىك بويى جۇمىس ىستەپ تۇر ەكەن. ەلىمىزدەگى شەتەل ارنالارىنىڭ 70 پايىزىن ۇستايدى ەكەن. پۋتين ۋكرايناعا سوعىس اشقاننان كەيىن باتىس ەلدەرى جالعان اقپارات تاراتقانى ءۇشىن رەسەيلىك ارنالارعا توسقايىل قويعانى، ينتەرنەت الىپتارىنىڭ ورىستىڭ زاڭدى جانە جەكە تۇلعالارىنىڭ اككاۋنتىن بۇعاتتاعانى بەلگىلى. ءبىزدىڭ شەندىلەرگە ول دا ساباق بولماپتى. "بيلاين قازاقستاننىڭ" تالپىنىسىنا كەلسەك اياق استىنان قازاقتىڭ ۇلتتىق مۇدەسى، اقپاراتتىق قاۋىپسىزدىگى ەسىنە تۇسكەندىكتەن ەمەس، باتىس سانكتسياسىنىڭ اسەرىنەن تۋىنداعان الدامشى ارەكەت. ولاردىڭ ارتىندا قازاق پەن ورىس ولگارحتارىنىڭ مۇدەسى تۇرعانى بەلگىلى. مادەني ەكسپانتسيا، اقپاراتتىق شابۋىل گەراسيموۆتىڭ باتىستى شۋلاتقان "ەرەجەسىز سوعىس دوقتوريناسىنىڭ" نەگىزگى ءمازمۇنى ەكەنى دە ءمالىم.

ەسبول ۇسەنۇلى

Abai.kz

9 پىكىر

ۇزدىك ماتەريالدار

قۇيىلسىن كوشىڭ

قانداستار قازاققا، قازاقستانعا نە بەردى؟

رايىس ءارىپجانۇلى 2530
الاشوردا

تۇركىلىك تەك جانە تۇركى-موعول بىرلىگى

ءجادي شاكەنۇلى 1551
قاۋىپ ەتكەننەن ايتامىن

گازدىڭ گەوساياسي «گەموررويى»

ءامىرجان قوسان 1815