جۇما, 29 ناۋرىز 2024
1582 1 پىكىر 4 قازان, 2022 ساعات 12:57

زەلەنسكي: ليماندا رەفەرەندۋمنىڭ ءىزى دە جوق

ۋكراينا پرەزيدەنتى ۆلاديمير زەلەنسكي دونەتسك وبلىسىندا ۋكراين اسكەرىنىڭ ليمان قالاسىن ورىس اسكەرىنەن ازات ەتۋىنە بايلانىستى تۇسىنىكتەمە بەردى. 

ۋكراين كۇشتەرى قالانى باقىلاۋعا العانىن رەسەي پرەزيدەنتى ۆلاديمير پۋتين ۋكراينانىڭ ءتورت وبلىسىن اننەكسيالاپ العانى جونىندە (اراسىندا دونەتسك دە بار) مالىمدەگەننەن كەيىن ءبىر كۇننەن سوڭ جاريالاعان.

"رەسەي دونباستا فارس ۇيىمداستىردى. رەفەرەندۋم دەپ كورسەتكىسى كەلگەن فارس... ال ول جەردە ۋكراين تۋى ءىلىنىپ تۇر... ۋكراينا تۋى دونەتسك وبلىسىنداعى ليماندا جەلبىرەپ تۇر. وندا ءالى اسكەري قيمىلدار جالعاسىپ جاتىر. بىراق پسەۆدورەفەرەندۋمنىڭ ءىزى دە جوق" دەدى 1 قازان كۇنگى ۆيدەومالىمدەمەسىندە ۆلاديمير زەلەنسكي. ول جەكسەنبى كۇنى ليمان "تولىق تازارتىلدى" دەپ مالىمدەدى.

رەسەي قورعانىس مينيسترلىگى سەنبى كۇنى كەشكە رەسەي اسكەرىنىڭ ليماننان كەتكەنىن راستاعان. ەندى مايدان قالانىڭ شىعىس جاعىندا – دونەتسك مەن لۋگانسك وبلىستارىنىڭ اكىمشىلىك شەكاراسى ماڭىندا جالعاسىپ جاتىر. رەسەيلىك اسكەري تىلشىلەردىڭ حابارلاۋىنشا، ۋكراين اسكەرى لۋگانسك وبلىسىندا كرەمەننايا قالاسىنا قاراي شابۋىلداۋعا تىرىسىپ جاتىر.

اقش قورعانىس ءمينيسترى للويد وستين ۋكراين كۇشتەرىنىڭ ليماندى العانىن ۋكراين اسكەرىنىڭ ەداۋىر جەڭىسى دەپ باعالادى.

زەلەنسكي ءوز سوزىندە سونىمەن بىرگە رەسەيدىڭ جوعارى لاۋازىمدى تۇلعالارىنىڭ ء"بىر-ءبىرىن تۇيرەي باستاعانىن" ايتتى. ول شەشەنستان باسشىسى رامزان قادىروۆتىڭ ورىس اسكەرىنىڭ ليماننان ايىرىلۋىنا ورتالىق اسكەري وكرۋگتىڭ جەتەكشىسى الەكساندر ءلاپيندى كىنالاعانىن مەڭزەسە كەرەك. قادىروۆتىڭ مالىمدەمەسى رەسەيلىك تەلەگرام-ارنالاردا قىزۋ پىكىرتالاس تۋعىزدى. بىرقاتار كوممەنتاتورلار ونىڭ ىشىندە، يگور سترەلكوۆ (گيركين) "ارنايى وپەراتسياعا" رەسەي باس شتاب جەتەكشىسى ۆالەري گەراسيموۆ نەمەسە رەسەي قورعانىس ءمينيسترى سەرگەي شويگۋدى كىنالادى.

"ۋكرايناعا ءمانسىز سوعىستى باستاعان ءبىر ادام ماسەلەسىن شەشپەيىنشە ارقايسىڭىزدى وسىلايشا جەكە-جەكە سوعىپ، بار كىنانى مويىندارىڭىزعا ىلە بەرەدى" دەدى رەسەي ەليتاسىنىڭ وكىلدەرىنە قايىرىلعان زەلەنسكي.

بۇعان دەيىن ول كيەۆ ۆلاديمير پۋتينمەن كەلىسسوز جۇرگىزبەيتىنىن، رەسەي بيلىگىنە باسقا پرەزيدەنت كەلگەندە عانا كەلىسسوز جۇرگىزۋگە دايىن ەكەنىن مالىمدەگەن.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2269
عيبىرات

قايسار رۋحتى عازيز جان

مۇحتار قۇل-مۇحاممەد 3580