سارسەنبى, 30 قاراشا 2022
الاساپىران 1702 0 پىكىر 3 قازان, 2022 ساعات 12:37

باتىستىق باسىلىم: پۋتين كەتىپ، كيريەنكو كەلەدى

رەسەي 30 قىركۇيەك كۇنى الاۋلاتىپ-جالاۋلاتىپ ۋكراينانىڭ ءتورت وبلىسىن وزىنە قوسقانىن مالىمدەدى. حالىقارالىق قۇقىق پەن تالاپقا ساي دەدى ماسكەۋ. بۇۇ-نىڭ جارعىسىنداعى حالىقتاردىڭ وزىندىك تاڭداۋى ءپرينتسيپى ىسكە استى دەدى. الايدا بۇل جالعان رەفەرەندۋمداردى نە بۇۇ، نە باتىس، ءتىپتى رەسەيدىڭ ءوز وداقتاستارى دا مويىنداعان جوق.

پۋتين “بۇل ايماقتى رەسەي اسكەرى قورعايدى، ۋكراينانىڭ بۇل ايماققا سوققىسى رەسەي تەرريتورياسىنا سوققى بولىپ ەسەپتەلەدى” دەپ مالىمدەدى. بۇل سوزدەردەن كەيىن “ۋكراينا اسكەرى قالاي ارەكەت ەتەدى” دەگەن سۇراق تۋدى. كوپشىلىك “ۋكراينا اسكەرى يادرولىق سوققىدان ساقتانىپ، قورعانىسقا كوشۋى ىقتيمال” دەپ تە بولجادى. الايدا جالعان رەفەرەندۋم مەن ونىڭ وتىرىك ناتيجەسىنە ۋكراينا جاساقتارى ليماندى ازات ەتىپ، رەسەي اسكەرىن شىعىنعا ۇشىراتۋ ارقىلى ناقتى جاۋاپ قاتتى.

ليماندى ۋكراينا اسكەرىنىڭ ازات ەتۋى رەسەي اسكەرىنىڭ رۋحىنىڭ تۇسۋىنە جانە ەليتا اراسىنداعى تايتالاسقا اكەلدى. قادىروۆ پەن پريگوجين قورعانىس مينيسترلىگىن قاتاڭ سىنعا الدى. وسى ارقىلى رەسەيدىڭ جوعارعى ەليتاسىندا ءوزارا قاراما-قايشىلىقتار ارتىپ كەلە جاتقانى كورىندى.

ساراپشىلار “پۋتين بۇل سوعىستى يادرولىق قارۋدى قولدانباي جەڭە المايدى” دەگەن پىكىردە. الايدا يادرولىق قارۋدى قولدانۋدىڭ ءوز تاۋەكەلدەرى بار. رەسەيدى قاتاڭ وقشاۋلاۋ، اۋىر سانكتسيالاردىڭ استىنا الۋمەن بىرگە ناتو ەلدەرىنىڭ تاراپىنان قارسى يادرولىق سوققى بولۋى مۇمكىن. بۇل قادامعا ءپۋتيننىڭ بارۋى، رەسەيدى قالجىراتىپ، قۇلدىراۋعا اكەلەتىن قادام بولماق.

وسى رەتتە باتىستىق باسىلىمدار پۋتين تاقتان تايسا ونىڭ ورنىنا كىم وتىرۋى مۇمكىن دەگەن سۇراق اياسىندا باس قاتىرۋدا. France 24 باسىلىمى بۇل سۇراق اياسىندا ۇلكەن زەرتتەۋ جاساپ، ءپۋتيننىڭ ورنىنا كەلەسى باسشى رەتىندە سەرگەي كيريەنكو دايىندالىپ جاتىر دەگەن ماقالانى جاريالادى. بۇگىندە رەسەي پرەزيدەنتى اكىمشىلىگىنىڭ ءبىرىنشى توراعاسى قىزمەتىن اتقاراتىن كيريەنكوعا رەسەيدىڭ ءيميدجىن قالپىنا كەلتىرۋ مەن ەكونوميكاسىن كوتەرۋ مىندەتتەرى تۇر دەيدى باسىلىم. ماقالادا 1998 جىلعى رەسەيدەگى ەكونوميكالىق داعدارىس كەزىندە كيريەنكونىڭ ناتيجەسىز جۇمىسى دا اتالىپ ءوتىپتى.

باتىستىق باسىلىمدار “پۋتيننەن كەيىن كىم كەلسە دە، ول باتىسپەن كەلىسىمگە كەلۋى ءتيىس، سەبەبى پۋتين سياقتى پوزيتسياداعى تاعى ءبىر باسشى رەسەي ەكونوميكاسىن ناقتى ءولتىرىپ تىنادى” دەگەن ويدا. وسىلايشا ۋكرايناداعى رەسەي اسكەرىنىڭ ساتسىزدىكتەرىنەن كەيىن باتىس مەدياسى ء“پۋتيننىڭ ورنىنا كىم كەلۋى مۇمكىن” دەگەن سۇراقتى قاۋزاي باستادى.

Abai.kz

0 پىكىر

ۇزدىك ماتەريالدار

انە، كوردىڭ بە؟

ورىس ءپاتريوتيزمى جانە ياحتا

ەسبول ۇسەنۇلى 1538
قازاقتىڭ ءتىلى

قازاقتىڭ ءتىلى ولمەسىن دەسەك...

كامشات تاسبولاتوۆا 1634
سوعىستا جۇرگەن سۇلۋلار

مايدانداعى ۋكراينا ارۋلارى: مارگاريتا ريۆچاچەنكو

ايجان تەمىرحان 1812