قارجىلىق مونيتورينگ اگەنتتىگى قايرات بورانباەۆ پەن ونىڭ اگەنتى رومان ناحانوۆقا قاتىستى تەرگەۋ ءىسىنىڭ اياقتالعانىن حابارلادى، دەپ جازادى "ادىرنا" ۇلتتىق پورتالى.

سونىمەن قاتار، تەرگەۋ «قازمۇنايگاز» ۇك» اق باسقارۋشى ديرەكتورى يبۋللا سەردى مەن «QazaqGaz» ۇك» اق باسقارما توراعاسىنىڭ ورىنباسارى جانۇزاق تايىرعا دا جۇرگىزىلگەن. ولار اسا ءىرى كولەمدە مەملەكەت قارجىسىن جىمقىرىپ، قىلمىستىق ىستەرگە قاتىستى دەگەن كۇدىككە ءىلىندى.

تەرگەۋدە انىقتالعانداي، كۇدىكتىلەر ۇرلانعان 14,5 ملرد تەڭگە كولەمىندەگى قاراجاتتى زاڭدى تۇردە كاسىپكەرلىك قىزمەتتەن ديۆيدەند ءبولۋ جانە تولەۋ جەلەۋىمەن زاڭداستىرعان. وسىلايشا، زاڭسىز وپەراتسيالاردى جاسىرماق بولعان.

اتالعان شىعىن تەرگەۋ بارىسىندا تولىق وتەلدى. سونىمەن قاتار، 38 ميلليارد تەڭگە كولەمىندەگى قولما-قول اقشا مەن قۇنى 4,2 ميلليارد تەڭگەگە تاتيتىن جىلجىمايتىن مۇلىك تاركىلەندى.

وسى ءبولىم بويىنشا تەرگەۋ اياقتالىپ، ماتەريالدار پروتسەسكە قاتىسۋشىلارعا تانىستىرۋ ءۇشىن بەرىلدى.

قازىر اۆستريا، لاتۆيا، ليۋكسەمبۋرگ، مولدوۆا، تاجىكستان، بىرىككەن اراب امىرلىكتەرى جانە ەستونيادادا بورانباەۆتىڭ كۇماندى ارەكەتتەرىنە قاتىستى تەرگەۋ ءىسى جالعاسۋدا.

شەتەلدىك ارىپتەستەردەن ماتەريالدار كەلىپ تۇسكەننەن كەيىن بورانباەۆ ىسىنە ءتيىستى قۇقىقتىق باعا بەرىلمەك.

ايتا كەتۋ كەرەك، 2010 جىلدان بەرى قايرات بورانباەۆقا قاراستى كومپانيالار ۇلتتىق مۇددەگە قايشى كەلەتىن پايدانى شەتەلدىك شوتتاردا شوعىرلاندىرا وتىرىپ، قازاقستاندا وندىرىلگەن گازدىڭ ەداۋىر بولىگىن ەكسپورتاعانى انىقتالدى.

Abai.kz