جۇما, 29 ناۋرىز 2024
سايلاۋ 3470 42 پىكىر 1 قازان, 2022 ساعات 13:47

«اۋىلدان» جيگۋلي، جسدپ-دان نۇرلان...

كەشەلى-بەرى توقاەۆقا ىقتيمال باسەكەلەستەر انىقتالىپ جاتىر. ەلدەگى بەس پارتيانىڭ ءبىرى - «اۋىل» پارتياسى 30-قىركۇيەك كۇنى استانادا وتكەن كەزەكتەن تىس سەزىندە ءبىر اۋىزدان جيگۋلي دايراباەۆتى پرەزيدەنت سايلاۋىنا كانديدات رەتىندە ۇسىندى.

جيگۋلي دايراباەۆ بيىل 67 جاستا. جامبىل وبلىسىنىڭ تۋماسى. «قازاقستان فەرمەرلەر وداعى» قاۋىمداستىعىنىڭ پرەزيدەنتى. 2022 جىلدىڭ ماۋسىم ايىندا «اتامەكەن» ۇلتتىق كاسىپكەرلەر پالاتاسى اۋىل شارۋاشىلىعى كەشەنى كوميتەتىنىڭ توراعاسى بولىپ سايلانعان.

كەزىندە «نۇر وتاننىڭ» مۇشەسى بولعان.

«ادال» پارتياسىنىڭ اتىنان ءماجىلىس سايلاۋىنا تۇسكەن.

جەر داۋىنا بايلىنىستى قۇرىلعان ۇكىمەتتىڭ ەكس-مۇشەسى ەرالى توعجانوۆ باسقارعان «جەر كوميسسياسىنىڭ» قۇرامىندا بولعان. قازىر اتى-زاتىنا ساي «اۋىلدىق».

2019-جىلعى پرەزيدەنت سايلاۋىنا «اۋىل» پارتياسىنان تولەۋتاي راقىمبەكوۆ قاتىسىپ 3.04% داۋىس جيناعان ەدى.

بۇگىن 1-قازان كۇنى جالپىۇلتتىق سوتسيال-دەموكراتيلىق پارتياسى دا اتانادا سەزىن وتكىزىپ، نۇرلان اۋەسباەۆتى پرەزيدەنتتىككە ۇمىتكەر دەپ تاپتى.

پارتيا اتىنان سايلاۋعا تۇسۋگە ەلگە تانىمال جاسارال قۋانىشالين، ءۋاليحان قايسار، ورازالى سابدەن، زاڭگەر مۇستاحيم تولەەۆ تە ءوتىنىش بىلدىرگەن. بىراق، جينالىسقا قاتىسقان 49 دەلەگاتتىڭ بىردە-بىرەۋى ولاردىڭ كانديداتۋراسىن قولداماعان. 48-ءى پارتيانىڭ استانا فيلالىنىڭ جەتەكشىسى نۇرلان اۋەسباەۆتى توقاەۆقا باسەكەلەس بولا الادى دەپ تاپقان.

نۇرلان اۋەسباەۆ 65 جاستا. تۇركىستان وبلىسىنىڭ تۋماسى. مۇحتار اۋەزوۆ اتىنداعى وڭتۇستىك قازاقستان ۋنيۆەرسيتەتىن بىتىرگەن. ساياسي امبيتسياسى وزىنە عانا ايان. جسدپ-لار 2019 جىلعى پرەزيدەنت سايلاۋىنا بايكوت جاريالاعان ەدى.

پرەزيدەنت سايلاۋىنا كانديدات ۇسىنۋعا تاعى 10 كۇن بار. پارلامەتتە ورنى بار «اق جول» جۋىردا سەزد وتكىزبەك. ال «قازاقستاننىڭ حالىق پارتياسى» كۇن ىلگەرى توقاەۆتى قولدايتىنىن بىلدىرگەن ەدى. جاڭا تىركەلگەن «حالىق دەربەستىگى»، «نامىس»، «بايتاق» جاسىلدار پارتياسى ۇمىتكەر ۇسىنىپ ۇلگەرە مە، ول جاعى بەلگىسىز.

ەسبول ۇسەنۇلى

Abai.kz

42 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3606