بەيسەنبى, 28 ناۋرىز 2024
2120 10 پىكىر 30 قىركۇيەك, 2022 ساعات 13:33

پۋتين: حەرسون مەن زاپوروجە ەندى "تاۋەلسىز"

رەسەي پرەزيدەنتى ۆلاديمير پۋتين ۋكراينانىڭ حەرسون جانە زاپوروجە وبلىستارىنىڭ "تاۋەلسىزدىگى مەن ەگەمەندىگىن مويىنداۋ" تۋرالى جارلىققا قول قويدى.

بۇل ايماقتاردىڭ باسىم بولىگىن رەسەي اسكەرى باسىپ العان. جۇما كۇنى پۋتين ۋكراينانىڭ اتالعان ايماقتارىن رەسەيگە قوسۋ تۋرالى قۇجاتتارعا قول قويادى دەپ ايتىلادى. ولاردى رەسەيگە قوسۋ ءۇشىن رەسەي زاڭى بويىنشا اۋەلى ولاردى تاۋەلسىز مەملەكەت رەتىندە تانۋ قاجەت. 2014 جىلى قىرىم دا ءدال وسىلاي راسىمدەلگەن.

ۋكراينا، باتىس جانە الەمنىڭ كوپتەگەن ەلدەرى اننەكسيانى مويىندامايتىنىن جانە حەرسون مەن زاپوروجە، دونەتسك مەن لۋگانسك وبلىستارىن بۇرىنعىشا ۋكراينا اۋماعى رەتىندە سانايتىنىن مالىمدەدى.

جارلىقتا پۋتين "حالىقارالىق قۇقىق پرينتسيپتەرى" ۇعىمىنا جانە 23-27 قىركۇيەكتە ۋكراينانىڭ جاۋلاپ العان اۋماعىندا وتكىزگەن پسەۆدورەفەرەندۋم ناتيجەسىنە سۇيەنەدى.

2022 جىلى اقپاندا ۋكرايناعا باسىپ كىرگەننەن كەيىن حەرسون جانە زاپوروجە وبلىستارىنىڭ باسىم بولىگى رەسەي اسكەرىنىڭ باقىلاۋىنا وتكەن. الەم ەلدەرى رەسەي باسقىنشىلىعىن ايىپتاپ، ماسكەۋگە سانكتسيا سالدى.

30 قىركۇيەكتە كرەملدە پۋتين دەپۋتاتتار مەن فەدەراتسيا كەڭەسى مۇشەلەرى الدىندا سويلەيدى. بۇدان سوڭ ۋكراينانىڭ ءتورت وبلىسى - حەرسون، زاپوروجە، لۋگانسك جانە دونەتسك وبلىستارىن رەسەيگە قوسۋ تۋرالى كەلىسىمگە قول قويۋ ءراسىمى ءوتۋى ءتيىس. "لحر" مەن "دحر"-دىڭ "تاۋەلسىزدىگىن" پۋتين بۇعان دەيىن تانىعان.

رەسمي تۇردە اننەكسيا پروتسەسى كەلەسى اپتادا اياقتالادى دەپ ايتىلادى. ۋكراينا اتالعان اۋماقتاردى ازات ەتۋ ءۇشىن كۇرەسەتىنىن مالىمدەدى.

Abai.kz

10 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3528