بەيسەنبى, 30 مامىر 2024
الاساپىران 3244 3 پىكىر 30 قىركۇيەك, 2022 ساعات 12:56

ليمان: رەسەي اسكەرى تولىق قورشاۋدا قالدى

رەسەي بيلىگى بۇگىن ۋكراينانىڭ ءتورت وبلىسىنداعى جالعان رەفەرەندۋمداردى مويىنداۋ بويىنشا جيىن وتكىزبەك. جيىندا پۋتين كولەمدى مالىمدەمە جاسايدى دەگەن اقپارات بار. كرەمل بيلىگى تۇندە حەرسون جانە زاپوروجە وبلىستارىن دەربەس، تاۋەلسىز ايماق دەپ تانيتىن قۇجاتتى جاريالادى. ول قۇجاتتى الەمدە ەسى دۇرىس ەل مويىنداماسى انىق. مويىندايتىنداردىڭ قاتارىنا سولتۇستىك كورەيا مەن سيريا بولۋى ىقتيمال. 

رەسەي بيلىگى جالعان رەفەرەندۋمدار وتكەن ايماقتى ءوز تەرريتوريامىز دەپ تانىپ، ارتىنشا بۇل ايماقتاردىڭ اكىمشىلىك اۋماعىن تولىق قالپىنا كەلتىرۋ ءۇشىن وپەراتسيانى جالعاستىرامىز دەيدى. سوعىستى سوعىس دەپ اتامايتىن پۋتين بيلىگى، بۇل جولى "ارنايى وپەراتسيا" دەگەن ءسوزدى "انتيتەررور" دەپ وزگەرتىپ، ء"وز ايماعىمىزدا لاڭكەستەرگە قارسى سوعىسىپ جاتىرمىز" دەپ مالىمدەمە جاساماق.

پۋتين بيلىگى جالعان رەفەرەندۋم ارقىلى ءوز حالقىن الداۋسىراتىپ جاتقاندا، ۋكراينا اسكەرى لۋگانسك جانە دونەتسك باعىتىندا سەنىمدى تۇردە العا جىلجۋدا. ناقتىلاپ ايتقاندا ليمان باعىتىندا رەسەيدىڭ 20-شى ارمياسى قورشاۋدا قالدى. تولىق قورشاۋدا 20-ارميامەن بىرگە ارنايى جاساق وكىلدەرى جانە ۆاگنەرلىك جەندەتتەر دە قالعان. ماسكەۋ قورشاۋدا قالعان اسكەردى قۇتقارۋ امالىن جاساۋدا سالعىرتتىق تانىتۋدا. كەرىسىنشە ليمان باعىتىنداعى كەي اسكەري بولىمشەسىن كەرى شەگىندىرۋدە. ساراپشىلار ليمانداعى رەسەي اسكەرى 3-5 كۇننىڭ ىشىندە نە تولىق جويىلادى، نە تولىق بەرىلەدى دەگەن ويدا.

دونەتسك وبلىسىنىڭ سولتۇستىك باعىتىنان شابۋىلداپ جاتقان ۋكراينا اسكەرى رەسەي اسكەرىن تولىق قورشاۋعا الۋ ءۇشىن، ەندى ارنايى جاساق ارقىلى ليمان قالاسىن قىسپاققا الىپ، وڭتۇستىك باعىتتان دا شابۋىلدى كۇشەيتتى. وسىلايشا 3 مىڭنان استام اسكەرى بار رەسەيدىڭ جاساعى بۇل باعىتتا قورشاۋدا قالىپ وتىر. شەگىنەتىن جولدىڭ بارلىعىن ۋكراينا ارتيللەرياسى سوققى استىنا الۋدا، ال وتكەلدەر مەن كىشىگىرىم جولدار ۋكراينا دروندارىنىڭ باقىلاۋىندا.

ۋكراينا اسكەرى ليمان قالاسىنا تىكەلەي شابۋىل جاسامايى، قالانى قورشاۋعا الىپ، ارتيللەريالىق ءدال سوققىمەن جاۋ اسكەرىن جويۋدى ويلاستىرۋدا. بۇل شابۋىلداۋشى تاراپتىڭ اسكەري شىعىنىن ازايتادى.

رەسەي ليماندا قورشاۋدا قالعان اسكەرىن قۇتقارۋعا تىرىسپايتىن سياقتى. بىراق بالتىق ەلدەرى مەن فينليانديا شەكاراسىندا تۇرعان اسكەرىنىڭ جارتىسىن الىپ، ۋكراينانىڭ لۋگانسك جانە دونەتسك وبلىسىنا جىبەرگەنى بەلگىلى بولدى. رەسەي موبيليزاتسيادان كەيىن 20 مىڭ اسكەردى بەلارۋس جەرىنە توپتاستىرۋعا دايىندالۋدا. وسىلايشا ۋكرايناعا سولتۇستىك باعىتتان شابۋىل جاساۋ قاۋپى دە ارتاتىن سياقتى.

ال قازىرگى قالىپتاسقان جاعدايدا رەسەيدىڭ ليمان قالاسىنداعى اسكەرى تولىق قورشاۋدا قالىپ وتىر. رەسەي اسكەرى ليماندا تولىق قىرىلاتىن نە تۇتقىنعا تۇسەتىن بولسا، وندا بۇل رەسەيلىك ساربازداردىڭ رۋحىنا ۇلكەن سوققى بولماق.

اسحات قاسەنعالي

Abai.kz

3 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2432
ادەبيەت

«سولاي ەمەس پە؟»

عابباس قابىشۇلى 2751
قوعام

دوس كوپ پە، دۇشپان كوپ پە؟

ءابدىراشيت باكىرۇلى 3224
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1830