جۇما, 29 ناۋرىز 2024
بۇ نە مازاق؟ 3028 4 پىكىر 27 قىركۇيەك, 2022 ساعات 14:50

«قوستانايدىڭ پارتيزاندارى» پايدا بولدى

رەسەيدىڭ ۋكرايناعا باسقىنشىلىق سوعىسىنىڭ قانشاعا سوزىلارىن كىم ءبىلسىن، الايدا ءوز ەلىنەن قاشقان بوسقىنداردىڭ قازاقستانعا ەسەپسىز اعىلۋىنىڭ زارداپتارى وراسان بولارى ءسوزسىز.

ونىڭ العاشقى بەلگىلەرى ەلىمىزدىڭ سولتۇستىك وڭىرىندە قازىردىڭ وزىندە-اق، انىق بايقالۋدا. كۇنى كەشە عانا قوستاناي قالاسىنىڭ تەمىر جول بەكەتىنىڭ جانىندا «Z» بەلگىسى سالىنعان ماشينا تابىلدى. مۇنى بەينە كادرعا تۇسىرگەن بەلگىلى بلوگەر اسقار شايعۇماروۆتىڭ ايتۋىنا قاراعاندا، بارشا الەم فاشيستىك بەلگى دەپ تانىعان ءارىپ بەينەلەنگەن تەمىر تۇلپار وسى جەردە «ماعان نە ىستەي الاسىڭدار؟» دەگەندەي ءبىر تاۋلىكتەن استام تۇرىپتى. وسىنى كورگەن بىرەۋلەر پوليتسيا شاقىرىپتى. ءبىر عاجابى، مەن وسى بەينەفيلمدى بىرەر مينۋت قانا كورگەننەن كەيىن، ول الەۋمەتتىك جەلىدەن جويىلىپ كەتتى. شايعۇماروۆتىڭ ءوز ارناسىنان ىزدەپ تە تابا المادىم. ونىڭ كىمگە زيانى تيگەندىگى مۇلدەم بەلگىسىز. مۇمكىن، ءبىزدىڭ بيلىك تاراپىنان دا بولعان تىيىم شىعار؟ ايتەۋىر، ونى كىم بۇعاتتاعانى بەگىسىز. مۇنداي جايتتى جاسىرماي، قايتا ارانداتۋشىلىقتىڭ قانداي دا كورىنىسىن قالىڭ جۇرتشىلىققا جەدەل حابارلاپ، كەلەشەكتە مۇندايلاردىڭ الدىن الۋعا ۇمتىلعان ءجون ەمەس پە؟

بۇل جەردە مەن مۇنى وسىندا قاشىپ كەلگەن ورىستاردىڭ ءىسى دەۋدەن گورى وسىنداعى جەرگىلىكتى شوۆينيست ورىستاردىڭ جىمىسقى ارەكەتى مە دەپ قالامىن. ولار وسىلايشا قاساقانا ارانداتۋشىلىق جاساپ، كەيىن ۆولوديا كوكەسىن شاقىرۋى ابدەن مۇمكىن.

ال اكىمىمىز ارحيمەدتىڭ شاشباۋىن كوتەرۋدەن قولى تيمەيتىن جەرگىلىكتى ءباسپاسوز بۇل ماسەلەگە كەلگەندە مۇلدەم اۋىز اشپاي وتىر. وسىلايشا «قوستاناي پارتيزاندارىنىڭ» «ەرلىك ىستەرى» جۇرتقا جاريالانباي، قۇپيا كۇيىندە قالىپ وتىر. ونىڭ كىمگە پايدالى ەكەندىگى ايتپاسا دا تۇسىنىكتى.

بۇل جاي بارىمىزگە دە ساباق بولعانى ابزال. ارينە، رەسەيدەن بىزگە شۇبىرعانداردىڭ بارلىعىنا دا قاۋىپتەنە قاراۋ تىم ارتىق بولار. الايدا ولاردىڭ بارلىعى بىردەي سوعىسقا قارسى نەمەسە ءپۋتيننىڭ شاپقىنشىلىق ساياساتىن قولدامايدى دەگەندى مۇلدەم بىلدىرمەيدى. بۇلاردىڭ دەنى قاراقان باسىنىڭ قامىن ويلاپ، قايتسەم سوعىستان امان قالىپ، جان ساقتايمىن دەگەن پەندەلىك تىرلىكتى تاڭداعاندار. سونىمەن قاتار، بۇلاردىڭ ىشىندە ارانداتۋشىلىق ەلەمەنتتەردىڭ دە بولاتىندىعىن جوققا شىعارۋعا بولماس.  ونىڭ دالەلى -وسى جاقىندا عانا قوستاناي وبلىسىنىڭ شەكاراسىندا تازا سوعىستا قولداناتىن ۇلكەن اسكەري پىشاق پەن ارنايى بالتامىن مۇزداي قارۋلانعان ءۇش بىردەي كۇدىكتىنىڭ ۇستالۋى.

ەكىنشىدەن، بۇل شۇبىرعانداردى قۇشاق جايا قارسى الىپ، قازاقى داستۇرمەن قوناقجايلىعىمىزدى كورسەتەمىن دەگەن داراقىلىقتان دا اۋلاق بولعان ءجون. ولار مۇنىڭدى قۇلدىق ۇرۋ دەپ ءتۇسىرىنىپ، كۇنى ەرتەڭ كۇلىپ كەتۋى دە بەك مۇمكىن. ماسەلەن، الىمجەلىدە كورسەتىپ جاتقان ءوزىمىزدىڭ ورال قالاسىنداعى بۇل بوسقىنداردى ەرەكشە قوناق رەتىندە اسپەتتەن قارسى الۋ - وسىنداي تازا داراقىلىق دەمەسكە لاج جوق. مۇمكىن، قاتتى قينالىپ تۇرعاندارعا كومەك قولىن سوزعاننىڭ سوكەتتىگى جوق بولار. الايدا، ءار نارسەنىڭ دە وزىندىك ورنى مەن رەتى بار. اسىرا سىلتەۋ ەشكىمگە دە ابىروي اپەرمەيدى.

جايبەرگەن بولاتوۆ

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1583
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2283
عيبىرات

قايسار رۋحتى عازيز جان

مۇحتار قۇل-مۇحاممەد 3621