سارسەنبى, 30 قاراشا 2022
ەندى قايتتىك؟.. 3022 114 پىكىر 23 قىركۇيەك, 2022 ساعات 11:07

1,6 ملن رەسەيلىك: "قوش بول، رەسەي، كىرلەگەن!"

2022 جىلدىڭ باسىنان بەرى قازاقستانعا 1,6 ميلليوننان استام رەسەي ازاماتى كەلگەن. بۇل تۋرالى قر ىشكى ىستەر مينيسترلىگىنىڭ رەسمي سايتىندا جازىلدى.

"بيىل قازاقستانعا 4,3 ملن-عا جۋىق شەتەل ازاماتى كەلدى، 4,1 ملن-ى كەتتى، ونىڭ ىشىندە رەسەي فەدەراتسياسىنىڭ 1,66 ملن ازاماتتارى كىردى، 1,64 ملن-ى كەتتى. ولاردىڭ ارقايسىسىنىڭ ۋاقىتشا قازاقستاندا بولۋ مەرزىمى، پاسپورت دەرەكتەرى، كەلگەن كۇندەرى تۋرالى تولىق اقپارات بار. كوشى - قون پروتسەستەرىنە مونيتورينگ جۇرگىزىلۋدە", - دەدى ءىىم كوشى-قون قىزمەتى كوميتەتى توراعاسىنىڭ مىندەتىن اتقارۋشى اسلان اتالىقوۆ.

ونىڭ ايتۋىنشا، ىشكى ىستەر ورگاندارى يمميگرانتتاردىڭ ەلدە ءجۇرۋ ۋاقىتىن ەرەجەگە ساي قاداعالاپ وتىر. ەگەر شەتەلدىك ازاماتتىڭ ەلدە بولۋ ۋاقىتى اياقتالسا، وعان قاتىستى زاڭنامادا قاراستىرىلعان شارالار ورىندالادى.

"باقىلاۋ بارىسىندا 45,7 مىڭ كوشى-قون زاڭناماسىن بۇزعان شەتەلدىك اكىمشىلىك جاۋاپكەرشىلىككە تارتىلدى، ونىڭ ىشىندە 4,2 مىڭى قازاقستاننان تىس جەرلەرگە ءماجبۇرلى تۇردە شىعارىلدى. سونىمەن بىرگە، 3,2 مىڭ رەسەيلىك كوشى-قون زاڭناماسىن بۇزعانى ءۇشىن جاۋاپكەرشىلىككە تارتىلدى، بۇل رەسەي فەدەراتسياسىنىڭ ازاماتتارى سانىنىڭ تەك 0,2% -ىن قۇرايدى. بۇل ولارعا قازاقستاندا جۇرگەندە كوشى-قون زاڭىن ساقتاۋعا جاۋاپكەرشىلىك جۇكتەيدى. ولاي بولماعان جاعدايدا، قازاقستاننان ماجبۇرلەپ شىعارىپ جىبەرۋ جانە ءبىزدىڭ ەلگە بەس جىلعا دەيىن قايتا كىرۋگە تىيىم سالۋ تۇرىندەگى قوسىمشا سانكتسيالىق شارا قولدانىلادى", - دەپ ناقتىلادى اسلان اتالىقوۆ.

ول «ىشكى ىستەر ورگاندارى كەلىپ جاتقان شەتەلدىكتەردىڭ ەلدە ۋاقىتشا تۇرۋ ەرەجەلەرىن قاتاڭ ساقتاۋىن قامتاماسىز ەتۋدە» دەپ مالىمدەدى.

"زاڭدا كوزدەلگەن جاعدايلار بويىنشا ەڭبەك شارتىمەن جۇمىس ىستەۋگە، وقۋعا، ەمدەلۋگە ۋاقىتشا كەلگەن شەتەلدىكتەردىڭ كوشى-قون قىزمەتىندە تۇرعىلىقتى مەكەنجايى، تۇرعىن ءۇي يەسى جانە وندا تۇراتىن شەتەلدىكتەر تۋرالى تولىق اقپارات بولادى، بۇل كوشى-قون باقىلاۋىن قامتاماسىز ەتۋگە مۇمكىندىك بەرەدى", - دەپ تولىقتىردى اتالىقوۆ.

ونىڭ ايتۋىنشا،"شەكارادان زاڭسىز وتۋگە، تىركەۋگە قۇجاتتاردى بەرۋ رەگلامەنتىن بۇزۋعا بايلانىستى كەز كەلگەن جاعداي قر زاڭناماسىنا سايكەس توقتاتىلادى".

"قازاقستان رەسپۋبليكاسى ءىىم كوشى-قون قىزمەتى شتاتتىق رەجيمدە جۇمىس ىستەيدى. شەتەلدىكتەردىڭ ۋاكىلەتتى مەملەكەتتىك جانە قۇقىق قورعاۋ ورگاندارىنىڭ زاڭناماسىن ساقتاۋىنا باقىلاۋ جۇرگىزىلۋدە", - دەدى ول.

قازىر قازاقستانعا رەسەي ازاماتتارىنىڭ كوپتەپ كەلۋىنە بايلانىستى ەل ىشىندە الاڭداۋشىلىق كۇشەيگەن.

"قازاقستاندا كوشىپ كەلۋشىلەر ءۇشىن قازاقستان رەسپۋبليكاسىنا كەلۋىنىڭ جانە وسىندا تۇرۋىنىڭ، سونداي-اق ولاردىڭ قازاقستان رەسپۋبليكاسىنان كەتۋىنىڭ قاعيدالارى مەن كوشى-قون باقىلاۋىن جۇرگىزۋ قاعيدالارى نەگىزىندە جۇزەگە اسىرىلاتىن كوشى-قون باقىلاۋىنىڭ ءتيىمدى جۇيەسى جۇمىس ىستەيدى. زاڭناما شەتەلدىكتەردىڭ قازاقستاندا بولۋ ءتارتىبىن تولىق رەتتەيدى. بىردە-ءبىر شەتەلدىك ازاماتتىڭ كوشى-قون زاڭناماسى تالاپتارىن ەلەمەي، ءبىزدىڭ مەملەكەتىمىزدە رۇقسات ەتىلگەن مەرزىمنەن ارتىق تۇرۋىنا قۇقىعى جوق. ەۋرازيالىق ەكونوميكالىق وداققا قاتىسۋشى مەملەكەتتەردىڭ ازاماتتارى ءۇشىن كوشىپ كەلۋشىلەردىڭ قازاقستان رەسپۋبليكاسىندا تۇرۋىنىڭ رۇقسات ەتىلگەن مەرزىمى جالپى ەرەجە بويىنشا قر مەملەكەتتىك شەكاراسىن كەسىپ وتكەن كۇننەن باستاپ كۇنتىزبەلىك 90 كۇن وتكەن سوڭ اياقتالادى. كوشىپ كەلۋشىلەردى ەسەپكە الۋدى ىشكى ىستەر ورگاندارى قابىلداۋشى تۇلعالاردىڭ اقپاراتى، سونداي - اق قازاقستان رەسپۋبليكاسىنىڭ مەملەكەتتىك شەكاراسى ارقىلى وتكىزۋ پۋنكتتەرىنەن شەتەلدىكتەردىڭ كىرۋى مەن شىعۋىن ەسەپكە الۋدىڭ بىرىڭعاي دەرەكقورىنا ۋاقتىلى كەلىپ تۇسەتىن ۇقك دەرەكتەرى نەگىزىندە جۇزەگە اسىرادى", - دەيدى اتالىقوۆ.

ايتا كەتەيىك، رەسەي 21 قىركۇيەكتە جارتىلاي موبيليزاتسيا جاريالاعاننان كەيىن قازاقستانعا كەلۋشى رەسەيلىكتەردىڭ سانى كۇرت ءوستى. 23 قىركۇيەكتە ۇقك شەكارا قىزمەتى شەكاراداعى جاعدايدى ەرەكشە باقىلاۋعا العانىن حابارلادى.

Abai.kz

114 پىكىر

ۇزدىك ماتەريالدار

انە، كوردىڭ بە؟

ورىس ءپاتريوتيزمى جانە ياحتا

ەسبول ۇسەنۇلى 1529
قازاقتىڭ ءتىلى

قازاقتىڭ ءتىلى ولمەسىن دەسەك...

كامشات تاسبولاتوۆا 1621
سوعىستا جۇرگەن سۇلۋلار

مايدانداعى ۋكراينا ارۋلارى: مارگاريتا ريۆچاچەنكو

ايجان تەمىرحان 1783