گەننادي گولوۆكين مەن ساۋل الۆارەس اراسىنداعى ءۇشىنشى جەكپە-جەك مەكسيكالىقتىڭ جەڭىسىمەن اياقتالدى. ساراپشىلار گەنانىڭ جەڭىلىسىنىڭ ءتۇرلى سەبەبىن ايتۋدا. گولوۆكيننىڭ جەڭىلىس تابۋى باسقا سالماققا اۋىسۋىنان جانە جاسىنىڭ ۇلكەندىگىنەن بولدى دەيدى كوپشىلىك. الۆارەستىڭ جاسى 32-دە، ال گەنا 40 جاستا.

ساراپشى دەنيس دوروفەەۆ بىلاي دەيدى: "بۇل ءبىز كورگەن گەنانىڭ ەڭ ناشار ۇلگىسى بولدى. ءبىز ودان جانىپ تۇرعان وت كورە المادىق، ول پانچەر رەتىندە ءوزىن بۇل جولى كورسەتە المادى. گەنانىڭ جاعدايىندا 40 جاس دەگەن بۇل ۇكىم. ودان قازىر ەشكىم قورىقپايدى. ءتىپتى گەنادان قاشىپ جۇرەتىن كريس يۋبەنكتىڭ ءوزى ونى جەكپە-جەككە شاقىرىپ وتىر. 

گولوۆكيننىڭ مانساپتىق جولى راسىمەن كەرەمەت. 42 جەڭىس، ەكى جەڭىلىس، ءبىر تەڭ ناتيجە. بۇل وتە جاقسى ناتيجە. ول بۇل ستاتيستيكانى يۋبەنك پەن چارلو سىندىلاردىڭ  كەسىرىنەن بۇزىپ العانىن قالاماس ەدىم. ۇلى مەنني پاكياو ءوز ۋاقىتىندا توقتاي بىلمەدى، سوندىقتان ورتا دەڭگەيلى سپورتشىلاردان ۇتىلىپ قالدى. سەگىز مارتە ۇتىلدى. ءداپ قازىر وزىڭە ءوزىڭدى مويىنداپ، كۇشتىڭ تولىسقان شاعىنىڭ ءوتىپ كەتكەنىن مويىندايتىن ءسات. ارى قاراي جاقسى بولادى دەي المايمىن", - دەيدى ول.

"بويتسوۆسكي كلۋب رەن تۆ" پروموۋتەرى ۆلاديمير حريۋنوۆ بىلاي دەيدى: "گولوۆكين نە ىستەسە دە، مەن وعان تاڭدانىپ، اسىعا كۇتىپ، قوشەمەت كورسەتەمىن. ول ءوزىنىڭ مانسابىن اياقتار ساتتە بىرنەشە جەكپە-جەك ۇيىمداستىرسا، ماسكەۋدە نەمەسە قازاقستاندا. وعان لايىقتى تۇلعا. بۇل مەنىڭ جوسپارىمدا بار جانە مەن "رەن تۆ" باسشىلىعىمەن بۇل تۋرالى سويلەسكەن ەدىم. كەلەر جىلى گەننادي گولوۆكيننىڭ جەكپە-جەگىن رەسەيدە وتكىزسەك دەپ ويلاستىرۋدامىز".

گولوۆكيننىڭ ءوزى بولسا بىلاي دەيدى: "مەنىڭ جوسپارىم كوپ، مۇمكىندىكتەر جەتەرلىك. مەن كانەلو مەن بوكس جانكۇيەرلەرىن قۇتتىقتايمىن. جىگىتتەر، مەنىڭ 160 فۋنتتا ۇشبەلبەۋىم بارىن ۇمىتپاڭدار. جىگىتتەر، مەن قايتىپ ورالامىن! مەن ءالى دە چەمپيونمىن. مەن كانەلونىڭ قولىن قىسىپ، كومانداسىن قۇتتىقتاعىم كەلەدى. ول ناعىز جاۋىنگەر".

Abai.kz