بەيسەنبى, 28 ناۋرىز 2024
ساڭلاق 4768 4 پىكىر 9 قىركۇيەك, 2022 ساعات 14:08

بوكس وليمپيادادان الىنىپ تاستالۋى مۇمكىن

حالىقارالىق وليمپيادا كوميتەتى بوكسشىلاردى 2024 جىلعى پاريجدەگى وليمپيادا ويىندارىنا ىرىكتەۋدىڭ جاڭا ءتارتىبىن ماقۇلدادى جانە بوكستىڭ 2028 جىلى لوس-اندجەلەستە وتەتىن وليمپيادا ويىندارىنىڭ الدىن الا باعدارلاماسىنان الىنىپ تاستالعانىن راستادى. حوك حالىقارالىق بوكس فەدەراتسياسىنىڭ (IBA) جاعدايىنا الاڭداۋشىلىق ءبىلدىرىپ، فەدەراتسيانى رەفورمالاۋ پروتسەسىن باقىلاۋدى جالعاستىرادى، دەپ حابارلايدى Sports.kz.

بۇعان دەيىن، ءساۋىر ايىندا حوك IBA ازىرلەگەن پاريجدەگى ويىندارعا بىلىكتىلىك باعدارلاماسىن بەكىتكەن بولاتىن، الايدا ماۋسىم ايىندا فەدەراتسيانى وليمپيادا ويىندارىنا بىلىكتىلىك بەرۋدەن تاعى دا شەتتەتتى.

Allboxing.ru سايتىنىڭ حابارلاۋىنشا، جاڭا ەرەجە بويىنشا پاريج وليمپياداسىنا ىرىكتەۋ 2023 جىلى وتەتىن بەس ايماقتىق حالىقارالىق ءتۋرنيردىڭ قورىتىندىسىمەن جۇرگىزىلەدى. بۇل سانتياگوداعى پانامەريكالىق ويىندار، كراكوۆتاعى ەۋروپالىق ويىندار، سولومون ارالىنداعى تىنىق مۇحيتى ويىندارى جانە گۋانچجوۋداعى ازيا ويىندارى. افريكا ەلدەرى مەن حوك قاۋىمداستىعى اراسىندا اككراداعى افريكا ويىندارى دا ىرىكتەۋ تۋرنيرىنە اينالعانى تۋرالى كەلىسسوزدەر جالعاسۋدا.

2024 جىلى حوك قالعان وليمپيادا ليتسەنزيالارى تاراتىلاتىن ەكى دۇنيەجۇزىلىك ىرىكتەۋ ءتۋرنيرىن وتكىزۋدى جوسپارلاپ وتىر.

حوك-ءنىڭ سپورت ديرەكتورى كيت ماكدوننەلل ۇلتتىق فەدەراتسيالاردىڭ، بوكسشىلاردىڭ، جاتتىقتىرۋشىلار مەن تەحنيكالىق مامانداردىڭ بۇرىنعى بىلىكتىلىك ۇلگىسىنە قاتىستى سۇراقتارى بار ەكەنىن جانە جاڭا مودەل جەڭىلىرەك ءارى سپورتشىلاردىڭ مۇددەسىن قورعايتىنىن اتاپ ءوتتى.

سونداي-اق حوك IBA پرەزيدەنتى ۋمار كرەملەۆكە جولداعان حاتىندا فەدەراتسيانى رەفورمالاۋعا از كۇش جۇمسالىپ جاتقانىنا الاڭداۋشىلىق ءبىلدىرىپ، بوكستىڭ 2028 جىلعى وليمپيادا باعدارلاماسىنا ءالى ەنگىزىلمەگەنى باسا ايتىلعان.

25 قىركۇيەكتە ەرەۆاندا IBA-نىڭ كەزەكتەن تىس كونگرەسى وتەدى، وندا كرەمل مەن ۆان دەر ۆۋرستتىڭ قاتىسۋىمەن فەدەراتسيا پرەزيدەنتى قايتا سايلانادى.

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3508