بەيسەنبى, 28 ناۋرىز 2024
اقمىلتىق 2960 27 پىكىر 1 قىركۇيەك, 2022 ساعات 15:09

بۇل سايلاۋدا پرەزيدەنتكە باسەكەلەس بار ما، جوق پا؟

مەملەكەت باسشىسى قاسىم-جومارت توقاەۆ بۇگىنگى قازاقستان حالقىنا جولداۋىندا  كەزەكتەن تىس پرەزيدەنت سايلاۋىن وتكىزۋدى ۇسىندى.

«مەن بيىلعى كۇزدە كەزەكتەن تىس پرەزيدەنت سايلاۋىن وتكىزۋدى ۇسىنامىن. ادىلەتتى قازاقستاندى قۇرۋ جولىندا تۇبەگەيلى جانە جان-جاقتى رەفورمالاردى تابىستى جۇزەگە اسىرۋ ءۇشىن حالىقتىڭ جاڭا سەنىم مانداتى قاجەت. مەن ءۇشىن مەملەكەت مۇددەسى بارىنەن بيىك. سوندىقتان مەن وكىلەتتىك مەرزىمىمدى قىسقارتۋعا جانە كەزەكتەن تىس پرەزيدەنت سايلاۋىنا بارۋعا دايىنمىن.

سونداي-اق، مەن كوپ ويلانىپ، پرەزيدەنت وكىلەتتىگى مەرزىمدەرىنىڭ سانىن جانە ۇزاقتىعىن قايتا قاراۋ قاجەت دەگەن بايلامعا كەلدىم. پرەزيدەنت مانداتىن ۇزاقتىعى 7 جىلدىق ءبىر مەرزىممەن شەكتەۋدى ۇسىنامىن. بىراق قايتا سايلانۋعا تىيىم سالىنادى»،-دەدى پرەزيدەنت.

بۇل ۇسىنىسقا بايلانىستى ساراپشىلاردىڭ پىكىرى قانداي؟ مارحابات:

«مەنىڭ ويىمشا، قازىرگى كەزدە قاسىم-جومارت توقاەۆقا باسەكەلەس بولاتىن وپپونەنت جوق. ساياسي پارتيا تۋرالى زاڭ دا جاڭارعان جوق. سايلاۋ جۇيەسى سول قالپىندا قالدى. سوندىقتان كۇزدە سايلاۋ وتكەننىڭ وزىندە بيلىك پرەزيدەنت سايلاۋىنا ءوز قالاۋىنداعى ادامداردى قاتىستىرادى. بۇل ەل تىزگىنىن ۇستاپ وتىرعان باسشىلىقتىڭ بيلىكتى ءوز قولىندا ۇستاپ قالۋىنىڭ سوڭعى مۇمكىندىگى شىعار. كەزەكتەن تىس پرەزيدەنت سايلاۋىن وتكىزىپ، تاعى جەتى جىلعا سوزا ءتۇسۋدىڭ ءمانى وسىندا دەپ ويلايمىن»، - دەدى ساياساتكەر دوس كوشىم.

«كۇتپەگەن جەردەن وسى كۇزدە مەرزىمىنەن بۇرىن پرەزيدەنت سايلاۋىن وتكىزۋ جانە بىردەن 7 جىلعا سوزۋ – وتە سۇرقيا ساياسي تەحنولوگيالىق قادام بولدى. شىن مانىندە، بۇل نازارباەۆ رەجيمىنىڭ ساقتالۋىن بىلدىرەدى. سول كەزدەگى ادىستەر قولدانىلىپ وتىر.

توقاەۆتىڭ كونستيتۋتسيانى وزىنە ىڭعايلى ەتىپ وزگەرتپەيتىنى تۋرالى ۋادەسى قايدا قالدى؟ سونداي-اق پرەزيدەنت سايلاۋىنا حالىقتىڭ 1% - دان از بولىگىن قۇرايتىن شەنەۋنىكتەر مەن دەپۋتاتتار عانا قاتىسا الادى. سايلاۋ تاعى دا «بىرتۋعان» نۇروتاندىقتاردىڭ اراسىندا وتەدى. مەن ءتىپتى حالىقتىڭ بۇل مالىمدەمەگە قالاي قارايتىنىن ەلەستەتە دە المايمىن»، - دەپ جازدى قوعام قايراتكەرى مۇحتار تايجان.

ال، «اق جول» پارتياسىنىڭ توراعاسى، ءماجىلىس دەپۋتاتى ازات پەرۋاشەۆتىڭ ايتۋىنشا، مەملەكەت باسشىسىنا لايىقتى قارسىلاستار بار.

«مەنىڭ ويىمشا، بولادى. سەبەبى ءبىز ەركىن ەلدە تۇرامىز. دامۋدىڭ دەموكراتيالىق جولىن تاڭداپ الدىق. سايلاۋ بالامالى تۇردە وتەدى. سايلاۋدا لايىقتى كانديتاتتار بولادى، - دەدى پەرۋاشەۆ.

ول سونىمەن قاتار «اق جول» پارتياسىنىڭ سايلاۋعا تۇسۋگە دايىن ەكەنىن جەتكىزدى.

«اق جول» پارتياسى سايلاۋعا قاشان دا دايىن. ءبىز سايلاۋشىلاردىڭ الدىندا مىنتەتىمىزدى تولىق ورىنداپ وتىرمىز. بۇل وڭاي ەمەس. سەبەبى پارتيانىڭ مۇشەلەرى پارلامەنتتە از. بۇگىندە تەك 12 دەپۋتاتىمىز بار. وسىعان قاراماستان ءبىز جۇمىس ىستەپ جاتىرمىز… پرەزيدەنت سايلاۋىنا قاتىسۋ ماسەلەسىن تەك پارتيانىڭ قۇرىلتايى شەشەدى. ارينە، ونى تالقىلاۋعا مىندەتتىمىز، - دەدى دەپۋتات پارلامەنت پالاتالارىنىڭ بىرلەسكەن وتىرىسىنان سوڭ.

ايجان تەمىرحان

Abai.kz

27 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2249
عيبىرات

قايسار رۋحتى عازيز جان

مۇحتار قۇل-مۇحاممەد 3499