دۇيسەنبى, 28 قاراشا 2022
اقمىلتىق 2222 12 پىكىر 31 تامىز, 2022 ساعات 14:43

ءوز قولىن كەسە المايتىن پرەزيدەنت

ەرتەڭ پرەزيدەنت توقاەۆ كەزەكتى جولداۋىن جاريالايدى. ەلدە ءۇمىت تە بار، كۇدىك تە جوق ەمەس.

ءبىرى – «قاڭتاردان كەيىن ەلباسىنىڭ «قامقورلىعىنان» قۇتىلعان قاسكەڭ وسى جولى ءوزىن تانىتادى! ەسكى قازاقستاننىڭ بىت-شىتىن شىعارىپ، جاڭا قازاقستاندى شىنداپ قولعا الادى!» دەگەن وپتيميستىك وي، سەكەمسىز سەنىم. ول دا ورىندى.

ەكىنشىسى – «جوق! بۇل بيلىكتىڭ قولىنان ەشنارسە كەلمەيدى. ءبارىن شەشىپ وتىرعان باياعى نازارباەۆ، توقاەۆ ونىڭ قولبالاسى عانا!» دەگەن پەسسيميستىك پايىم، توڭىرەگىنەن تۇڭىلگەن پىكىر. ول دا ورىندى.

نەگە؟

ونىڭ باستى سەبەبى – بۇگىنگى بيلىكتىڭ حالىقتىڭ «قايدا ءجۇرمىز، قايدا بارا جاتىرمىز، ەرتەڭگى كۇنىمىز نە بولادى؟» دەگەن ناقتى سۇراعىنا ناقتى جاۋاپ جوق!

ارينە، ەرتەڭ پرەزيدەنت ءوز جولداۋىندا وسىناۋ داعدارىستان شىعار جولدىڭ ءوزى جوباسىن ۇسىنار. سوعان سەنگىم كەلەدى. سوعان وسى ەلدىڭ قاتارداعى ءبىر ازاماتى رەتىندە ءۇمىت ارتام.

بىراق...

مەنى تولعاندىراتىن باسقا نارسە.

پرەزيدەنت ءباسپاسوز قىزمەتىنىڭ انونسىنا سالساق، ەرتەڭگى جولداۋ باستى تاقىرىبى الەۋمەتتىك-ەكونوميكالىق ماسەلەلەر بولماقشى ەكەن.

ارينە، بۇل – بىتەۋ جارا جارىلار كەزىندەگىدەي بۇرق ەتەتىن دۇنيە. ارتى جاقسى بولسىن دەيىك.

وسى ورايدا جولداۋ جاريالانار قارسىڭىندا كوپ ادام «مىنا وڭباعان ۇكىمەتتى وتستاۆكاعا جىبەرسە، بارلىق ماسەلە شەشىلەر ەدى، پرەزيدەنت ەل ءۇمىتىن اقتار ەدى» دەگەن پىكىر بەلەڭ الىپ بارا جاتقانداي.

مەنىڭ قارسى ءۋاجىم مىناداي: ولاي بولۋى مۇمكىن ەمەس!

نەگە دەيسىز بە؟

سەبەبى ءبىر: ءبىز، قازاقستان، ءبىر پارتيالىق جۇيەنىڭ قۇربانىمىز!

ءيا، جاقىندا پرەزيدەنت «نۇر وتان» («امانات») پارتياسىنىڭ توراعالىعىنان باس تارتتى.

ءيا، فورمالدى تۇردە بيلىك پارتياسى كوپ پارتيانىڭ ءبىرى.

بىراق، «ەستۋشى مەملەكەت» بۇگىنگى بيلىككە وپپوزيتسيالىق ۇستانىمداعى پارتيالاردى تىركەمەي جاتىر. ومىرگە كوپ ادام باسشىلارىنىڭ اتى-ءجونىن، ساياسي پوزيتسياسىن بىلمەيتىن پارتيالار كەلۋدە. ول دا قىزىق. سول باياعى قۋىرشاق، بيلىكتىڭ اشسا، الاقانىندا، جۇمسا، جۇدىرىعىنداعىلار.

ونداي دەكوراتيۆتى دەموكراتيامەن قازاق كوگەرمەيدى.

سول سەبەپتى ءبىر پارتياداعى پرەزيدەنت وزىمەن ءبىر پارتياداعى پارلامەنت (ول جاقتاعى ءبىر-ەكى بەيشارا پارتيالار ەسەپتەلمەيدى) پەن ءدال سونداي ۇكىمەتتى تاراتپايدى.

جولداۋدى جاقسى سوزدەر ايتىلادى.

بىراق كەزەكتى پارلامەنت سايلاۋى جاريالانبايدى. ۇكىمەت تە ءوز ورنىندا قالادى. شىنىمدى ايتسام، ءدال وسى بولجامىم قاتە بولسا، قۋانار ەدىم.

ءامىرجان قوسان

Abai.kz

12 پىكىر

ۇزدىك ماتەريالدار

انە، كوردىڭ بە؟

ورىس ءپاتريوتيزمى جانە ياحتا

ەسبول ۇسەنۇلى 1488
قازاقتىڭ ءتىلى

قازاقتىڭ ءتىلى ولمەسىن دەسەك...

كامشات تاسبولاتوۆا 1568
سوعىستا جۇرگەن سۇلۋلار

مايدانداعى ۋكراينا ارۋلارى: مارگاريتا ريۆچاچەنكو

ايجان تەمىرحان 1733