سەنبى, 28 قاڭتار 2023
اقمىلتىق 1810 13 پىكىر 30 تامىز, 2022 ساعات 11:28

ەسكى كادرلاردىڭ سابوتاجى...

ماڭعىستاۋ ساپارى. قورىتىندى:

ەلدىڭ كوڭىلى رەفەرەندۋمعا دەيىنگىدەي ەمەس. جابىرقاۋ... كۇتكەن جاڭالىقتىڭ، كوڭىلدەن شىقپاعانى كورىنىپ تۇر. شارىقتاپ كەتكەن باعا، تيتىقتاتقان جۇمىسسىزدىق، تەڭىزدىڭ قاسىندا وتىرىپ، اۋىز سۋعا جارىماۋ، ايتا بەرسەڭ پروبلەما شاش ەتەكتەن.

قۇرىلىس جۇمىستارىنا قارجى جەتىسپەيدى، جوبالىق-سمەتالىق قۇجاتتار تۇگەلگە جۋىق كوررەكتيروۆكادان ءوتۋى كەرەك. وعان دا قارجى جەتىسپەي جاتىر دەيدى قۇرىلىسشىلار. ارتى نە بولماق؟

مەكتەپتەگى ساعات قىسقارتۋدان بوساعان مۇعالىمدەر ماسەلەسى تاعى بار.

جانار-جاعار ماي دەفيتسيتى. ءبىز مۇناي مەن گازدىڭ ۇستىندە وتىرعان ەلمىز، ءۇش مۇناي وڭدەۋ زاۋىتىمىز بار. بۇل قالاي سوندا؟!

قانت تاپشىلىعى نەشە اي بولدى ءالى رەتتەلگەن جوق، رەتتەلەتىن ءتۇرى دە كورىنبەيدى.

وسىلاردى جۇيەلى شەشۋگە باعىتتالعان جوبالاردا كورىنبەيدى. بۇل بىرەۋدى كىنالاۋ ەمەس، حالىقتىڭ ايتىپ وتىرعان نازى مەن سىنى. ەل قاتتى قينالىپ وتىر. جاعداي "ەسكى قازاقستانناندا" جامان بولىپ كەتتى دەپ، ايتىپ وتىرعاندار بار.

مەنىڭ ويىم ايتادى:

1. ەسكى جۇيەدە جۇمىس جاساپ قالعان شەنەۋنىكتەر، جاڭا جاعدايعا بەيىمدەلە الماي، جاڭاشا جۇمىس جاساي الماي وتىر. ەسكى «جيگۋلي» قانشا ادەمىلەسەڭدە «تويوتا» بولا المايدى. قانشا رەت ايتتىق، جاڭا كادرلار كەرەك دەپ. ءبارىن جاسايتىن ادام، 8 ايدا ەشتەڭە جاساي الماعان ۇكىمەت، ەندى بىردەڭە قاتىرا قويادى دەگەنگە ءوز باسىم سەنبەيمىن. رەنجىمەسىن جىگىتتەر.

2. ءالى كۇنگە شەيىن ەكونوميكانى «جاۋلاپ» العان وليگارحتار كەتپەگەن. سول باياعى «وركەش مايدى» سورۋ ءجۇرىپ جاتىر. ءبىر سحەمادان، ەكىنشى سحەماعا اۋىسىپ. ايتپەسە كۇنى كەشە تىم جاقسى ساتىلىپ تۇرعان ديزەل وتىنى مەن بەنزين نەگە جوق؟ سول باياعى تاريفتەر، سول باياعى «وتكاتتار»، سول باياعى جەمقورلىق، سول باياعى اۋە بيلەتتەرىنىڭ قىمباتشىلىعى جانە ت.س.س.

3. سابوتاج. ەسكى كادرلار مەن ەكونوميكاعا كىرىپ العان «پارازيتتەردىڭ» ويى مەملەكەت باسشىسىنىڭ حالىق الدىندا بەدەلىن ءتۇسىرىپ، تاقتان تايدىرۋ. الداعى ۋاقىتتا ولار وزدەرىنىڭ قۋاتتارى مەن رەسۋرستارى كۇيرەپ، حالىقتىڭ ءال-اۋقاتى ارتاتىنىن بىلەدى. شامالارى كەلگەنشە قارسىلاسۋدا. قارسىلىق بارلىق سالادا جانە دەڭگەيدە ءجۇرىپ جاتىر!

نە ىستەۋ كەرەك؟

بيلىكتىڭ بارلىق تارماعىنا جاڭا، تازا ادامداردى اكەلۋ قاجەت. تەك مەملەكەت مۇددەسىن ويلايتىن. ونداي ازاماتتار 19 ملن حالىق ىشىنەن تابىلادى.

ەكىنشى. «پاريزيتتەردى» قۇرتۋ كەرەك، ايتپەسە قوعامدا ۇلكەن «ەپيدەميا» بولادى.

ءۇشىنشى. مۇنى تەز جاساۋ كەرەك. جاڭا جىلعا دەيىن. شىدامنىڭدا شەگى بار ەكەنىن ۇمىتپاعان ءجون!

ەدىل جاڭبىرشين،

ءماجىلىس دەپۋتاتى، ۇلتتىق قۇرىلتاي مۇشەسى

Abai.kz

13 پىكىر

ۇزدىك ماتەريالدار

انىق-قانىعى

جاقيانوۆ: ماعان اشىق جالا جابۋعا كىرىستى...

عالىمجان جاقيانوۆ 3140
ايقاي

ەلدە ۇلتتىق يدەولوگيا وتە ءالسىز...

بەيسەنعازى ۇلىقبەك 1914