سارسەنبى, 30 قاراشا 2022
قوعام 3705 9 پىكىر 23 تامىز, 2022 ساعات 13:20

ازىق-تۇلىك باعاسى شارىقتاپ تۇر

قازاقستاندا شىلدە ايىندا ينفلياتسيا دەڭگەيى 15 پايىزعا جەتتى. بۇل ازىق-تۇلىكتىڭ، كۇندەلىكتى تۇتىناتىن تاۋارلاردىڭ قىمباتتاۋىنا ايتارلىقتاي ۇلەس قوستى.

تاياۋدا پرەزيدەنت قاسىم-جومارت توقاەۆ ازىق-تۇلىك باعاسىنىڭ وسۋىنە بايلانىستى ۇكىمەتتىڭ جۇمىسىن سىنعا الىپ، ەلدەگى ەڭ وزەكتى ماسەلە ينفلياتسيانىڭ ءوسۋى ەكەنىن اتاعان.

"باعانىڭ وسۋىنە ازىق-تۇلىك ينفلياتسياسى اسەر ەتتى. ونىڭ دەڭگەيى 19,2 پايىزعا جەتتى. ءونىمنىڭ كەيبىر تۇرلەرى بىردەن 80 پايىزعا قىمباتتادى. ۇكىمەتتىڭ باعانى تۇراقتاندىرۋعا باعىتتالعان شارالارى ءتيىمسىز بولىپ شىقتى", - دەدى پرەزيدەنت.

مەملەكەت باسشىسى، ۇكىمەتتىڭ باعانىڭ ءوسۋ سەبەبىن انىقتاۋعا تىرىسپاي، سالدارىمەن الەك بولىپ وتىرعانىن ايتقان بولاتىن.

ۇلتتىق ستاتيستيكا بيۋروسىنىڭ حابارلاۋىنشا، 2022 جىلعى شىلدەدەگى ازىق - تۇلىك تاۋارلارىنىڭ باعاسى 2021 جىلعى شىلدە ايىمەن سالىستىرعاندا 19,7 پايىزعا، ازىق-تۇلىككە جاتپايتىن تاۋارلار 14,2 پايىزعا، اقىلى قىزمەت كورسەتۋ  9,2 پايىزعا قىمباتتاعان.

"ازىق-تۇلىك نارىعىندا ءبىر جىل ىشىندە قۇمشەكەر باعاسى  87,3 پايىزعا، پيازعا 71,7 پايىزعا، ۇن 36,6 پايىزعا  وسكەن. ال، ءسابىز 29,6 پايىزعا، قىزىلشا 25,2 پايىزعا ارزانداعان", - دەدى بيۋرو.

سونداي-اق، ۇن 36,6 پايىزعا، ماكارون ونىمدەرى 33 پايىزعا، جارمالار 31,4 پايىزعا، قۇس ەتى 28,6, ۇن تاعامدارى مەن نان ونىمدەرى 27,4 پايىزعا، نان 17,9 پايىزعا، سارى ماي 17 پايىزعا، كۇنباعىس مايى- 11,6 پايىزعا كوتەرىلگەن.

ازىق-تۇلىك قىمباتتادى، ال سونى تۇتىناتىن حالىقتىڭ جالاقىسى ارتتى ما، دەگەن زاڭدى سۇراق تۋىندايدى. وعان DataMetrics ساراپشىلارى جاۋاپ بەرىپتى.

ولاردىڭ مالىمەتىنشە، قازاقستاندىقتار ورتاشا ەسەپپەن تابىسىنىڭ 50% - ىن ازىق-تۇلىككە عانا جۇمسايدى. انىقتالعانداي، ەل ەكونوميكاسى نەعۇرلىم دامىعان سايىن، حالىق تابىسىنىڭ از بولىگىن ازىق-تۇلىك الۋعا جۇمسايدى. دامىعان ەلدەردە بۇل 10 پايىزعا سايكەس كەلەدى. قازاقستاندا تابىسىنىڭ جارتىسىن تەك تاماققا جۇمساعان وتباسى ارتىق قاراجات جيناۋعا، دامۋعا، ساياحاتتاۋعا مۇمكىندىگى بولمايتىنى انىق.

"وتباسىن اسىراۋشىلار بار كۇشىن بالا-شاعاسىنا تاماق تاۋىپ بەرىپ، كرەديتتەرىن جابۋعا ارنايدى»، - دەيدى ساراپشىلار.

ۇلتتىق ستاتيستيكا بيۋروسى بولسا، 2022 جىلدىڭ ەكىنشى توقسانىنداعى ەسەپ بويىنشا قازاقستانداعى ورتاشا جالاقى 312 مىڭ تەڭگە دەپ كورسەتكەن. بىراق بۇل سان شىنايى ومىردەن الدەقايدا الشاق جاتىر.

«ءومىر كورسەتكەندەي، حالىقتىڭ جاپپاي كەدەيلىگى مەملەكەتكە وتە قىمباتقا تۇسەدى! ىشكى جالپى ءونىمنىڭ ەسەلەپ وسۋىنە قاراماستان قازاقستان ونداعان جىلدار بويى كەدەيلىك شەگىن كوتەرمەي كەلەدى. بۇگىندە قازاقستان ەڭ تومەنگى كۇنكورىس دەڭگەيى الەمدەگى ەڭ تومەن ەلدەردىڭ ءبىرى جانە نيگەريا، انگولا، ۆەنەسۋەلا، گابون سياقتى ەلدەردىڭ دەڭگەيىندە تۇر»- دەگەن ەدى  بيۋرو مالىمەتىن قاتىستى قر پارلامەنتى ءماجىلىسىنىڭ دەپۋتاتى ەرلان سايروۆ.

ەلىمىزدە تەك ازىق-تۇلىك باعاسى ءوسىپ قويعان جوق. ازىق-تۇلىككە جاتپايتىن تاۋارلار باعاسى 2022 جىلعى شىلدەدە 2021 جىلعى ماۋسىمعا قاراعاندا 14,2 پايىزعا ارتقان.

"باعا دەڭگەيى جەكە باسقا ارنالعان زاتتاردىڭ باعاسى  26,3 پايىزعا، جۋىپ-تازالاۋ قۇرالدارى 23,5 پايىزعا، تۇرمىستىق قۇرالدار 22,6 پايىزعا، قۇرىلىس ماتەريالدارى 20,5 پايىزعا، جيھاز بەن ءۇي-جايعا ارنالعان زاتتار 19,1 پايىزعا، اۆتوموبيلدەر 15,2 پايىزعا، ىدىس-اياق 14,8 پايىزعا، توقىما بۇيىمدارى 11,5 پايىزعا، فارماتسەۆتيكالىق ونىمدەر 9,7 پايىزعا ءوستى", - دەلىنگەن بيۋرو مالىمەتىندە.

ءبىر جىل ىشىندە اقىلى قىزمەتتەردىڭ باعاسى (2022 جىلعى شىلدەدەن 2021 جىلعى ماۋسىمعا  دەيىن) 9,2 پايىزعا ءوستى.

"كەشەندى دەمالىستى ۇيىمداستىرۋ باعاسى 19,1 پايىزعا، قوعامدىق تاماقتاندىرۋ قىزمەتى 16,8 پايىزعا، دەنساۋلىق ساقتاۋ 15 پايىزعا، ساناتوريلەردىڭ قىزمەتى 14,1 پايىزعا، شاشتارازدار مەن جەكە قىزمەت كورسەتۋ ورىندارىنىڭ قىزمەتى 13 پايىزعا، قوناق ۇيلەردىڭ قىزمەتى 5,9 پايىزعا ءوستى. جولاۋشىلار كولىگى قىزمەتى 5,5 پايىزعا قىمباتتادى", - دەپ جازدى بيۋرو.

باعا ستاتيستيكاسى دەپارتامەنتىنىڭ ديرەكتورى قۋانىشبەك جاقىپبەكۇلىنىڭ ايتۋىنشا، تۇرعىن ءۇي-كوممۋنالدىق قىزمەتتەر سالاسىندا تاريفتەردىڭ ءوسۋى دە، تومەندەۋى دە بايقالادى.

"بيىلعى جىلدىڭ شىلدە ايىندا وتكەن جىلدىڭ شىلدە ايىمەن سالىستىرعاندا ەلەكتر ەنەرگياسىنىڭ تاريفتەرى 2,4 پايىزعا، قوقىس شىعارۋ، تاراتۋ جەلىلەرى ارقىلى تاسىمالداناتىن گاز - 1,8 پايىزعا ءوستى، ال ورتالىق جىلىتۋ تاريفى 2,3 پايىزعا، ىستىق سۋ 1,3 پايىزعا، سۋ بۇرۋ 0,5 پايىزعا تومەندەدى", - دەدى ول.

Abai.kz

9 پىكىر

ۇزدىك ماتەريالدار

انە، كوردىڭ بە؟

ورىس ءپاتريوتيزمى جانە ياحتا

ەسبول ۇسەنۇلى 1529
قازاقتىڭ ءتىلى

قازاقتىڭ ءتىلى ولمەسىن دەسەك...

كامشات تاسبولاتوۆا 1620
سوعىستا جۇرگەن سۇلۋلار

مايدانداعى ۋكراينا ارۋلارى: مارگاريتا ريۆچاچەنكو

ايجان تەمىرحان 1782