جۇما, 29 ناۋرىز 2024
بيلىك 1992 2 پىكىر 22 تامىز, 2022 ساعات 21:17

پرەزيدەنت رەفورمالارىن قولداۋ – «AMANAT»-تىڭ جاڭا تۇعىرناماسىنىڭ نەگىزى  

بۇگىن «AMANAT» توراعاسى ەرلان قوشانوۆ پارتيانىڭ جاڭا ساياسي تۇعىرناماسىن ازىرلەۋ جونىندە كەڭەس وتكىزدى. ءىس-شاراعا پارلامەنت دەپۋتاتتارى، قوعام قايراتكەرلەرى مەن ساراپشىلار قاتىستى. سونداي-اق، بەينە-كونفەرەنتس بايلانىس ارقىلى پارتيانىڭ ايماقتىق فيليالدارى قوسىلدى.

ساياسي تۇعىرنامانى جاڭارتۋ جۇمىستارى بيىل ساۋىردەن باستاپ جۇرگىزىلۋدە. كەزدەسۋدى اشا وتىرىپ، ەرلان قوشانوۆ قازاقستان دامۋدىڭ ساپالى جاڭا كەزەڭىنە قادام باسقانىن جانە «AMANAT» پارتياسى قوعام تالابىنا ساي وزگەرۋى ءتيىس ەكەنىن اتاپ ءوتتى.

«مەملەكەت باسشىسى «جاڭا قازاقستاندى» قۇرۋ ىسىنە قاتىستى اۋقىمدى مىندەتتەر قويدى. پارتيا وسى جۇمىسقا بەلسەنە قاتىسىپ، پرەزيدەنت رەفورمالارىنا قولداۋ كورسەتۋى ءتيىس. ول ءۇشىن «AMANAT»-تىڭ ساياسي تۇعىرناماسىن قايتا قاراۋ قاجەت. بۇل قادام پارتيالىقتارعا جاڭا باعىت-باعدار بەرىپ، ولاردىڭ حالىق مۇددەسىن قورعاۋ ىسىندەگى ازاماتتىق بەلسەندىلىگىن ارتتىرۋى ءتيىس»، – دەپ اتاپ ءوتتى ە.قوشانوۆ.

        پارتيا توراعاسىنىڭ پىكىرىنشە، ساياسي تۇعىرنامانى جاڭارتۋ جۇمىسى تەك «حالىق ۇنىنە قۇلاق اساتىن پارتيا» فورماتىندا جۇرگىزىلۋى ءتيىس. بۇل – اسا ماڭىزدى ماسەلە. ەركىن پىكىر الماسۋ، كەڭ ساياسي ديالوگ قامتاماسىز ەتىلۋى ءتيىس. بۇل جۇمىسقا بارلىق اماناتتىقتار اتسالىسۋى قاجەت.

«ءاربىر پارتيالىق ساياسي تۇعىرنامامىزدى ءبىلىپ قانا قويماي، ونداعى قۇندىلىقتارمەن ءبولىسۋى كەرەك. ونى كۇندەلىكتى جۇمىسىندا باسشىلىققا العانى ماڭىزدى»، – دەپ اتاپ ءوتتى ە.قوشانوۆ.

وتىرىس بارىسىندا ماجىلىستەگى «AMANAT» فراكتسياسىنىڭ مۇشەلەرى ايدوس سارىم، ەكاتەرينا سمىشلياەۆا، ەرلان سايروۆ، پارتيانىڭ ساياسي كەڭەسى بيۋروسىنىڭ مۇشەسى مارات شيبۋتوۆ، قوعام قايراتكەرلەرى مۇرات ابەنوۆ، دانات جۇمين، مارات ءباشىموۆ، پارتيانىڭ ايماقتىق فيليالدارىنىڭ وكىلدەرى جانە تاعى باسقالار ءسوز سويلەدى. پارتيانىڭ ساياسي تۇعىرناماسىندا كورىنىس تابۋى ءتيىس تاسىلدەر بەلسەندى تالقىلاندى. بۇل قادام «AMANAT»-تىڭ باسەكەگە قابىلەتتىلىگىن ارتتىرىپ، جاڭا جاعدايدا سايلاۋشىلاردىڭ سەنىم ۇدەسىنەن شىعۋعا مۇمكىندىك بەرۋى ءتيىس.

وتىرىس قورىتىندىسى بويىنشا پارتيا توراعاسى ساياسي تۇعىرنامانى ازىرلەۋ ىسىنە قاتىستى بىرقاتار تاپسىرما جۇكتەدى. اتاپ ايتقاندا، تۇعىرناما جوباسىن جاريا تالقىلاۋ ۇيىمداستىرىلادى. سونىڭ ىشىندە، ساراپتامالىق كەزدەسۋلەر، وڭىرلەردە جەكە كەڭەستەر وتكىزىلەدى. بۇل جۇمىسقا پارتيانىڭ بارلىق فيليالدارى، ماجىلىستەگى جانە بارلىق دەڭگەيدەگى ماسليحاتتارداعى فراكتسيالار تارتىلادى.

اۋقىمدى تالقىلاۋ جۇرگىزۋ ماقساتىندا قۇجات پارتيانىڭ سايتىندا جانە الەۋمەتتىك جەلىلەردە ورنالاستىرىلادى. ءار وتانداسىمىز ءوز ۇسىنىسىن ەنگىزە الادى. قوعامدىق ساياسات ينستيتۋتى پارتيالىقتار اراسىندا جاڭا ساياسي تۇعىرنامانىڭ باسىمدىقتارى جونىندە الەۋمەتتىك ساۋالناما جۇرگىزەدى. قۇجات جوباسى «TALQYLAU» ديالوگ الاڭىندا ساراپشىلاردىڭ، بلوگەرلەر مەن قوعام بەلسەندىلەرىنىڭ قاتىسۋىمەن تالقىعا سالىنادى.

«AMANAT» پارتياسىنىڭ ساياسي تۇعىرناماسىنىڭ قورىتىندى جوباسى بيىل كۇزدە رەسپۋبليكالىق پارتيا كونفەرەنتسياسىندا تالقىلانادى.

 

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2275
عيبىرات

قايسار رۋحتى عازيز جان

مۇحتار قۇل-مۇحاممەد 3591