قازاقستاندىق رەجيسسەر ەرمەك شاحمەت قازاققا بوكستان العاشقى وليمپيادا التىنىن الىپ بەرگەن اتاقتى بوكسشى، ومىردەن ەرتە وزعان تالانت يەسى بەكزات ساتتارحانوۆ تۋرالى كوركەم فيلم ءتۇسىرىپ جاتىر.

«بەكزات» اتتى كارتينا 20 جاسىندا وليمپيادا ويىندارىنىڭ چەمپيونى اتانعان ەرەكشە قابىلەتتى بوكسشىنىڭ ءومىرى جايلى بولماق. بەكزات ساتتارحانوۆ قازاقستاننىڭ ەڭ دارىندى ءارى سەنساتسيالىق سپورتشىسى رەتىندە ەل ەسىندە قالدى.

1999 جىلى ەرەسەك بوكسقا اۋىسقان بالعىن بەكزات، كەلەسى جىلى وليمپ شىڭىن باعىندىرىپ، كوك بايراعىمىزدى سيدنەي اسپانىندا جەلبىرەتتى. 4 ايدان كەيىن بەكزات جول-كولىك اپاتىندا قايتىس بولدى.

«ءبىز قازىرگى ۋاقىتتا ءتۇسىرىلىم ۇدەرىسىنىڭ ۋاقىتى جايىندا ويلانىپ جاتقان جوقپىز. سەبەبى، بۇگىن ءبىزدىڭ الدىمىزدا اسىقپاي، جاقسى كينونى جاساپ شىعارۋ مىندەتى تۇر. بەكزات تۋرالى فيلم ءتۇسىرۋ - ۇلكەن جاۋاپكەرشىلىك. ول - حالىق قاھارمانى، ۇلتىنىڭ ماقتانىشى. ءبىز جوباعا تىڭعىلىقتى دايىندالۋدامىز. فيلم بەكزاتتىڭ تۋىستارىنا، جاقىندارى مەن دوس-جاراندارىنا ۇناۋ ءۇشىن، ارينە، بارشا حالىقتىڭ كوڭىلىنەن شىعۋى ءۇشىن قولىمىزدان كەلگەنىن جاسايمىز»، - دەدى ە. شاحمەت.

قازاقستاندىق رەجيسسەر ەرمەك شاحمەت قازاققا بوكستان العاشقى وليمپيادا التىنىن الىپ بەرگەن اتاقتى بوكسشى، ومىردەن ەرتە وزعان تالانت يەسى بەكزات ساتتارحانوۆ تۋرالى كوركەم فيلم ءتۇسىرىپ جاتىر.

«بەكزات» اتتى كارتينا 20 جاسىندا وليمپيادا ويىندارىنىڭ چەمپيونى اتانعان ەرەكشە قابىلەتتى بوكسشىنىڭ ءومىرى جايلى بولماق. بەكزات ساتتارحانوۆ قازاقستاننىڭ ەڭ دارىندى ءارى سەنساتسيالىق سپورتشىسى رەتىندە ەل ەسىندە قالدى.

1999 جىلى ەرەسەك بوكسقا اۋىسقان بالعىن بەكزات، كەلەسى جىلى وليمپ شىڭىن باعىندىرىپ، كوك بايراعىمىزدى سيدنەي اسپانىندا جەلبىرەتتى. 4 ايدان كەيىن بەكزات جول-كولىك اپاتىندا قايتىس بولدى.

«ءبىز قازىرگى ۋاقىتتا ءتۇسىرىلىم ۇدەرىسىنىڭ ۋاقىتى جايىندا ويلانىپ جاتقان جوقپىز. سەبەبى، بۇگىن ءبىزدىڭ الدىمىزدا اسىقپاي، جاقسى كينونى جاساپ شىعارۋ مىندەتى تۇر. بەكزات تۋرالى فيلم ءتۇسىرۋ - ۇلكەن جاۋاپكەرشىلىك. ول - حالىق قاھارمانى، ۇلتىنىڭ ماقتانىشى. ءبىز جوباعا تىڭعىلىقتى دايىندالۋدامىز. فيلم بەكزاتتىڭ تۋىستارىنا، جاقىندارى مەن دوس-جاراندارىنا ۇناۋ ءۇشىن، ارينە، بارشا حالىقتىڭ كوڭىلىنەن شىعۋى ءۇشىن قولىمىزدان كەلگەنىن جاسايمىز»، - دەدى ە. شاحمەت.

تۋىندىنى ەرمەك شاحمەتتىڭ «Shahmet Omniars» پروديۋسەرلىك كومپانياسى تۇسىرمەك. ءتۇسىرىلىم كەلەسى جىلدىڭ ءساۋىر ايىندا باستالادى. قازىر رەجيسسەرلىك ستسەناري جازىلۋدا. سونىمەن قاتار، اكتەرلەردىڭ كاستينگىسى ءجۇرىپ جاتىر. رەجيسسەردىڭ ايتۋىنشا، باستى كەيىپكەردى، قازاقستاندىق بوكستىڭ اڭىز بوكسشىسىن اسىلحان تولەپوۆ («جاۋجۇرەك مىڭ بالا») سومدايدى. فيلمگە باسقا دا وتاندىق تانىمال اكتەرلەر مەن سپورتشىلار تۇسەدى.

ال، كينونىڭ مۋزىكاسىن جازۋعا ەۋروپالىق كومپوزيتور، يتاليانىڭ ەكىنشى پرەزيدەنتى لۋيدجي ەيناۋديدىڭ نەمەرەسى - ليۋدوۆيكو ەيناۋدي شاقىرىلعان.  «فيلم الەمدىك ماسشتابتا بولادى، دەپ كۇتىپ وتىرمىز. ءبىز ونى قازاقستاندىق كينوسۇيەر قاۋىممەن قاتار، شەتەلدىك كورەرمەندەردىڭ دە كورگەنىن قالايمىز. ءبىز باسقا كينوستۋديالارمەن ارىپتەستىك جاساسۋعا دايىنبىز»، - دەپ اتاپ ءوتتى ە. شاحمەت.

دەرەككوزى: قازاقپارات اگەنتتىگى