"بالا الدىمەن ءوز تىلىندە وقىپ، جازا ءبىلۋى ءتيىس". بۇل تۋرالى ۇكىمەت وتىرىسىندا  وقۋ-اعارتۋ ءمينيسترى اسحات ايماعامبەتوۆ ايتتى، دەپ جازدى baq.kz پورتالى.

جاڭا وقۋ جىلىندا مەكتەپتەرگە قاتىستى بىرقاتار جاڭاشىلدىق ەنگىزىلدى. بىرىنشىدەن، ارنايى زەرتتەۋلەر مەن ساراپتامالاردىڭ قورىتىندىسىنا سايكەس 1-سىنىپ وقۋشىسىنا ءۇش ءتىلدى بىردەن مەڭگەرۋ قيىن ەكەنى انىقتالدى. بالا الدىمەن ءوز تىلىندە وقىپ جانە جازا ءبىلۋى ءتيىس. وسىعان وراي، ءبىز قازاق ءتىلدى مەكتەپتەردە 1-سىنىپ وقۋشىسىن تەك قازاق تىلىندە وقىتۋدى، ال ورىس ءتىلدى مەكتەپتەردە قازاق ءتىلى مەن ورىس ءتىلىن وقىتۋ تۋرالى شەشىم قابىلدادىق، - دەدى ول.

ايماعامبەتوۆ اتاعانداي، قازاق ءتىلدى مەكتەپتەردە ەكىنشى سىنىپتان باستاپ ورىس ءتىلى ەنگىزىلەدى، ال اعىلشىن ءتىلى بارلىق مەكتەپتەردە ءۇشىنشى سىنىپتان باستالادى.

سونىمەن بىرگە «ەڭبەككە باۋلۋ» جانە «بەينەلەۋ ونەرى» پاندەرى 1-ءشى سىنىپتان  باستاپ ەنگىزىلدى. مۋزىكا ءپانىنىڭ اياسىندا 6-سىنىپ وقۋشىلارى ءوز قالاۋىمەن دومبىرا اسپابىندا ويناۋدى ۇيرەنە  الادى. مەكتەپتەردە قوسىمشا فاكۋلتاتيۆ ەسەبىنەن شاحماتتى دامىتۋعا مۇمكىندىك بەرىلەدى. مەنەدجەمەنتتى جانە مەكتەپتەگى كادر ساپاسىن كۇشەيتۋ ءۇشىن دە وزگەرىستەر ەنگىزىلدى، - دەدى ايماعامبەتوۆ.

ءمينيستردىڭ ايتۋىنشا، بيىل  ءبىلىم بەرۋ ۇيىمدارىنىڭ باسشىلارىن روتاتسيالاۋ  ينستيتۋتى ەنگىزىلدى.

قازىردىڭ وزىندە 431 ديرەكتور روتاتسيادان ءوتتى. پەداگوگتەردى جۇمىسقا قابىلداۋدىڭ جاڭا قاعيدالارى دا ىسكە اسىرىلىپ جاتىر. جۇمىسقا قابىلداۋ ەندى كونكۋرس بويىنشا پەداگوگتىڭ ءبىلىمى، ەڭبەك ءوتىلى، بىلىكتىلىك ساناتى جانە كاسىبي جەتىستىكتەرى سياقتى كريتەريلەردىڭ نەگىزىندە جۇرگىزىلەدى. بۇعان قوسا پەداگوگتەردى ۇلتتىق بىلىكتىلىك تەستىلەۋ ارقىلى جۇمىسقا الۋ ءتارتىبى قابىلداندى. ياعني ەندى ديپلومنىڭ عانا نەگىزىندە ەمەس، قوسىمشا ءوز ءپانى بويىنشا تەستىلەۋدەن وتكەندەردى عانا مەكتەپكە جۇمىسقا قابىلدايمىز، - دەدى ول.

Abai.kz