بەيسەنبى, 6 قازان 2022
جاۋاپ 1821 11 پىكىر 3 تامىز, 2022 ساعات 13:55

مەدۆەدەۆكە جاۋاپ: قازاقستانعا كىرىپ كور، كورەسىڭ!

بەلگىلى كاسىپكەر، قوعام بەلسەندىسى ارمان شوراەۆ «قازاقستاندى جاساندى ەل، قازاقتار ورىستارعا قارسى گەنوتسيد جاساپ جاتىر» دەپ ايىپتاعان رەسەيدىڭ ەكس-پرەزيدەنتى مەدۆەدەۆكە جاۋاپ قايتاردى.

«دوستار، رەسەيدىڭ ەكس-پرەزيدەنتى ايتىپ وتىرعان ساندىراققا قاتىستى پىكىر ءبىلدىرۋ وتە قيىن. بىراق، بۇل وتە ماڭىزدى بەلگى. بۇرىن مارقۇم جيرينوۆسكي سىندى تۇسىنىكسىز دەپۋتاتتار ءبىزدى «رۋسوفوبتار» دەپ ايىپتاپ كەلسە، ەندى رەسەيدىڭ ەكس-پرەزيدەنتىنىڭ ءوزى «ۆكونتاكتەدەگى» رەسمي پاراقشاسىندا وسىنداي مالىمدەمە جاساسا، جاعداي مۇلدە باسقاشا ءوربىدى دەگەن ءسوز. مەنىڭ ويىمشا، ءبىزدىڭ باس پروكۋراتۋرا، ىشكى ىستەر مينيسترلىگى مىنا اقىماقتىڭ كەشىرىم سۇراۋى ءۇشىن قولدان كەلگەننىڭ ءبارىن جاساۋى ءتيىس. «ونى بۇعاتتادى، بۇل ول ەمەس» دەگەندەردىڭ ءبارى دە بوس ءسوز»، - دەيدى ارمان شوراەۆ.

قوعام بەلسەندىسى قازاقتار ورىستارعا ەمەس قايتا ورىستار قازاقتارعا قارسى 300 جىل بويى جۇرگىزگەن گەنوتسيدكە توقتالدى.

«ديما، سەن «1992 جىلدان باستاپ قازاقستاننىڭ سولتۇستىگىندە گەنوتسيد بولدى جانە ورىس حالقىنىڭ گەنوتسيدى جالعاسىپ جاتىر» دەدىڭ. قادىرلىم مەنىڭ، سەن ماعان قازاقتار ازاپتاپ ولتىرگەن جازىقسىز ورىستىڭ كەم دەگەندە ءبىر مولاسىن كورسەتشى. گەنوتسيد دەپ جاتىر ەكەنسىڭ. وندا سەن ماعان بىرنەشە مولالاردى كورسەتشى. مەن ساعان انىق ايتا الامىن. كرەملدىڭ بىردە-ءبىر وڭباعانى، بىردە-ءبىر ناسيحاتشىسى بىزدەن مۇنداي مولالاردى تابا المايدى. سەبەبى قازاقستاندا ورىس سلاۆيان حالقىنا قاتىستى ەشقانداي گەنوتسيد بولعان جوق، بولمايدى دا. سەن ءوز ماقالاڭدا «قازاق دالاسىن 300 جىل بويى وتارلادىق» دەپ جازىپسىڭ. مەن ساعان كەرىسىنشە وسى 300 جىل ىشىندە بىزدە ۇزدىكسىز گەنوتسيد جۇرگەنىن ايتا الامىن. سەندەر مەنىڭ حالقىمدى قۇرتپاق بولدىڭدار. ميلليونداعان ادامدى ولتىردىڭدەر. بىراق ءبىز امان قالدىق. توتەپ بەردىك. وسىدان قازاقستانعا ءبىر اياعىڭمەن كىرىپ كور، كورەسىڭ!»، - دەيدى كاسىپكەر.

شوراەۆ مەدۆەدەۆكە قازاقتار مەيىرىمدى حالىق، بىراق ەشكىمدى باسىنا شىعارمايتىنىن ەسكەرتتى.

«دميتري قازاقتار وتە مەيىرىمدى، جومارت، جاقسى حالىق. ءوز ۇستەلىنە كەز كەلگەن بەيتانىس ادامدى وتىرعىزا الادى. بىراق قازاق ەشكىمدى باسىنا شىعارمايدى. سوندىقتان ديمون ءبىزدىڭ باس پروكۋراتۋرا ساعان قاتىستى قىلمىستىق ءىس قوزعايدى دەپ ۇمىتتەنەمىن. سەبەبى بۇلاردىڭ «كەشىرىڭىزدەر، بۇل پاراقشا بۇعاتتالىپ قالىپ ەدى. ءبىزدىڭ بۇلاي ايتقىمىز كەلمەپ ەدى» دەگەن ينتريگالارىن ارى قاراي كەشىرە بەرسەك، بۇل ەشقاشان توقتامايدى. رەسەيدىڭ ەسۋاس ەكس-پرەزيدەنتى دميتري مەدۆەدەۆتى جازالاۋ كەرەك!»، - دەيدى ارمان شوراەۆ.

Abai.kz

11 پىكىر