جۇما, 29 ناۋرىز 2024
جاڭالىقتار 3245 0 پىكىر 6 جەلتوقسان, 2012 ساعات 07:18

اڭسار دا اسقاردى قولدامادى...

تاۋەلسىزدىك كۇنى مەرەكەسىن تويلاماي تۇرىپ، جاڭا جىلعا دايىندىقتى باستاماۋعا، شىرشا ورناتىپ، عيماراتتاردى الەم-جالەم ايشىقتاۋعا كىرىسپەۋگە پارمەن بەرگەن وڭتۇستىك قازاقستان وبلىسىنىڭ اكىمى اسقار مىرزاحمەتوۆتىڭ ەلدەن ەرەك باتىل دا، ءادىل ارەكەتى كوپشىلىك كوڭىلىنەن شىعىپ،ونىڭ باستاماسىن قالعان اكىم-قارالار قولداسا قۇبا-قۇپ بولار ەدى دەگەن ەدىك. دەگەنمەن، ەلىمىزدىڭ باس قالاسى استانانىڭ اكىمى يمانعالي تاسماعامبەتوۆ 1 جەلتوقسان كۇنى ەلوردانىڭ تورىنە بيىكتىگى بۇرىن بولىپ كورمەگەن شىرشانى قۇرعىزىپ،  توزاقتىڭ وتتارىنداي جىمىڭداعان شامدارىن جاعىپ، يماندىلىققا كەرەعارلىققا باردى. جاڭا جىلدىق شىرشانىڭ وتىن ەلباسى تۇتاتادى  دەپ جار سالىپ ەدى، ابىروي بولعاندا  ول كىسىگە ودان دا ماڭىزدى جۇمىس تابىلدى.

باسقا، باسقا، اسقاردىڭ اق نيەتتى قادامىن قازاقىلىعى ءبىر باسىنا جەتىپ ارتىلاتىن الماتى وبلىسىنىڭ اكىمى اڭسار مۇساحانوۆ قولدايدى-اۋ دەگەن ويىمىز دا ادىرا قالدى.  وبلىستىق اكىمدىك الدىنداعى الاڭقايدىڭ قاق ورتاسىنا شىرشا قۇرۋ ءبىرىنشى جەلتوقسان - سپيد-كە قارسى كۇرەستىڭ حالىقارالىق كۇنى باستالماسا دا، وسى اپتانىڭ سارسەنبىسىنەن باستاۋ الىپ،  قۇراستىرىلا باستادى. سوعان قاراعاندا، اڭسار مىرزا زامانداسى ءارى ارىپتەسى اسقاردىڭ قادامىن قولداماعان.

تاۋەلسىزدىك كۇنى مەرەكەسىن تويلاماي تۇرىپ، جاڭا جىلعا دايىندىقتى باستاماۋعا، شىرشا ورناتىپ، عيماراتتاردى الەم-جالەم ايشىقتاۋعا كىرىسپەۋگە پارمەن بەرگەن وڭتۇستىك قازاقستان وبلىسىنىڭ اكىمى اسقار مىرزاحمەتوۆتىڭ ەلدەن ەرەك باتىل دا، ءادىل ارەكەتى كوپشىلىك كوڭىلىنەن شىعىپ،ونىڭ باستاماسىن قالعان اكىم-قارالار قولداسا قۇبا-قۇپ بولار ەدى دەگەن ەدىك. دەگەنمەن، ەلىمىزدىڭ باس قالاسى استانانىڭ اكىمى يمانعالي تاسماعامبەتوۆ 1 جەلتوقسان كۇنى ەلوردانىڭ تورىنە بيىكتىگى بۇرىن بولىپ كورمەگەن شىرشانى قۇرعىزىپ،  توزاقتىڭ وتتارىنداي جىمىڭداعان شامدارىن جاعىپ، يماندىلىققا كەرەعارلىققا باردى. جاڭا جىلدىق شىرشانىڭ وتىن ەلباسى تۇتاتادى  دەپ جار سالىپ ەدى، ابىروي بولعاندا  ول كىسىگە ودان دا ماڭىزدى جۇمىس تابىلدى.

باسقا، باسقا، اسقاردىڭ اق نيەتتى قادامىن قازاقىلىعى ءبىر باسىنا جەتىپ ارتىلاتىن الماتى وبلىسىنىڭ اكىمى اڭسار مۇساحانوۆ قولدايدى-اۋ دەگەن ويىمىز دا ادىرا قالدى.  وبلىستىق اكىمدىك الدىنداعى الاڭقايدىڭ قاق ورتاسىنا شىرشا قۇرۋ ءبىرىنشى جەلتوقسان - سپيد-كە قارسى كۇرەستىڭ حالىقارالىق كۇنى باستالماسا دا، وسى اپتانىڭ سارسەنبىسىنەن باستاۋ الىپ،  قۇراستىرىلا باستادى. سوعان قاراعاندا، اڭسار مىرزا زامانداسى ءارى ارىپتەسى اسقاردىڭ قادامىن قولداماعان.

وسىدان ءبىراز بۇرىن جەتىسۋ جەرىندەگى ۇلتقا جاناشىر دەگەن جانداردىڭ باسى قوسىلا قالعاندا، جۋرناليستەردىڭ ءبىرى 1 قاڭتاردا تويلاناتىن جاڭا جىلدىڭ جاماندىقتارى مەن 22 ناۋرىزدا اتالىپ وتىلەتىن ۇلىستىڭ ۇلى كۇنىنىڭ ارتىقشىلىقتارىىن سانامالاپ بەرىپ ەدى، تومەندە سونى دا كەلتىرە كەتكەندى ءجون كورىپ وتىرمىن. ناۋرىزدىڭ 22 جۇلدىزىندا كۇن مەن ءتۇن تەڭەسەدى.  ۇلىستىڭ ۇلى كۇنى بارلىق ۇيلەردى  اق داستارحان جايىلىپ، ناۋرىز كوجە جاسالىپ، ۇلتتىق تاعامدار تارتىلادى:  وندا اراق-شاراپقا ورىن بولمايدى; ارازداسىپ قالعان اعايىن تاتۋلاسىپ، ءبىر-بىرىنە قۇشاقتارىن جايادى; اۋلالار مەن كوشەلەر تازالانادى;  جاس كوشەتتەر وتىرعىزىلادى; ۇلتتىق سپورت تۇرلەرىنەن جارىستار ۇيىمداستىرىلادى; ءان شىرقالىپ، بي بيلەنەدى; ارىقتار مەن اتىزدار ارشىلادى. بۇل ءدال قازىرگى كەزدە ءبىزدىڭ ويىمىزعا تۇسكەن جاقسىلىقتار.

ەندى، جاڭا جىلدى تويلاۋ كەزىندە ورىن الاتىن جاماندىقتارعا كەلەيىك:  جاسىل جەلەك وتالىپ، قىسى جازى جاپ-جاسىل بولىپ تۇراتىن مىڭداعان شىرشالار كەسىلەدى;  كەش باتىسىمەن ەسەپسىز جايىلعان داستارحانداردا اراق-شاراپتى تويعانىنشا ىشكەندەر ءبىر-بىرىمەن رەنجىسىپ، جانجالداسادى، ارالارى اشىلادى; كىسى قولىنان قازا تاپقاندار مەن زورلانعاندار سانى ارتادى; ءتۇن ورتاسىنا تامان اسپانعا وت شاشۋلار اتىلىپ، اۋانى لاستايدى; تۇرعىنداردان تىنىشتىق قاشادى; جول-كولىك اپاتتارى جيىلەيدى; ماستىقتان كوشەدە قاتىپ قالاتىندار سانى كوبەيەدى.

الماس قىلىش.

"Abai.kz"

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2282
عيبىرات

قايسار رۋحتى عازيز جان

مۇحتار قۇل-مۇحاممەد 3618