سارسەنبى, 30 قاراشا 2022
رەسەيدى ىعىستىردى 1995 2 پىكىر 27 شىلدە, 2022 ساعات 13:58

قازاقستان باتىس ەلدەرىنە كومىر جەتكىزۋدى ۇلعايتتى

سۇراپىل سانكتسيالار ۋكرايناعا باسىپ كىرگەن رەسەيدى تۇنشىقتىرىپ جاتىر. بۇعان دەيىن باتىس ەلدەرى رەسەيدىڭ كومىرىنەن باس تارتاتىنىن مالىمدەگەن ەدى. الگى شەشىم كۇشىنە ەنبەي تۇرا ەۋرووداق ونىڭ ورنىن الماستىراتىن جاڭا تاسىمالداۋشىنى ەدەل-جەدەل ىزدەستىرۋگە كوشكەن. 

قازىردەن باستاپ قىستىڭ قامىنا كىرىسكەن باتىس ەلدەرى قازاقستاندى رەسەيدىڭ ورنىن باساتىن بالاما رەتىندە قاراستىرىپ وتىرعان كورىنەدى. ءبىزدىڭ دە ەلدە قاراپ قالماي، وڭتايلى ءساتتى ۇتىمدى پايدالانۋعا تىرىسۋدا. بۇل جونىندە Dalanews.kz حابارلايدى.

“بيىلعى جىلدىڭ العاشقى التى ايىندا قازاقستان ەۋروپا ەلدەرىنە وتكەن جىلعى سايكەس كەزەڭمەن سالىستىرعاندا ەكى ەسە كوپ كومىر جەتكىزدى”، – دەپ جازادى وسى ورايدا “كوممەرسانت” باسىلىم.

Eurostat-تىڭ (ەۋرووداقتىڭ ستاتيستيكا قىزمەتى) ءمالىم ەتكەنىندەي، پۋتين باسقىنشىلارى بوگدە ەلگە باسىپ كىرمەي تۇرا قازاقستاننىڭ ەۋروپاعا تاسىمالدايتىن كومىر كولەمى تىم ماردىمسىز بولعان.

كرەمل دۇنيەنى دۇرلىكتىرىپ، ۋكراينانى بومبىلاي باستاعان شاقتا قازاقستاننىڭ باتىسقا تاسىمالدايتىن كومىر كولەمى كۇرت ارتىپ، 300-400 مىڭ تونناعا جەتكەن. ماسەلەن، بۇدان ءبىر جىل ءساۋىر مەن مامىردىڭ ارالىعىندا وسى باعىتتاعى ەكسپورت نەبارى 60-70 مىڭ توننانى قۇراپتى.

ال الداعى ايدا رەسەيدىڭ كومىرىن تاسىمالداۋعا تىيىم سالاتىن شەشىم كۇشىنە ەنەدى. قازىر ەۋروپالىق كومپانيالار قىسقى وتىن مەن جانارماي قورىن تولىقتىرۋ ماقساتىندا قازاقستان مەن رەسەيدەن كەلەتىن كومىردى ساتىپ الۋدى كۇرت ارتتىرعان.

تامىزدان كەيىن رەسەي مەن باتىس ەلدەرى اراسىنداعى كومىر تاسىمالى تولىق توقتايدى.

سالانى جەتىك بىلەتىن ساراپشىلاردىڭ پىكىرىنشە، وداقتاسى اياقتان شالماسا، قازاقستان ەۋرووداق ەلدەرىنە كومىر تاسۋدى ۇلعايتا تۇسەدى.

ءبىر گاپ، كومىر ەۋروپاعا رەسەي نەمەسە بالتىق ەلدەرىنىڭ پورتتارىندا اۋىستىرىپ تيەۋ ارقىلى جونەلتىلەدى، ال سوڭعى باعىت رەسەيلىك تەمىرجول جەلىسىن پايدالانۋدى دا قامتيدى.

“باتىس ەلدەرى جىلدار بويى رەسەيدىڭ كومىرىن پايدالانىپ كەلدى، وعان بالاما بولارلىق وزگە تاسىمال جولدارىن قاراستىرعان جوق. سوندىقتان رەسەيدەن كەلەتىن كومىردى الماستىرۋ ماسەلەسى ەۋروپا ءۇشىن باس اۋرۋ بولعالى تۇر.

قازاقستان رەسەيدىڭ ساناۋلى دەگەن سەنىمدى سەرىكتەرىنىڭ ءبىرى. بۇعان كرەملدىڭ قالاي قارايتىنى ءازىر بەلگىسىز. ماسكەۋ قازاق كومىرىنىڭ ترانزيتىنە توسقاۋىل قويسا، ەندەشە ونى ونى كاسپي تەڭىزىندەگى اقتاۋ پورتى ارقىلى، ودان كەيىن ءازىربايجان مەن گرۋزيا ارقىلى قارا تەڭىزگە جەتكىزۋگە بولادى”، – دەيدى “كوممەرسانت”.

ايتا كەتسەك، 2019 جىلى رەسەي قازاق كومىرىن ۋكرايناعا تاسىمالداۋعا شەكتەۋ قويىپ، كۆوتا ەنگىزگەن. ماسكەۋدىڭ شارتى بويىنشا قازاقستاننان ۋكرايناعا جەتكىزىلەتىن كومىر كولەمى ايىنا 120 مىڭ توننادان اسپاۋعا ءتيىس ەدى.

ەلىمىزدىڭ ساۋدا جانە ينتەگراتسيا مينيسترلىگى وسى شەكتەۋدىڭ كەسىرىنەن قازاقستاندىق كومىر وندىرۋشىلەر اي سايىن 11 ملن. دوللار جوعالتىپ، قىپ-قىزىل شىعىنعا باتقانىن مالىمدەگەن. كەيىن رەسەي تارابى بۇل شەكتەۋدى جۇمسارتىپ، قازاقستاندىق كومىر تاسىمالىنىڭ كولەمىن 140 مىڭ تونناعا دەيىن كوتەرگەن بولاتىن.

Abai.kz

2 پىكىر

ۇزدىك ماتەريالدار

انە، كوردىڭ بە؟

ورىس ءپاتريوتيزمى جانە ياحتا

ەسبول ۇسەنۇلى 1529
قازاقتىڭ ءتىلى

قازاقتىڭ ءتىلى ولمەسىن دەسەك...

كامشات تاسبولاتوۆا 1623
سوعىستا جۇرگەن سۇلۋلار

مايدانداعى ۋكراينا ارۋلارى: مارگاريتا ريۆچاچەنكو

ايجان تەمىرحان 1783