جۇما, 29 ناۋرىز 2024
بيلىك 3136 3 پىكىر 20 شىلدە, 2022 ساعات 15:30

قازاقستان ەكسپورتى رەكوردتىق دەڭگەيگە جەتتى

ەلىمىز تاۋار ەكسپورتتاۋدان رەكوردتىق كورسەتكىش ورناتتى. بۇل تۋرالى ۇلتتىق ەكونوميكا مينيسترلىگىنىڭ ءباسپاسوز قىزمەتى حابارلادى.

ۆەدومستۆو وكىلدەرىنىڭ مالىمەتىنشە، 2022 جىلعى مامىردا قازاقستاننىڭ تاۋار ەكسپورتى 7,7 ملرد اقش دوللارىن قۇرادى. مۇنداي ايلىق ەكسپورت كولەمى 2014 جىلعى اقپاننان بەرى بولماعان. ($7,9 ملرد).

ERI ساراپشىلارىنىڭ مالىمەتىنە سايكەس، مۇناي، مەتالل جانە اۋىل شارۋاشىلىعى ونىمدەرىنىڭ تۇراقتى جوعارى باعاسى قازاقستانعا 5 اي ىشىندە $34,2 ملرد ەكسپورتتىق پايدا اكەلدى. بۇل وتكەن جىلعى 5 ايلىق كورسەتكىشتەن 59%-عا نەمەسە $12,7 ملرد-قا ارتىق.

قازاقستاننىڭ ەكسپورتتىق ساتىلىمىنىڭ كەلەسى ونىمدەر بويىنشا وسكەنى بايقالدى:

مۇناي - 91% نەمەسە 9,6 ملرد دوللارعا;

فەرروقورىتپا - 61% نەمەسە 529 ملن دوللارعا;

مىس كاتودتارى - 25% نەمەسە 318 ميلليون دوللارعا;

بيداي - 61% نەمەسە 322 ملن دوللارعا;

ۋران - 2,6 ەسە نەمەسە 497 ملن دوللارعا;

كۇكىرت - 3,3 ەسە نەمەسە $238 ملن دوللارعا.

اتالعان تاۋارلار ەل ەكسپورتىنىڭ 90% ءوسۋىن قامتاماسىز ەتىپ، جيىنتىعىندا $11,5 ميللياردتىق ءوسىمدى كورسەتتى.

ايتا كەتەتىن جايت، ۇن (+$135 ملن), كۇكىرت (+$238 ملن) جانە سۇيىتىلعان گاز (+$94 ملن) ەكسپورتى كولەمى ايتارلىقتاي وسكەن.

تاۋارلارىمىز ەكسپورتتالۋ كورسەتكىشتەرى كەلەسى ەلدەرگە قاتىستى ارتقان:

يتالياعا - 2,9 ميلليارد دوللارعا;

قىتايعا - 1,5 ملرد دوللارعا;

وڭتۇستىك كورەياعا - 1,3 ملرد دوللارعا;

تۇركياعا - 1,1 ملرد دوللارعا.

بۇعان قوسا ەۋرووداققا جەتكىزۋ $5,8 ملرد-قا جانە ازيا ەلدەرىنە $5,2 ملرد-قا وسكەنى بەلگىلى بولدى. بۇل ەكى باعىت قازاقستاندىق ەكسپورتتىڭ 87% ءوسىمىن قامتاماسىز ەتتى. ال ەلىمىزدىڭ ەاەو ەلدەرىنە ەكسپورتى قاڭتار-مامىردا 0,9%-عا تومەندەدى.

 

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2269
عيبىرات

قايسار رۋحتى عازيز جان

مۇحتار قۇل-مۇحاممەد 3580