جۇما, 29 ناۋرىز 2024
بيلىك 2202 0 پىكىر 19 شىلدە, 2022 ساعات 16:32

قازاقستاندا مەديتسينا ماماندىقتارىنا بولىنەتىن ءبىلىم گرانتتارى كوبەيدى

دەنساۋلىق ساقتاۋ مينيسترلىگى مەديتسينالىق ماماندىقتار بويىنشا باكالاۆرياتقا جانە رەزيدەنتۋراعا ءبىلىم گرانتتارىنىڭ سانىن ارتتىردى.

قازىرگى ۋاقىتتا باكالاۆرياتقا بارلىعى 2700 گرانت ءبولىندى: «مەيىربيكە ءىسى»، «فارماتسيا»، «جالپى مەديتسينا/مەديتسينا»، «ستوماتولوگيا»، «پەدياتريا»، «قوعامدىق دەنساۋلىق» ماماندىقتارىنا - 2335 گرانت، كۆوتا - 365 گرانت (جەتىم بالالار، مۇگەدەكتىگى بار تۇلعالار جانە ت. ب.), 20 گرانت - حالىقارالىق كەلىسىمدەر شەڭبەرىندەگى گرانتتار.

ماگيستراتۋراعا دەنساۋلىق ساقتاۋداعى مەنەدجمەنت، قوعامدىق دەنساۋلىق ساقتاۋ، مەيىربيكە ءىسى، فارماتسيا، بيومەديتسينا، مەديتسينا، مەديتسينالىق-پروفيلاكتيكالىق ءىس ماماندىقتارى بويىنشا 325 گرانت ءبولىندى. ماسەلەن، 2023 جىلى مەملەكەتتىك گرانتتاردىڭ سانى 1500-ءدىڭ ورنىنا 1700-گە دەيىن، 2024 جىلى - 1800, 2025 جىلى - 2000-عا دەيىن ۇلعايادى.

ايتا كەتەرى، رەزيدەنتۋرانىڭ مەملەكەتتىك ءبىلىم تاپسىرىسىن ءبولۋ كەزىندە دەنساۋلىق ساقتاۋ، ايماقتاندىرۋ باسقارمالارىنىڭ وتىنىمدەرىنە جانە جوو، عزي، ۇو وتىنىمدەرىنە سايكەس وڭىرلەردىڭ قاجەتتىلىگى ەسكەرىلەدى.

تۇتاستاي العاندا، مەديتسينا كادرلارىن دايارلاۋعا ارنالعان مەملەكەتتىك ءبىلىم بەرۋ تاپسىرىسى وڭىرلەردىڭ قاجەتتىلىگى مەن جەرگىلىكتى اتقارۋشى ورگانداردىڭ وتىنىمدەرى ەسكەرىلە وتىرىپ قالىپتاستىرىلادى. جىل سايىن رەسپۋبليكالىق كوميسسيا دەنساۋلىق ساقتاۋ سالاسىنداعى ءبىلىم بەرۋ ۇيىمدارى ءۇشىن ماماندىقتار بويىنشا ءبىلىم گرانتتارىن القالى تۇردە بولەدى.

ماسەلەن، 2021-2022, 2022-2023, 2023-2024 وقۋ جىلدارىنا «دەنساۋلىق ساقتاۋ» باعىتى بويىنشا جىل سايىن مەملەكەتتىك تاپسىرىس بەرۋ كوزدەلەدى: باكالاۆريات – 2700, رەزيدەنتۋرا – 1500, ماگيستراتۋرا – 325, دوكتورانتۋرا – 160 ورىن. بۇل رەتتە اسا تاپشى ماماندىقتاردى ءبولۋ جوعارى وقۋ ورىندارىن وڭىرلەندىرۋدى ەسكەرە وتىرىپ، وڭىرلەردىڭ قاجەتتىلىكتەرى مەن وتىنىمدەرى نەگىزىندە كوميسسيالىق تۇردە قالىپتاسادى.

17 مامىردا رەزيدەنتۋرادا مەديتسينا كادرلارىن دايارلاۋ ءۇشىن مەملەكەتتىك ءبىلىم تاپسىرىسىن ورنالاستىرۋ جونىندەگى كوميسسيا مەديتسينالىق جوعارى وقۋ ورىندارىنا ءبىلىم گرانتىن ءبولدى.

قازۇمۋ - 380, بقمۋ - 166, قمۋ-174, سمۋ-172, امۋ-194, وقما-87, قرمۋ-76, ۇعكو-23, حقتۋ-20, ۇعمو،-6, UMC كورپوراتيۆتىك قورى -62, ۇنو-10, تراۆماتولوگيا جانە ورتوپەديا عزي-8, ۋرولوگيا عو - 2, قازعزي كوز اۋرۋلارى - 10, اگجپعو-29, سىزعانوۆا اتىنداعى حيرۋرگيا ۇعو -14, ۇعوو -24, پجبحعو-20, كجىاعزي -10, قازورعزي – 13.

 

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3592